قط سمعتوا عن رز با لبشميل ؟؟؟؟؟؟؟؟؟
أكيد سمعتوا عن مكرونه عن باذنجان عن كوسه عن مسقعه
بس عيش با لبشميل؟؟؟؟ ما أدري لأن هذي الوصفه من خيالي
وكنت أسويها من 17سنه وشاركت فيها في سوق خيري
وصار عليها أقبال ما تتصورون هذي الطبق سهل ولذيذ
فما راح أبخل عليكم وبعلمكم طريقته وأن شاء الله يعجبكم
ولاتنسوني وتبخلون علي من دعواتكم
المقادير:
دجاجه مسلوقه با لماء والملح ومفتته
ماء سلق الدجاجه
4 كاسات رز أمريكي مغسول ومنقوع ومصفى
2 بصله متوسطه مفرومه
2كأس خضره مشكله جاهزه
4 فصوص ثوم مهروس
2 مكعب مرق الدجاج ماجي
قليل من الكمون الناعم
قليل من الكزبره الناعمه
قليل من الفلفل الأسود
قليل من ملح الطعام اجينا موتو
3 ملاعق أكل أوستر صوص(صلصه المحار)
قليل من الملح
3 ملاعق زبده
2/1كاس زيت
جبن مازرولا أو جبن شيدر مبشور أوجبن سلايس
2/11كأس طحين جميع الأستعمالات
3مكعب مرقه الدجاج ماجي
الطريقه:ركزي معاي ززززززززين
- نحط نص كميه مرق الدجاج على النار ونسلق فيه الرزطبعا نزيد
كميه المرق والملح وبعد ماينضج عدل صفيه في مصفاه
- نحط البصل على النار ونحمره تحمير خفيف ونضيف عليه الثوم
والخضره المشكله و2 مكعب مرق الماجي والبهارات وصلصة
الأوستر والبهارات واجينا موتو
- نضيف الدجاج المفتت ونقلب الجميع
في هذي الوقت نحضر صلصه البشاميل
- نحط الزبده والزيت على النار ونضيف عليها الطحين ونحمره
تحمير خفيف
- نضيف عليه 3مكعبات من مرق الدجاج ونحرك الجميع
- نصب نص ماء سلق الدجاج السابق على الطحين مع التحريك
السريع عشان مايتكتل الطحين ونزيده ماي لين يصير سائل لين
مثل المهلبيه نضيف له الفلفل والملح
- نجهز صينيه الفرن والتقديم ونحط كميه وافره من الصلصه
- نحط نص كميه الرز المسلوق
- نحط خليط الدجاج على الطبقه الأوليه من الرز ونصب عليه
قليل من الصلصه
- نحط باقي الرز على خليط الدجاج ونصب باقي الصلصه
جني رجيتكم بنحط000 بنحط 0ما عليه تصبروااا علي
المهم تفهمون علي عشان تصير طبختكم مظبوطه
ما علينا بنيي حق الأخير
- بعد نحط الجبنه اللي تحبينهاأنا حطيت جبن سلايس عشان
ماعندي جبنه غيرها وندخلها الفرن وبعد 1/2ساعه
تفتحين الفرن من فوق وتحمرين الوجه
وبأ لف عافيه على قلوبكم
وهذي الصور
وأقسم بالله انه كلمة لذيذة قليله بحقها
