اممممم
بدون مقدمات بتكلم على طوول..
دايم فيه شغله منرفزتني..ومو مقتنعه فيها ابد ابد ابد
واشوف الكل يرددها وعلى انها مقوله غير قابله للنقاش وشي مفروغ منه لصحته..
مقولة ان كيدهن عظيم..
الكل حاط براسه ان هالمقوله هي آيه قرآنيه..صح؟
والمشكله ان النساء نفسهم يقولون هالشي عن انفسهم..مصدقين مساكين << والله هذا دليل ان ماعندكم كيد خير شر..
يعني من سمعتوا الناس قالت هالمقوله وعلى انها آيه ..هزيتوا روسكم وقلتوا ايه صح ترانا قويات وانتبهوا من كيدنا..<< ماتحسون انكم طايرين بالعجه !! وين الكيد طيب تحايلوا شوي وسووا ان احنا طيبات ومظلومات
شفتوا ان كيدكم مو عظيم..هذا اذا فيه كيد بعد..لوول
ولو رجل قال هالمقوله نقول ماعليه يتصيدون لنا ..
لكن المشكله انكم انتم يا بنات وياحريم مصدقين وخلاص ترسخ بذهنكم ان كيدكن عظيم..
بس انا بقولكم العكس..
انتم طيبات وعلى النيه .. لدرجة صدقتوا شي بدون لاتفهمون وش معناه..
اول شي..
اكثر الناس فسر الآيه التفسير الخاطئ ويتهم النساء بالكيد !!
وان الله هو اللي وصف النساء بهذا الوصف والعياذ بالله
فالآية ((إنه من كيدكن إن كيدكن عظيم)) باستخدام كاف المُخاطب لا بهاء الغائب ..
ومناسبة الآيه اتوقع الكل يعرفها وهي قصة النسوة ونبي الله يوسف عليه السلام ..
فالملك "الوثني" وصف كيد النساء "الوثنيات" بالعظيم حين كِدن ليوسف وأتهمنه زوراً وبهتاناً ، فالوصف جاء على لسان الملك واستخدمه لوصف جملة من النساء الحاضرات ،
وليس في الآية تقرير من المولى عزّ اسمه لهذا التوصيف أو ردفه أو قبوله ،
فهو من باب قول فرعون ((أنا ربكم الأعلى)) ، ووروده في القرآن الكريم لا يعني أنه مسلّمه من المسلّمات بل إنه كلام إنسان وثني يخاطب به نسوة وثنيات .
فالأحرى انو لا يُنسب لله مالم يقل من باب إغفال فهم الآيات القرآنية والسياق التي جاءت فيه
والمشكله الاعظم والتي تسبب لي نرفزه غير طبيعيه..انهم يصفون كيد المرأه بأنه اعظم من كيد الشيطان نفسه..
وطبعا كالعاده بسبب الفهم والتفسير الخآطئ لآيات القرآن
مستدلين بذلك قوله تعالى : { إن كيدكن عظيم } ( سورة يوسف _ آية 28 )
مقابل قوله تعالى { إن كيد الشيطان كان ضعيفا } ( سورة النساء _ آية 76 )
اتوقع اتضحت الآن الصورة
وبهذا لا يصح الإستدلال بالآية الكريمة على أن
كيد النساء يفوق كيد سائر خلق الله ومن ضمنهم الشيطان ..
لأن الله لم يصف كيد النساء بل كان الملك الوثني يصف نسوة معينات في زمانه..
فرجاااء لا اسمع وحده تقول ان كيدكن عظيم او شي من هالقبيل
احنا حبوبات وطيبات ورقيقات مالنا بالمكايد وهالامور..
منقول