الكل ادمنها وحتكون فزعتك لاجوك ضيوف:icon28:
لذييييييييذه وروعه قليله عليها
صدقيني حتكون الذ بسبوسه عملتيها
من زمان ابغى اكتبها لكن لقرب شهر رمضان
وفيه يكثر الضيوف والعزايم حبيت انزلها لكم
من مطبخي البسبوسه الرومانسية
بسم الله نبدأ
وعلى فكره مش حتأخذ وقت
تنويه علبة القشطه حتكون مكيال المقادير
شفتوا حتى وفرت عليكم غسيل المواعين:angry:
المقادير::27:
1_علبة قشطه ...اي قشطه تحبيها التاج المراعي لونا
2_سكر بمقدارعلبة القشطه كام-له
3_ربع العلبة زيت
4_ملعقة كبيره بكنج بودر
5_حليب نيدو بودره مقدار علبة القشطه كامله
الحين نقوم نحركها نحركهابالملعقة حتى تتجانس
ثم
6_سميد بمقدار علبة القشطة مرتين
الحين حركيها بالملعقه الين ماتتجانس مع بعض مزبوط
وبعد كذا ياقلبي
حطيها بصينية بايركس بعد ماتدهنيها بزيت طبعا مو الكبيره الوسط او الصغيره
لأن بعضهم يشترون البايركس كبيره وصغيره ببطن بعض
وحطيها بالفرن ولعيه من فوق اقل من اللي تحت
لأنها تستوي من فوق اسرع من تحت بفرني
مدري عن افرانكم:)
فعاد انتي انتبهيلها
مره حريصه ماابغاها تفوتكم لأنها لذيييييذه:39:
والشيره سويها ثقيله ولا تدخل البسبوسه الفرن
الا الشيره مطفى عليها النار
وبعد ماتطلع البسبوسه من الفرن حطي عليها الشيره
وبالهناء والعافيه :27:
هذي البسبوسه الرومانسيه من مطبخي
وشكرا
اعتذر منكم كثير لأني ماحطيت صور بس صدقيني حتسوينها وتقولي يم يم يمي