دمعة غلاء @dmaa_ghlaaa
محررة
السلآمـ عليكمـ ورحمـة اللـه وبركـآته
هـذي قصيـده كنـت أدور عليهـآ من زمـآن لأنها عاجبتني
وكنت دايمـ ألاقي البيت الأول بس
وقبل فتـره لقيتها كـآمله قلت أنزلها لكمـ : )
ودي أموت اليوم وأعيش باكــر
واشوف منهو بعد موتي فقدني
ومنهو حملني لين ذيــك المقابر
وأشكر انا كل من كرمني ودفني
وبشــوف يرثيني انا كم شاعـــر
ومنهو تركني وماكتب شي عني
شخص ٍ تعنـى لي مع انه / مسافر
وشخص ٍ قريـب وانا ميت طعني !
وشخص ٍ يمثل دمعتـه ما هو قادر ..
وشخص ٍ تطيح دموعـه كل ما ذكرني
ومنهو من اهلـي في العزا كان حاضر
ومنهو دعالي فــي صلاته ورحمني
ومنهو بنى بإسمي سبيل ومنابر
ومنهو يفــز قلبــه إلا من لمحنـي
ومنهو عشاني طـول الأيام ساهر
ومنهو ثــلاث ايامـ راح وتركنــي
ومنهو يرتب غرفتي والدفاتــــر ..
وإن شاف صوره لي مات وحضني
يالله عسى ما تغفى كل المشاعر
ويالله عسى ما ينصـدم يومـ ظني
خايف يروح العمر واكون خاسـر
وان طار طيري ما يفيد التمنــي
وخايف يجيني وقت اكسر خواطر
إن دارت الدنيا وزماني كسرنــي
وما دام هاذي الدنيا صارت مظاهر
وكل من على كيفه وجوه يغنــي
صحيح مسلمـ // لكن الهمـ كافـــر
كل ما بغيت أضحك يهددني حزني
الضيق وافي والحزن حيل وافــر
والجرح أكثر شي شفته يحبنــي
عايش وميت بين ماضي وحاضـر
والصبر مفتاح الفرج ضاع منــــي
قل وش تبي وتتركني يا حزني آمر
مسكين فرحي .. تصدق إنه وحشني ؟
شاعر ولكني ماني بشاعــــر ..
ودي أموت اليومـ وارتـاح مني .. !
خالص ودي
دمعة غلا
2
558
يلزم عليك تسجيل الدخول أولًا لكتابة تعليق.
الصفحة الأخيرة
يا رب يومي يكون قبل يوم اللي في بالي كلهم عشان ما اتحمل الفراق
الله يخلي كل غالي على قلبي ويحفظ الغاليين على قلوبكم
ودي القصيدة كل ما قريتها اتخيل يوم لي رح افارق فيه الدنيا
مشكورة يا الغلا