][ الله ينـــــــــــــور قبركمـ ويشرح صدركمـ بذكر الله ردو عليآ اليوم ضرووووري ][

بسم الله الرحمان ..

اهليـــــن اخواااتـــي ..

كيف حااالكمـ كلكمـ ..

ماحطول عليكمـ لكن ابغاكمـ تسآعدونـــي فشي بعد الله ابغى استشيركم وان شاءالله تدوني الحل الصحيح ..

المشكله هي أمـــي ..

والله مااضلمها قبل لااكتب الموضوع .. امي طيبه معروووفه في العائله كلها ..

اطيب منها والكل يتمنى طيبتها وحنيتها ..

على انه حنانها مو مررررررررره زايد .. لكن ماتتعوض الله لايحرمنا منها يار ب..

..

لكن الفتره الاخيره سار عندنا تصليحات في البيت .. يعني حوالي 7 شهور وقبلها شهرين جدتي كانت عندنا ..

من الفتره هاذيك واليــــن هذي الشهور ماما مــــره متغيـــــــــــــــره ..

والله نفسيتي تعبــــت .. واكثر شي سار يهمها كلام الناااس .. مشاعرنا عواطفنا ماتهمها اهم شي الناس ايش تقول ..

واي شي تسويه بمزاجها يعني لو تبغى الشي تقدر تسويه .. يعني حرام مهي قويا هي لا بس مدري سايره تصرفاتها غيــر ..

يعني اختي نفست عندنا دحين .. بس الاسبوع الاول يعني يعني مهتمه فيها وتقريبا باقي الايام شغلها الشاغل البيت ..

حتى ابويا متاذي من هذا الموضوع .. واحنا سار مافي طلعات مافي خرجات .. واذا جات الساعه 11 ماتخرجو الناس تتكلم عليكم بعدين ..

يعني اصلا الخرجات الي نروحها بيت جدتي وان كثرنا بيت خالتي وكلهم بيننا وبينهم 3 دقايق ومااعتقد يمكن حتى 1 دقيقه مررره قريبه ..

بس كذا حاطه بمخها شــي انه مانروح عشان .. ومانطول عشان الناس لايقولو علينا شي ..

وغير كذا وحده من اخواتي مارزقها الله بولد الى الان .. وهي مافيها شي .. بس لسى كل شي حكمه ونصيب ..

يعني يمكن تفكر تدعي مااقلكم ماتفكر فيها حرام .. بس مو اهتمامها اهم شي البيت .. والضيوف ايش ياكلو ايش يشوفو في البيت .. ايش يقولو عليها .

وفي الاخيـــر الي خلاني انفجر اليوم .. 3 اشياء جات على بعضها كلها ..

اول شي اختي النفاس قالت حاسه نفسي مو نفاس .. حاولت اهديها قلت مشغوله مع الضيوف قالت مو طول اليوم ضيوف ..

ثاني شي انا كنت بخرج بس قالت لا اول شي ساعديني في الضيوف بعدين روحي .. عشان اليوم الشغالات الي يسو الشاهي والاشياء دي كانو بره البيت .. بعدين لمى راحو وراحو الضيوف .. قلتلها قالت مافي خرجه بره البيت فدا الوقت ..

وثالث شي اختي الي ماجابت اكثر شي قطعتلي قلبي اتصلت ولو زودت المكالمه كانت بكيت .. كلمتها عشان نفسها ماقصرت سوت نفسها مهتمه بس جرحتها انتي لسى مو دحين انتي زي فلانه يمكن بعد 4 سنوات :44:

والله مررره متضايقين .. يعني لو حتكلم معاها حتقول انا مقصره فشي .. انا اعطيكم ماتقصر والله تعطينا واي شي نقلها نبغى نشتريه ماتقول لا ..

وكمان بابا قال نوديكم المدينه قالت لا .. عشان تبغى تكمل التحف الناقصه في البيت قالت مو دحين ..:44:

يعني الحمـــدلله حالنا احســـن من غيـــرنا .. والحمــدلله عليها ماتقسى علينا داخل البيت .. ماتخاصم ماتضرب ..

بس ماتحس فمشاعرنا اهم شي كلام النااس ..

يعني مو بس موضوع الخرجه من البيت مثلا .. لا في اشياااء كثيره بس هذا من الموضوعـ ..

فكرت اكلمها بس ماني عارفه ايش اقلها ..

قلت راح اقلها ..الي فنفسي بس الموضوع الي اكثر شي ماني قادره اطلعه انه مي مهتمه اي ام حتزعل لو سمعت هذا الكلام من بناتها وحتتضايق ..

فايش تنصحوني عايدي لو قلتلها ( ماما البيت شغلك عننا وماسرتي تهتمي فينا بس اهم شي الناس ) ..؟؟

ردووولــــــــي وبالذات اختي الي مارزقها ربي بالنونو الى الان .. هي اكثر شي مزعلتني والله ..

سامحوني طولت عليكمـ بس ابغاكمـ تنصحـــوني ..

اختكم في الله

كل مشآعر ..