عبير 10 @aabyr_10_1
محررة برونزية
الْسَّلامِ عَلَيْكُمْ وَرَحْمَةُ الْلَّهِ وَبَرَكَاتُهُ
حَابِهِ قَبْلَ كُلِّ شَيْ امْسِي عَلَيْكُمْ وَاقُلَكُمْ كِيْفِكُمْ حْبَّابَاتِ .. وَانَا ابْغَىْ مِنْكُمْ خَدَمَهُ قَبْلَ مَابَدَا بِمَوْضُوعِيّ اوْ قِصَّتِيْ
وَهُوَ كَلٌّ وَاحِدٌ عِنْدَهُ ظُرُوْفْ .. يَعْنِيْ مُمْكِنَ زَوْجَكَ. يَجْلِسُ فِيْ الْبَيْتِ وَمَايَخْرُجُ وَصَعْبُ تَتْرُكِيْهِ وَتَجْلِسيّ عَالنِتِ
وَمُمْكِنٌ يّجُوكَ ظْيُوفِ وَمُمْكِنٌ تَمْرَضِيْ .....وَ..وَ.... الْخَ
فَامَّا تُحَللُوْنِيّ وَكَتَبَ مَتَىَ مَا صَفَتْ ظُرُوْفِيْ وَلَا بَلْاشْ
وَهُوَ مَوْضُوْعٌ لَهُ عُلَاقَهُ بِالْوْلادِهُ وَالْحَمْلُ وَالْعَيْنَ وَالفشَخِرِهُ فِيْ الْتَّجْهِيْزِ
وَكَّلْنَا يَعْلَمُ انْ الْعَيْنِ حَقَّ وَبِحْكِيَ لَكُمْ قِصَّتِيْ بِالْكَامِلِ بَسّ لِانَّهُا طَوِيْلَهْ جَدَّا وَفِيْهَا مَرَاحِلُ انْتُقالَيْهُ فَرَاحَ اتْعَبْ وَانَا اكْتُبْ
وَيُشْهِدُ عَلَيَّ رَبِّيَ انّيّ مَا كَتَبْتُهَا وَانَا اتَّأَلَّهُ عَلَيْهِ عَزَّ وَجَلَّ اكِيْدُ فِيْهِ نَاسٌ اشَدُّ وَاقْوَىَ مِنِّيْ بِكَثِيْرْ بَسّ لِانَّكُمْ زَيّ خَوَاتِيْ
ابْغَاكُمْ تُنْتَهَبُوا وَتَسْتَفِيدُوا
بِرَاحَتِكُمْ مُوَ لَازِمْ تُرَدُّوْنَ انَا كُلِّ مَالْقِيَتْ فَّضُوهُ رَاحَ انْزِلَ حَلْقِهِ عَلَىَ حَسَبِ الْوَقْتِ وَالْفَرَاغُ
لَا تَزْعَلُونَ وْتَسَبُوا وَتَقُوْلُوْا يَا حُبِّهِمْ لاسْلُوبْ التَّشْوِيْقْ رَبِّيَ الْشَّاهِدُ مَّوْ هَذَا قَصْدِيّ
لَكِنْ مَعَ الْحَمَلِ صَعْبٌ الْجُلُوْسِ كَثِيرْوَالْكِتَابِهُ الْطَوَيِلَّهْ
تُصَدِّقُوْنَ جَلَسَتْ نَصَّ سَاعَهْ مِنْ شَانِ هُالِسَطَرِينَ
الْغَدَا عَالنَّارٍ وَالْبزُورِهُ يَبْغُو اكَلَ وَبَنَاتِ جَارَتِيْ عَالْبَابِ فَحَيَاتِيْ كَذَا مَشَاغِلِ
حَلَّلَوْنِي تِكْفُونِ وَلَا تُكُوْشُونَ عَلَيَّ يَالغَوَالِيّ
تَرَانِيْ احُزَنْ واحبكم كمآآن:42:
{مَا أَصَابَ مِنْ مُّصِيْبَةٍ فِيْ الْأَرْضِ وَلَا فِيْ أَنْفُسِكُمْ إِلَّا فِيْ كِتَابٍ مِنْ قَبْلِ أَنْ نَّبْرَأَهَا أَنِ ذَلِكَ عَلَىَ الْلَّهِ يَسِيْرٌ}
لَابُدَّ انْ نُحْسِنَ الْظَنَّ بِالْلَّهِ عَزَّ وَجَلَّ مُهِمَّا اصِبْنَا بِهِمْ اوِ وَصَبٍ اوْ نَصَبٌ .. فَكُلُّهُا اقْدَارَ لَكِنْ يَجِبُ انْ نَتَّخِذَ مِنْهَا عِظْهُ وَسِلَاحَا لِمَا يَاتِيْ
فِيْ بِدَايَةِ زَوَاجِي كَانَ عُمُرِيْ 17 سِنِّهِ كُنْتْ اطْمَحُ بِاشْيَاء وَلَمْ تَتَحَقَّقْ سُبْحَانَ الْلَّهِ وَخَسِرَتْ ايْضا اشْيَاءُ لَا احِبَّ انّ اقِفُ عَلَيْهَا ...!
