- عالم حواء

روح القصيـــد @roh_alksyd_3

محررة برونزية

السلام عليكم ورحمة الله وبركاته

اولاً البنت الي بتشرفني وبتطمش
او بتدخل وتسجل وياي ومابتكمل
السموحه لو ماتشارك افضل :35:
لان المجموعه
الي بتكون وياي ماباها توقف
الا بعد 3 شهور على الاقل
انا شخصياً ناويه استمر لمدة 6 شهور
لان النتيجة المتميزة محتاجه وقت
اذا تبين 10 على 10
لازم تستمرين لفتره جداً طويله
وانا هالشي طبقته ولله الحمد والشكر مع جسمي
قولوا مشاءالله وتبارك الرحمان ولاحول ولاقوة الأ بالله
انا اول ماسجلت ف المنتدى كان وزني ف 73
والحين 58 كيلو مقارنة بطولي الفارع
يعني عظمه لووول
حتى افكر امتن حالياً
لكن كيف جت النتيجه مع الوقت خذ الموضوع من 4 شهور الى 5 وفوق
عشان جذي بنات الي يبا نتيجه لازم يستمر

لشعر اكثف وانعم واطول
لازم بالبداية

تحديد الأهداف

1- طول شعرك الحالي والطول المراد وصوله

2- نسبة تساقط شعرك الحالي ونقصان النسبه التساقط بعد فتره

3- تحديد نوعية الشعر ونعومته في الوقت الحالي مع تحديد الموضوع ذاته بعد فتره

مثلن
انا شعري لين اقل من نص الظهر
لاني من فتره قصيته
ابي اطوله الى اخر الظهر ك هدف اول

التساقط لـ 40%
ابغي اوصله 0%
ان شاءالله

نوعيه شعري من الدهني الى العادي
وللاسف مع انه مقصف ونعومته بدرجه المتوسطه
ابا شعري يكون عادي وناعم جداً إن شاءالله

اخطر الأخطاء

1- عدم غسل الشعر بالشامبو لأكثر من 2 ف الاسبوع
2- عدم استخدام المشط ذو الاسنان الصغيره او البروش
ويفضل استخدام المشط الخشبي

افضل النصائح

1- قبل السباحه يجب عليكِ ان تقومي بتمشيط شعركِ
بأن يكون مفروداً غير متشابك حتى لايتساقط بعد السباحه

بعض المعلومات عن انواع الشعر

أنواع الشعر؟
- الشعر الجاف .
- الشعر الدهني.
- الشعر العادي.

- الشعر الجاف .
شعرك يحتاج إلى وضع الزيوت وحمامات الزيت بكثرة لتعويض الجفاف وحتى لا يتعرض لتساقط ويستعمل شامبو خاص بالشعر الجاف.

- الشعر الدهني
يفضل استخدام الزيوت والكريمات بكمية قليلة لأن طبيعة شعرك دهني ولامعة وعند إضافة الزيوت يصعب تنظيف الشعر وهو يستمد الفائدة التي يفرزها الشعر.

- الشعر العادي
شعرك طبيعي ويكون استعمال الزيوت والكريمات له بشكل متوازن وله شامبو خاص متوفر في الأسواق.

اخيراً وليس آخراً
افضل الزيوت الممكن نستخدمها في المجموعه

زيت ترشوب

اذا كنتي تعانين من:
1- تساقط الشعر بشكل ملحوظ
2- بطئ النمـــــــــــــو
3- متقصف بشكل ملحوظ
4- فيه قشره مؤذيه

هذ الزيت من مميزاته:
1- يقضي على التساقط
2- يساعد على نموه بشكل طبيعي
3- يقضي على التقصف
4- يساعد على ظهور الشعر في اماكن الملاحظه فيها بان الشعر خفيف
5- حصول على الشعر الصحي

اسم الزيت:
Trichup Oil
تراشوب

وشكل الزيت:

مواصفاته:
لونه غريب زيتوني على اخضر..
وريحته قويه بعض الشي..
يصنع من الاعشاب طبيه
وتدخل في صناعته زيت السمسم

ويتحصل في:
عند العطارين..

سعره:
لا يتعدى ال30 درهم..

ملاحظه:
الزيت طبي.. وتم فحصه طبيا وينصح به الاطباء.. لا يسبب اي مشاكل عند الاستخدام..

طريقة الاستخدام:
يغسل الشعر جيدا بالشامبو.
يجفف الشعر ومن ثم يوزع الزيت..
يعمل المساج بشكل جيد..
ويعجف الشعر..
يترك على الشعر على الاقل 6 ساعات او طول الليل..
يغسل الشعر جيدا..

****** يستخدم مرتان في الاسبوع فقط*******

املا دابر + زيت براشوت

وهذي صورهم للي تبغي تتشريهم

تنفيذ لتجربة الأخت كلي دلع جزاها الله خير
مرحبااا خواتي الغاليات ..

بنات قلت من البدايه انا ماتعبت نفسي وكتبت الموضوع عشان تشوفون وتطلعون
وتقولون شكراً لا
ابغي نتيجه نوصل لها جميعاً
والله اني اتمنى الخير للجميع
يعني ابغي حماس ونشاط

ابي تكتبون اولن
1 ) الأهداف الي كتبتها فوق
2 ) قولوا يومياتكم مثل مجموعات الي في قسم السمنه شوفوا حماسهم
اكتبوا ايش سويتوا لشعركم هاليوم !!!!!
3) نكتب النتيجه كل نهاية أسبوع اذا حسينا بتحسن او لاء !!

وكل نهاية شهر منشوف النتايج وبتحصل الافضل وسام الجمال !!

ودعواتكم لي بالغيب
:35:
روووووووووح القصيييد

:32: