kade2005 :

الله يرحمها ويسكنها الجنه شكثر تعجبني قصايدها

الله يرحمها ويسكنها الجنه شكثر تعجبني قصايدها

ضيم الجراح :

"""" أحـلام """" ياما على نفسي بالأحلام كذبت ................... وياما صبرت وصبرنا مانفعنا وياما من وداعه تعذبت ................... وياما نحاول نفترق ما استطعنا كم مره ودع وكم مره غبت ................... وكم مره عقب الوداع اجتمعنا ياما توادعنا وشرق وغربت ................... ويوم التفتنا في بعضنا رجعنا لاقادره أنساه مهما تهربت ................... ولامعترف في حبنا مجتمعنا _________________________________________________ هالابيات للشاعره رحمها الله وماهي موجوده بديوانها تقول : لاتحسبني في غرامك تهاونت ** لا لا تهوجس ماتردا مقامك ابك انت من زود الثقه فيك لاهنت ** اكذب اعيوني واصدق كلامك عمري وقلبي ياحبيبي فداك انت ** مالك خشير ولا يقل احترامك لو شحّت الاقدار بالوصل ماخنت ** عهدن على رقبتي وفاي لغرامك \ ___________________________________________________

"""" أحـلام """" ياما على نفسي بالأحلام كذبت ................... وياما صبرت وصبرنا مانفعنا...

ضيم الجراح :

انا اسفه يا قصيده و ابعدي عني الوقت كله عطيته لامتحاناتي حتى حبيبي بطيفه لا دنى مني للغرفه الثانية لملمت حاجاتي الوقت ضيق و انا دروسي يهمني خليني اختمها مسك اخر محطاتي ما انكر جميلك يا مخففه عني قصه شقاي و عناي و كل ضيقاتي ادري انا منك و انتي قطعه مني لكن صراحة ثقيله بعض الاوقاتي خويه الذات لالا تزعلي مني العمر قدام و انتي مرصد اهاتي ******** مدري رجا مدري وفا مدري احساس انطرك و ادري قلت لي ما انت راجع يا من سوت عينه مخاليق و اجناس ادخل على الله لا تزيد المواجع جفني خذاه بتالي الليل هوجاس و ادري بجفنك تالي الليل هاجع اباتحرى جيتك و اقطع الياس و اقول نور الحق لابد ساطع ما همني مكسب و لاهزني افلاس بمشي على عمياي و اقول راجع ********* يجيني بلا و اغط انا ضيقتي بغناي اغني باحطم هاجسن ماكلن حالي ذبحني غلاة و حدني لين جبت اقصاي ذبحني عسى مال الغلا يا عرب والي غدا دبوسن بدمي سرى لعضاي و لا ادري اهو وينه و لا كيف ينطالي تغلغل بمخي و العصب و العظم و كلاي يدوج غلاة بمهجتي دون ترحالي سبه عقلي الراجح و ضل الفكر و الراي يا خبل الذي هاقيه نزوة و تنزالي بلاني عفاه الله ليته بلي بلواي غدا علتي و دواي و المر و الحالي ********* انتم تحبوني و انا احب ثاني و اللي احبه باغين ناس ثانين هذا ابتلا فيني و هذا بلاني و اللي بلا مبلي و باليه مسكين انا ترجيته و غيره رجاني و المشكله ما ينقل القلب حبين سهوم تجمع بين قاصي و داني يا ليت لسهوم المحبه قوانين هذا ينوح وذا جريحن يعاني هذا قتل هذا و لاهم دارين و هذا كتم سرة و هذا علاني الله اكبر يا جهاد المحبين *********** جيته ابستانف مواعيد فرقاي ابي الوداعيه تاخر نهارين جيته و انا مسبوهه الفكر و الراي بجاهه الرحمن بعدين بعدين يسراي راحت تلتجي وسط مخباي ما ابيه يلحظ رعشتن بي من البين ويمناي تمسح دمعه في محياي وكلتها تستر دموعن من العين و بين التنهد و الحيا و موت رجواي ابي الكلام و عز وا فالي الشين *********** لا وداعيه و لاهم يحزنون قط لي كل الرسايل و انحرف رافض حتى وداع التيلفون قام يكرر ما تخبيه انكشف ما جداي الا اناظر بالعيون لين زوله عن مدى عيني انحرف كيف خان و هو حالف ما يخون وين عهده وين كلمات الشرف كل شي عقب محبوبي يهون و استوى عندي عذابي و الترف ************ يا خبلي يا نايفه و يا مكثر خبالي انا احسب ان الموادع عادي هين من شدة الغيض انا وادعت لي غالي اقول يوم عسير و يتبغه لين يرحمني الغيض و طبع العند يبرالي و العاذل اللي حكاه يزيد و يشين وجنبت عنه و رحت اسير بلحالي كما يجنب عن الخفرات متدين و عودت ابي شوفته لما هدا بالي اثاري جرحي لخلي ما طلع هين وا وجد نفسي عليه و يا ضنا حالي وا همي اللي ادسة عن و يبين *********** قال اسمعي فرقاك غصب عليه عيا ازمن يمشي معانا بالاوفاق وقفت لا ميته و لانيب حيه تضاربت بالجوف ضيقه و حراق و قال الرسايل وينها قلت ذيه و للريح عرضت الرسايل و الاوراق و رزيت نفسي و اتظاهر قويه يعني كاني ما تاثرت بفراق و انا عذاب الكون صوت عليه اضحك بسني و اختم الضحك بشهاق ما كنت اظن الليل يمسي عليه و لا كنت اظن تعود الشمس بشراق

