..*..][..*..

السلام عليكم ورحمه الله وبركاته ..

اخواتي ابعرض لكم تجربتي ان شاء الله تستفيدوا منها ..
أنا كنت من مدمني الخلطات هنا بالمنتدى وكل ما طلع جديد اجربه وللأسف نتيجته تكون 40% او أقل .. ولاحظت بعد فتره أن المشكله مو أن الخلطه ما ناسبت أبد الخلطه زينه ومافيها شي المشكله تعوود بأن البشره موب نظيفه عشان تبيض .. أو بالاصح البشره ما تقدر تتقبل الخلطه لانها مو مهيئه ..

وعشان كذا انا لجئت للطريقه هذي وبجد يابنات وعن تجربه صادقه لاحظت أن اي خلطه احطها بوجهي تعطيني نتيجه قريبه ومع الأستمرار تبقى ..

أليكم طريقتي :
أولاً عمل حمام البخار للوجه بالاعشاب ..
لما فيه فوائد كثيره بتنظيف وتبييض البشره وتهيئتها للخلطه اللي راح تنحط عليها ..
بقلكم على طريقتي بالبخار ..
قدر فيه ماء مغلي وحطي عليه شويه من البابونج وتقدري تستبدلينه بالنعناع لو كنت ما تحبين ريحة البابونج بس انصحك بالبابونج لانه رائع ورهييييب في تنظيف االبشره ونتائجه ابهر ..
المهم حطي على وجهك اي كريم مرطب تفضليه وليكن الفازلين احسن ..

اعملي خيمه حول القدر بمنشفه وحطي وجهك داخل الخيمه وقفلي عيونك وتنفسي ولما تحسين ان وجهك رشح وبدأ يعرق طلعي وجهك ومسحيه بالقطن عشان يطلع الوسخ منه وارجعي مره ثانيه حطي فازلين ودخلي وجهك جوا الخيمه ونفس الشي مره ثالثه لما تحسين ان وجهك نظف كلياً ..

بعدها خلاص اطلعي وحطي ليمون على وجهك عشان بقايا الوسخ تخرج وتتنظف المسامات ..
وبعدها حطي الخلطه اللي تبين تجربيها .. وينصح بأستخدام هالبخار مرتين بالاسبوع ..

انا عن نفسي جربت خلطه ناسبتني كثير واللي هي الورس + ماء الورد + الزبادي ..

وأحياناً أحط حلبه + ماء ...

وبجد النتايج تبين على طوووول والله يابنات ما أكذب عليكم احس ان وجهي نظف كثييير وتغير والحمدلله للي ابيه ..........

بنات جربوووه وقولوا لي وتأكدوا من النتايج الرائعه ..

ودمتم سالمين

اختكم

روان