؟؟؟؟؟؟؟؟؟؟؟؟؟؟؟؟؟؟

الشاعر / حامد زيد


أنا والليل والعبـرة وجـرح الخاطـر المكسـور
ونفسٍ من هجيـر البعـد والحرمـان iiمقهـورة
وقلبٍ ظامي لشوفك ولا يـروي ظمـاه iiبحـور
وعينٍ تحتري لحظة غياب الطيـف iiوحضـوره
ونـار تنطفـي مـرة و مـرة تشتعـل iiوتثـور
وأقول النار مقـدورة وهـي ماهـي iiبمقـدورة
حسبت الليـل بغيابـك يمـرن الليالـي iiدهـور
وكني شايـل بقلبـي ليـال الوقـت iiوشهـوره
تصبرت وتقدرت وبنيت مـن الخيـال iiقصـور
إلين ان الجفـا شـد الركايـب وانتهـى iiدوره
تحريتك على درب القصايد من ثـلاث iiشهـور
وحشا مامات لك غصن يشف المـاي iiبجـذوره
تخيرت الغـرام وجيـت لاراضـي iiولامجبـور
وجيتـي تسبقيـن خطـاك مرضيـة ومجبـورة
وأنا ماكان لي راغبة أبين وأكشـف iiالمستـور
ولكـن الغـرام أكبـر مـن الخفـاق iiوشعـوره
جمـال وود وعيـون ودلال وكبريـاء iiشعـور
وفتنة تخـذل عيـون النهـار وينطفـي iiنـوره
ولك في خافقي صورة تلاشت بين ضـي ونـور
وأخاف أسكت من الفرحة وتنطق بإسمك الصورة
عرفتك وانتهت رحلة قسـاوة قلبـي iiالمهجـور
وألا ياجملـة أيـام الجفـا والصـد iiمشـكـورة
خذتني للجفـا عـزة وأخذنـي للعنـاد غـرور
وأخاف أكون بعنـادي حبيـب ومـات بغـروره
وإذا كانـت مسافـات الخيانـة للغـرام iiقبـور
وش اللي يجبر العاشق يخـون ويحفـر قبـوره
وش اللي يجبر الشاعر يدور للشعـر iiجمهـور
مـادام إنتـي محبينـه وعشاقـه iiوجمـهـوره
منقول