..
السلام عليكم ياحوائيات
وكل عام وأنتم بخير وصحه وسلامه بمناسبة قدوم شهر رمضان المبارك
..
أنا اليوم جبت لكم كنافه ولا أرووع سهله جدا ومقاديرها موجوده بكل بيت
والأحلى من كذا ما تاخذ منك ولا ربع ساعه ,
والطعم أحلى وأحلى وأحلى ..,
والكنافه هذي لها اسمين :
كنافة التوست
او الكنافة الكذابه .,
..
ما أطول عليكم وخلونا نبدأ سوا بالمقادير والطريقه ..,
..
أولاً
المقــآدير :-
خبز توست , اصبع زبده وسط , علبة قشطة ,, وأفضل قشطة التاج لأنها سائله
طبعا تزيدين المقدار اذا حبيتي تكبرين حجم الصينيه
..
الطــريقـه :-
أول شي تفتتين خبز التوست بالخلاط , وهذا شكل التوست بعد ما تفتت
وبعد كذا تعجنين الخبز المفتت بالزبده حتى تحسين انه الخبز صار متماسك وتقدرين
تكونين منه كوره , احنا ماراح نشكل فيه كور لكن عشان تعرفين انه متماسك
وهذا شكل الخبز بعد عجنة بالزبده
وبعدين تجيبين الصينيه وتحطين طبقة توست وتضغطينها وتحطين فوقها طبقة قشطه بهالشكل
وبعدين طبقة توست ثانيه فوق القشطه وتضغطينها برقه عشان ماتطلع معك القشطه من فوق
وهذا الشكل النهائي
وبعد كذا تدخلينها الفررن لحد ماتتحمر وتتماسك اكثر , انا حطيته على درجة حرارة 350
وكل وحده على حسب حرارة فرنها
واذا تحمرت تطلعينها من الفرن وترشينها بشيره وتقطعينها بالشكل اللي يعجبك
انتي وراحتك اذا تبينه حلا عشاء او حلا قهووه
وللأسف نسيت اصوره بعد ماطلعته وقطعته :(
بس والله لذيييييييييييييذهـ
..
وبالهناء والشفاااء
..