حَمَلَتْ تَمَنَّيْتُ انَهَا بِنْتِ وَلَوْ انُهُ مُوَ كِثِيْرْ لَانِّيّ كُنْتُ صَغِيْرَهُ
الْمُهِمْ جُبْتُ وُلِدَ ..
فَرِحْنَا جَمِيْعا بِهِ ايُّمَا فَرِحَ رُزِقْتَ بَعْدَ ذَلِكَ بَاخِ لَهُ ..
" عُذْرَا بِتَكَلِّمٌ عَامَيْ شُوَيْ "
وَبَدَأَتْ الْالْسُنُ بِالْكَلَامِ .. وُلِدَ خْسَارَهْ رَيْتِكْ جُبَّتَيْ بِنْتِ وْمِدْرِي شُوَ
كَنَّوْ نِحْنَا يَلِيَ نْفَصْلَهُمْ
وَبَدَلُ مَايُوسْعُونَ صَدْرَكَ وَيُبَارِكُوْنَ لَكِ وَانْتِيْ نِفَاسٌ الَا الْبِنْتُ احِنُّ وَاحْسِنْ لِلْامُّ الْوَلَدِ بُكْرَهْ يَتَزَوَّجُ وَمَا تِشُوَفينِهُ الْلَّهِ يُعِيْنُكَ عَلَيْهِمْ
مَدْرِيْ احِسِهُمْ اغْبِيَاءً مَدْرِيْ يَتَّغَابُونَ
وَرَزَقَنِيَ رَبِّيَ بَعْدَهَا بِذُرِّيَّهً رَبِّيَ يَحْفَظُهُمْ لِيَ كُلُّهُمْ وْلَادْ ..
وَوَاحِدٌ مِنْهُمْ جَاتْنِيْ عُيِّنَ عَلَيْهِ سُبْحَانَ الْلَّهِ رَبِّيَ اخَذَ امَانَتَهُ
الْاهُمَّ مِنْ ذَلِكَ كَانَتِ امِيْ مَرِيْضَهُ جَدَّا وَمَاهَمَنِيِ نَفْسِيْ
حَتَّىَ الْنِّفَاسِ ماهتَمِيتُ فِيْهِ لَا اكَلَ وَلَا شَرِبَ الَا بَكَىَ وَنَكَدْ وَحُزْنٍ
اشْتَدَّ مَرَضُ امِيْ وَتَوَفَّتْ رَبِّيَ يَرْحَمُهَا وَيَغْفِرْ لَهَا كَانَتْ مِنَ اخْيَّرْ الْنَّاسِ تِكْفُونِ ادْعُوَ لَهَا .. وَالْلَّهُ انَهَا وَحَشَتْنِيْ حِيْلَ حِيْلَ
وَتَوَفَّتْ يَوْمَ عَاشُوْرَا وَكَانَ الْنَّاسُ كُلُّهُمْ صَايْمِيِّنْ ..حَتَّىَ هِيَ مَاتَتْ وَهِيَ تَكْبُرُ ... وَكُلَّ الَّلِيْ يَذْكُرُوْنَهَا مَايُذَكَونَهَا الَا بِالْخَيْرِ وَيَتَصَدَّقُوْنَ عَنْهَا لِانَّهُا كَانَتْ طَيْبَهْ طَيِّبَهْ .. رَبِّيَ اجْعَلْ الْجَنَّهِ بَيْتِهَا وَقَرَارِهَا
بَكَيْتُ لَيِّنٌ قُلْتُ بُسِ ..وَبَعْدَهَا بِعَشْرِ ايَّامٍ تَوَفى وَلَدَيْ .. يَوْمَ جَانِي خَبَرَهُ وَكَانَ فِيْ الْعِنَايَهْ " رُّدِدْتُّ الْلَّهُمَّ ااجُرَنِيّ فِيْ مُصِيْبَتِيْ وَاخْلُفْ عَلَيَّ خَيْرا مِنْهَا " انَا لِّلّهِ وَانَا لَهُ رَاجِعُوْنَ
حتى ملابسه محتفضه فيها في الدولاب
ضَلِيْتْ سنين انْتَظَرَ الْبِنْتُ وَرَبُّكُمْ مَا ارَادَ سُبْحَانَهُ عَلَامُ الْغُيُوْبِ
لَهُ مَلَكُوْتٌ كُلِّ شَيْ ...
يَتَّبِعُ
تكمله ...
ما تضيق الا لما تفرج سبحانه .. بعد ماتوفى ولدي قررت اكمل دراستي اللي تركتها بعد المتوسطه .. دخلت خاصه
وتفوقت ولله الحمد .. كملت الين ثالث ثانوي لكني احس بضيقه وغربه نظرا لتعلقي بامي ربي يجعل ماواها الجنه
حملت وجلست ادعي تكون بنت عشان تكون قريبه مني وخواتي ماشاء الله كلهم عندهم بنات وعيال .. بدات المدرسه
ثالث ثانوي وانا لسى ماولدت بس في الشهر التاسع وتعب وقرف وبعد مابدت باسبوع واولد وجبت ولد ربي يحفظه يارب
الصراحه مازعلت مره لان تو اخوه متوفي قلت بسميه على اسمه والبسه ملابسه في نفس الوقت المدرسه قالوا بس اسبوع اجازه وانتي حره لو خسرتي طيب كيف .. وانا الغرز توها في ولدي صغير يدوب كم يوم .. لما جاء لي 20 يوم رحت المديره
تقبلت وضعي قالت لكن اكيد بتكون نسبتك قليله جدا ..
