السلام عليكم
اخواتي ممكن صورة ل بسكوت فارليز

جزاكم الله كل الخير ..
وبانتظار رأي الدكتوورة :)

في كذا طريقة الغالية.. في دكاترة تقولج لا تعطين الطفل اي شي الا الحليب لين ما يكمل ست شهور .. وتنفع مع اطفال.. ويتعود بعدين عالاكل..
وفي منهم يقولون لج دخلي له خضار مهروسه ( وهاذي طريقة اختي وهي دكتوره للعلم) من الشهر الثالث.. انا جربت هالطريقه لولدي والحمدلله كان برنامج حلو ومرتب وسهل خصوصاً لأأول مولود!!

طبعاً اي أكل تدخلينه للطفل لازم في البداية كمية وايد صغيره ويكون مخفف .. سائل يعني.. وتستمرين عليه لمدة خمس ايام عشان تشوفين هل يتحسس منه او لا.. ( الحساسية ممكن تكون على شكل طفح جلدي او ترجيع على شكل نافوره.. )

الشهر الاول حليب فقط.. ( طبعاً ماء + اعشاب)

والشهر الثاني تكونين بديتي بعصير البرتقال ( كبدايه ملعقه مع 2 ملعقه ماء تخففيه) وما يزيد عن 30 مل.. هذا بس احتياج الطفل من فيتامين سي..

والشهر الرابع تبدين بالسيريلاك.. الارز.. مع استمرار وجبة الخضار..
الزبادي ممكن تدخلينه من هالشهر بس طبعاً بكمية صغيرة في البداية

والشهر الخامس تدخلين وجبة فواكة مطحونه.. وبعدين تضيفين معاها روب(زبادي) .. فبتصير عندج لبداية السابع ثلاث وجبات.. رئيسية.. مع الاستمرار بالحليب طبعاً..

طبعاً بالنسبة للخضار.. تبدين ببطاطس + جزر+كوسى.. يسلق ويطحن.. وبدون ملح او مرقة دجاج ماجي او زبدة.. وبعد شهر ممكن تضيفين رز مسلوق.. أو بازيلا .. والشهر السادس تضيفين عليها قطعة صغيرة صدر دجاج.. وبالنسبة للفواكة.. تفاح + موز + عصير برتقالة.. ونفس الشي ممكن تضيفين مكسرات بعدين او عنب او سيريلاك مثلاً..
ممكن الكاستر او النشا او الرز المطحون.. عشان ما يمل الطفل..
بالنسبة للنشا او الكاستر او الرز المحون الناعم:
(1 ملعقة كبيرة نشا + ا م ك حليب بودره + كوب ماء) طبعاً خليه خفيف في البداية وشوفي السكر
أتمنى تفيدج هالمعلومات.. وتكونين خذتي على الاقل فكره... وممكن اكون نسيت شي.. انشالله البنات ما بيقصرون معاج..

وفي كثير ما يتقيدون ببرنامج معين .. عشان الطفل ما يمل.. واسألي الدكتور الي تثقين فيه عن البرنامج الافضل لبنوتج.. اي شغله تخص البيبي افضل ترجعين للدكتور الي يتابعها.. حتى لو كل يوم تروحين له او تتصلين فيه.. مش غلط..

انشالله نسمع راي الدكتوره اكيد رايها بيفيدنا ويمكن في شي جديد علينا....
الله يحفظها لج يارب..ويشفيها وتفرحين فيها انشالله..

ملامح قمر
ممكن تعطي ارز عادي تسلقية وتطحينه ثم تعطيه للطفلة طبعا بدون اضافة ملح
في البداية تسلقي الارز وتعطي ماء الارز ثم تعطي الارز بعد طحنه
ثم تضيفي بعد ذلك شوربة الخضار
في البداية جربي كل صنف على حده من اصناف شوربة الخضار
ثم بعد تقبل الطفل لها اعطيه صنفين معا
ثم ثلاث وهكذا
في الاول ستعطي الطفل ملعقة واحده في اليوم ثم اثنين ثم ثلاثة وهكذا
رفض الطفل للطعام لا يعني انه لن يأخذه
لكن يجب ان تحاولي
شوربة الخضار ممكن تتكون من بطاطس وجزر وبسلة وكوسة
مسلوقين في ماء طبعا دون ملح ثم اطحنيهم بالخلا ط ثم ضيفي نقطتين ليمون
وبالهنا والشفا

الله يشفيها عاجلا غير اجل يا ارحم الراحمين