8 مليون عدد الحيوانات ؟؟؟هل يمكن من الحمل الطبيعي(تكملة قصتي )

السلام عليكم


حبيباتي والله كتبت العنوان و بعدها تنهدت
مو متخيلة كيف بدي احكي الموضوع بوجع القلب طولو بالكم علي حابة اسمع رايكم كتير بهمني وبساعدني

ذكرت لكم مرة اذا بتشوفو في موضوعاتي موضوع اني انظلمت ظلم شديد من اهل زوجي من جوانب عدة(حسبي الله ونعم الوكيل)


وكان احد هاي الجوانب اني انا لما شلت المانع (كان عمر بنتي وقتها سنتين وسبع شهور)قعدت فترة وما حملت وما فكرت (والدة زوجي)تآخدني عالدكتورة تطمئن علي (انا بقدر اروح لوحدي بس كنت بقول استنى شوي)

المهم بعد عشر شهور روحت وفحصت وما كان عندي شي الحمدلله ووضعي كان كويس والدكتورة لفتت نظري الى انه لازم زوجي يعمل فحص


عمل زوجي فحص وطلعت النتيجة انه عدد الحيوانات عنده 2 مليون والحركة صفر ونسبة العدد الحي 5 بالمية بس



اهله وقتها بسطو الامور وقالو عادي والرجل بتحسن بسرعة واذا ما تحسنت ما فيها اشي عندك طفلين بكفو

ما كان قصدهم انه عندك طفلين الله يخليهم وما الك نصيب في غيرهم ((لأأ قصدهم هي عندك تنين واذا مو عاجبها لمرتك بلاش))


في موضوعي السابق ذكرتلكم كيف انه ما كانو راضيين يعملو صورة لزوجي للتاكد من موضوع الدوالي (زوجي بياخد راتبه من والده وكان ما بيقدر يعملها الا اذا والده اعطاه التكاليف)


وقعدو يمكن تلات او اربع شهور لا راح عدكتور يعالجه ولا خلو يعمل الصور فقط عشان بيعرفو اني انا حابة احمل يعني طنشو الموضوع كتير


وبعد ما الله رحمنا وعملنا الصورة وزار الطبيب(هاد كله اخد وقت ما كان بسرعة)لانهم ما اهتمو بالموضوع


زار زوجي طبيب وكتبله على علاجات وحكالو تعال بعد شهرين

بعد شهرين الحمد لله عمل النتيجة وكان العدد اصبح 8 مليون و الحركة اصبحت من 5 بالمية الى 35 بالمية



هلا الظلم بعينه انهم مقتنعين انه هيك ابنهم خف وتحسن وممكن يحصل حمل طبيعي وكل شي وبدهم اياني آخد منشطات وقالتلي امه انو راح تاخدني عالدكتورة اللي هي قايلهلها بدي تاخد منشط عشان تحمل
وقال ضللي خدي منشطات لغاية ما احمل(هاد كلام والدته)


انا كلمت الدكتورة من غير ما اخبرهم
قالتلي يا حبيبتي 8 مليون يا دوب ينفعو لطفل انابيب يا دوب وقالتلي انا قلتلهم احيانا بنعطي منشطات وبيزبط بس مش لما يكون العدد قليل هيك


بنات انا متدايقة وحاسة بالافتراء علي
يعني عشان تحسن زوجي شوي بدي اعبي جسمي هرمونات ومنشطان على عدد قليل هيك!!!!


ساعدوني يا صبايا هل ممكن استفيد من امنشطات مع هاد العدد؟؟


انا كنت حابة انتظر لو حتى كمان سنة يتعالج زوجي فيها ويتحسن اكتر من هيك ووقتها باخد منشطات مو من هلا!!!!


شو رايكم الله يفرج همومكم؟؟


سامحوووووني عالاطالة