**
خايف عليها من الثرى غطاهـا
و الا الحصى حافيه اخاف اذاهـا
اكرم عليها بالكفـن يـا مطـوع
بالبيت ضل فراشهـا وغطاهـا
اكرم عليهآ بالكفـن هـذي امـي
و آشهد عليها في ما عطت يمناها
هذي الضحى واليـل يتحرونه
هذي السماء و نجومـه تنعاهـا
هذي السوالـف مثلنـا تبكيهـا
والارض تنشد عن اثر لخطاهـا
هذي الكبيره كبر هـذي الدنيـا
هذي العظيمه جل مـن سواهـا
ابكي عليها مـو نهـار و ليلـه
و لا سنه تمشي وعـد قضاهـا
ابكي عليها كثـر مـا شالتنـي
و كثر الحنين الي اختلط بغناهـا
و كثر الاسامي و كثر من سموها
و كثر النجوم و كثر من يرعاهـا
ابكي عليها من القهر يـا دنيـا
مـن لـي انـا عقـب فرقاهـا
يا دود يا دود شفها ذابله جنبها
انا ولدهـا و حاضـر وأفداهـا
قطعني هاك الي تبي من جسمـي
بس الكريمـه لا تجـي بحذاهـا
و آوصيك امانه قل لها تعذرنـي
و تكفى تروح تحب لي ماطاهـا
ابيها تغفر لي مثـل مـا كانـت
كل خمله منهي بطيبهـا ترفاهـا
يالله عساهـا بالنعيـم الخـالـد
و عساها في جنة عدن سكناهـا
يا فضو هذا الكون يا هو خالـي
يا ضيق هذي الدنيا يا مقساهـا
يا مر طعـم فراقهـا يـا مـره
ماني مصـدق ارجـع ومالقاهـا
وشلون اجي غرفتها ما هي فيها
وش عذري لسبحتها ومصلاهـا
وش اقـول انـا !
لدولابهـا واذا سالني مشطها وحنآها
وعباتهـا ومي زمزم ومصحفها
والمبخـره ورشـوشـهــا ودواهــــا
الكـل فـي غرفتهـا متفقدهـا
حتى الجدار مفطـر ويرجاهـا
الكـل يبكيهـا مهـو ناسيـهـا
الله صبرني و شلـون انساهـا
**
