نظراً لأن موضوع الأخت شادن باشا كان فيه تفاعل كبير وكثير من البنات سألوا عن العدسات اللي تعطي لمعة للعين اللي من Fresh Look ، وخصوصاً بنات من الرياض سألوا إذا كانت الطبية متوفرة منها ولا لا، ونظراً لأني شفت هالعدسات ودخلت مزاجي مرة لأني شفتها ماتغير الشكل ولا حتى اللون إلا شي بسيط وتلمع العين ، ونظراً <---- ياكثر نظرياتك ، لأني دورت على موضوع شادن باشا من خلال مربع البحث بس مالقيته فقلت خلاص أحطه في موضوع منفصل .
رحت لفرع المغربي اللي في ( صحارى الرياض ) عشان أستفسر ، النتيجة ان العدسات مب اسمها سن شاين وسن رايز ، ولكن المجموعة كلها اسمها ( Radiance - راديانس ) ، و ما يصلح تختارين الألوان بنفسك لأن كلها على حسب لون العين الأصلي ، وهذي اللائحة اللي لقيتها في موقع لهم توضح هالشي ، على اليسار لون العين الأصلي وعلى اليمين الانعكاسات ( اللمعات ) اللي ممكن تختارين بينها :
مع اني شفت صور هالمجموعة عند المحل ومافيها إلا انعكاس واحد لكل لون وبرضه فيه ألوان عيون أصلية غير هالثلاثة كان فيه أذكر لون أغمق من البني ، المهم ، وسألت إذا فيه طبية ، قال ان هالمجموعة كلها جديدة توها نازلة ومافيه طبية يقدر يسلمها فوراً ، يقول مافيه هالإمكانية في السعودية لكن ممكن أوصي وأطلبها طلبية ويجيبونها من برا في مدة بين ثلاثة أسابيع إلى خمسة أسابيع
:o
كثير صــح ؟؟ .. ويقول يمممكن بعد ثلاثة شهور أو أكثر يصيرون يسلمونها للزبائن فوراً أو في مدة أقل من كذا في السعودية ..
وسعر الطبية 110 ريال ..
ووصيت على وحدة ( زوج ) وعطاني إيصال فيه كل المعلومات عنها وتوقيعه وكم دفعت ودفعت سعرها كامل وقال لي متوسط المدة بعد شهر وإذا جت قبل بيتصل على الرقم اللي تعطينه .
هذا بالنسبة للطبية لأني أحتاجها عندي ضعف أما العادية والله ماأدري عنها
واللي تبي تستفسر عن العادية تقدر تاخذ رقم فرع المغربي من السنترال تقول له انها تبي فرع صحارى مثلاً أو تسأل وش الفروع وتختار أقرب فرع
وتوتة توتة خلصت الحدوتة :42:
وإذا فيه أي سؤال أو استفسار يابنوتات تراي حاضرة :27:
