السلام عليكم ورحمة الله وبركاته
كيفكم عزيزاتي حواءات
بدون مقدمات طويله وممله
كان النقص هذا في وزني نقص فعلي .. ربما هو بطيء لكن مو مهم اهم شي النقص ولا الزيادة ولا الثبات على الوزن الكبير
أهملت وزني ومراقبته لدرجة لقيت رجليني ماعاد تشيلني
وزمان كنت اسوي ريجيمات بس يجي اخر النهار واخبص واقول بكره ابدا من جديد
ولا كنت امشي ولا كان يبان اي اثر
وبالعكس الزيادة كانت مستمره
ويوم 25 ربيع أول جاتني حاله مدري وش اسميها
ربما كثير منكم مروا فيها
قمت اناظر نفسي واقول وش هذا يابنت وش سويتي بعمرك؟
يعني الحمد لله لاينقصنا شكل ولا ينقصنا شي
بس الوزن مخلينا أقبح الناس
وقمت افكر بالسكر والضغط والكوليسترول .. حتى السرطان الله يحميني واياكم فكرت فيه
وقعدت اعوذ بالله اتخيل نفسي عجوز كبيرة وسمينه وعيالي بلشانين فيني ومهم عارفين يشيلوني ويعالجوني
كل الالم النفسي اللي كنت احس فيه من وزني الزائد طلع ذاك اليوم
المهم واطلع يومها لحديقة ترابية واااسعه قريبه من بيتي
وامشي اربع لفات
يوم جت اللفه الرابعه وانا ماقدر اتحرك من مكاني
تعبت
وانهديت
وتكسرت رجليني
كان وزني يومها 96 كيلو
بغيت اكمل بس قلت لا
لاتضغطين على نفسك وتتعور رجلينك وتبطلين
وحده وحده
وجيت بالليل وشطبت وجبة العشا
كويس هذي خطوتين ايجابيه
وثاني يوم شلت السكر من الشاي
حلووو
قدرت اقاوم
بالمدرسة قالولي خذي حلى
طبعا جلسة القهوة والحلى ماتتفوت
بس قلتلهم مشغوله وانا بموت واخذ قطعه
تشاغلت وطلعت كل كراكيبي القديمه والجديدة عشان ماشوف الحلى
الرز انا وياه ماحنا حبايب
عشان كذا يوم رجعت البيت مالقيت صعوبه في الغاء الرز من القائمة
بديت افطر واتغدى بس بدون سكريات ونشويات كثير
اقوم عن الاكل وانا لازلت اشتهيه
( لقيمات يقمن صلبه )
وثاني يوم مشيت 6 لفات
وبعد ه 10 لفات
وبعده 13 لفه
يعني تقريبا مشوار ساعه وربع يوميا
كانت المفاجاة يوم طلعت قبل اسبوعين على الميزان ولقيتني نازله اربعة كيلو
واليوم بعد كيلوين
صار الوزن 90 وفرحت كثير
وحسيت بالانجاز
خلاصة اللي سويته اني اكل كل شي بس بكميات قليلة جدا ماعدا الحلويات والأرز والبطاطس
نجي لوجبة العشا
طبعا احيانا احس بالجوع فاكل تفاحه او زبادي او اشرب كاسة حليب قليل الدسم او ممكن اكنسل هذا كله واشرب كاس مويه وانام
اشرب البردقوش بصفه مهي مستمره
يوم ويوم
واحيانا كل يوم
يعني بشكل غير منتظم
ووعدت نفسي استمر على هذا النظام لمدة شهرين عالاقل
لاني ماتعبت
هذا اولا
وثانيا شفت نتيجة جيده
وقلت باطلعكم على اخباري اول باول
لعلكم تستفيدون
وبنفس الوقت تشجعوني
كتب الله لي ولكم العافيه يارب
ويارب تنحفنا
تحياتي القلبيه
يلزم عليك تسجيل الدخول أولًا لكتابة تعليق.
احبك ياحضن امي
•
ماشاء الله الله يقويك
الله يوفقك وتوصلي للوزن المثالي بصحه وعافية
قرارك اللي وصلتي له هو القرار السليم وهو اللي وصلت له انا هالايام وان شاء الله في خلال 6 اشهر اوسنة اتخلص من وزني الزايد
قرارك اللي وصلتي له هو القرار السليم وهو اللي وصلت له انا هالايام وان شاء الله في خلال 6 اشهر اوسنة اتخلص من وزني الزايد
ان شاء الله يارب
الله يقويك ويقويني
ونوصل للوزن اللي نبيه بصصحه وعافيه
اسعدني مرورك ياقمر
الله يقويك ويقويني
ونوصل للوزن اللي نبيه بصصحه وعافيه
اسعدني مرورك ياقمر
الصفحة الأخيرة