انا اسفه يا قصيده و ابعدي عني الوقت كله عطيته لامتحاناتي حتى حبيبي بطيفه لا دنى مني للغرفه...

ضيم الجراح :

هالقصيدة لأولـــ مره تنشـــر في عالم النت عموماً .. وهي من القصائد القديمة للشاعرة عابرة سبيل - رحمها الله تم نشرهــا في مجلة المختلف ولم يتضمنها ديوانها رحمة الله عليـــها .. """" عشرين عـام """" جعل ذيك المباني مايجيها الهدام ................... والمزون الثقيله فوقها يهلها عقب فرقا لها تقريب عشرين عام ................... لا اتصال ولامكتوب واصل لها يوم واجهتهم وشلون عز الكلام ................... آه يامن يصدق "عابرة" وخلها عاجزة لا أوصف الأحزان وأغفي وأنام ................... بس تابس شفاتي وأرجع آبلها أحسب إن المودة مثل سن الفطام ................... يدله الورع له أيام ويملها أثر حبه سقط بين اللحم والعظام ................... وأنتشر بالعروق اللي بدا يسلها كل ما " خودر " وقلنا محى هالغرام ................... جاك شعر يذكرها غلا خلها ماعرفني وأنا حالي عديم حطام ................... عبرة اتل قلبي وعبرة آتلها ودى أكلمه لكن حلال حرام ................... عقدة العمر عيا الوقت لايحلها وإن تذكرت وضعي والنفوس الغشام ................... كن نفسي تبي الصيحات وأغلها

هالقصيدة لأولـــ مره تنشـــر في عالم النت عموماً .. وهي من القصائد القديمة للشاعرة عابرة سبيل...

ضيم الجراح :

"""" متفرقات """" إن بغيته حبيبي قمت كلمته ................... ماعليه من النمام والحاسد كان رقمه من الأجواد مانلته ................... بارك الله في " واحد صفر واحد " . . . . العمر يا صاحبي معدود ................... نضيع في لمحة الرمشي مهما نسوي نريد الزود ................... الواسطة فيه ماتمشي

"""" متفرقات """" إن بغيته حبيبي قمت كلمته ................... ماعليه من النمام...