والله يا بنات اني مرات ابكي ومرات اجلس نص جلسه عشان الغرز وخايفه على ولدي كل يوم الصبح اوديه لاخت زوجي ..ولا فطور زي الناس وحلبه مقدر عشان المدرسه ريحتها صعبه وقويه شديت حيلي ..وحبوني كل المعلمات وزوجي للامانه ساعدني كثير ..
فكنت محط اعجاب المدرسات الا ان فيه بنات يطلون في ويغمزون علي اني شاطره وماهم مقتنعين اني اتالم من اثر الولاده لما كنت اقلهم قفلوا التكييف عشاني ابرد مره لاني سمعت وحده تقول من الفسقه والبطر تقول قفلوه وانا والله مرات اجي مافطرت
بس ربي يغفر لهم .. انا اقلكم ادق الاشياء عشان تعرفوا ان الناس مايجي من وراهم الا الخساير
ربنا ستر .... وجبت نسبه حلوه ..دخلت الكليه .. فرحت بصديقاتي اللي تعرفت عليهم وفيه بنات اعرفهم من زمان
لكن الدراسه مدري ليه كل ماتيجي لازم يصير عندي ظرف ولا شي يجبرني اتركها ..وعشان كذا تاخرت كم سنه كلها ظروف في ظروف .. وكل مايكون فيه اختبار سبحان الله يجيني ظرف صعب اما اغيب واما احضر وانا مذاكره نص نص والغش معرف ابد ..
حملت وبصراحه كان ودي بنت ومع تعب الدراسه وخوفي على بزورتي عند الشغاله وكل يوم اقرا عليهم واستودعهم الله كله خوف من قصص الشغالات .. تعبت شفت الموت عند الدكتوره جيهان في الدار ..وماسويت تصوير .. وعلى امل انها بنت .. وتخيلو لما جبته اش قالت الدكتوره وهي لسى ماخيطتني ..؟
خسااااااااااااااااره ولد ..:04:
تخيلو موقفك بدل ماتقلك الحمد لله عالسلاه .. وتعيدها البنت دي حبيبة امها اما الواد ماراح تسفيدي منه
وربي كرهت نفسي موت .. لكني حبيت ولدي وتعلقت فيه انا مالقيته في الشارع ....
جاء وقت التربيه العملي كنت اول وحده مميزه بين البنات والله المديره الاساسيه تقول سبحان الله هذي انسانه مختلفه
خلوقه ومجتهده رغم ظروفها ..حتى المعلمات معجبات في والطالبات حبوني وقلت ياريت عندي بنت امديها في سنهم
ابتدائي ادرس ...
والله يا بنات احضر واتدرب واجهز كل شي ولما خلص بركب السياره يصير شي يعكنن على بس اضغط على نفسي
بالقوه عشان تنتهي المده ..
كانت كل تقديراتي ممتازه من المدرسه والمشرفه وكل اللي معاي ... واخر يوم كان فيه التقويم النهائي من الساعه 5 الصبح تجهزت وجهزت الوسيله والهدايا للبنات واعرف بتحضرلي المشرفه ومعلمة الماده الاساسيه .. والبس عباتي
وانزل مع الدرج الا ولدي يجري يقول امي اخوي الصغير طاح من فوق السرير على حافة سرير اخوي الثاني
واجري وادخل اللقى وجهه كله دم .. قال زوجي خلص انا اوديه لوحده وانتي روحي المدرسه وكان عمره 10 شهور
ماقدرت قلت فدهيه المدرسه ولدي اهم رحت معاه ويتصلوا البنات قالوا فينك ماجيتي كلنا جينا والكل مستغرب تاخرك
لاني احضر كل يوم قبلهم ..علمتهم باللي صار وقلت يمكن مقدر اجي لو ولدي تعبان .. رحت لاحد حولوني عالميقات
وانا بلبس المدرسه والدم ينزف من جبهته حتى عظمة راسه باينه ..خيطوه وخرجنا على 7 تقريبا .. وصلته الييت وصيت الشغاله قريت عليه ورحت وانا قلبي مفطور عليه خايفه يتحرك ولكنه اخر يوم دعيت ربي يثبت قلبي ويرجع المعلومات اللي طارت من الخضه على ولدي ..
وصلت للمدرسه الساعه 7 وربع ربي لك الحمد قبل ماتبدا الحصه وكانت تقييم لي ..
بكمل الحين .. .....:26:
تكمله
وصلت ورحت للمعلمه الاساسيه قالت والله ماشفت احد زيك كل الظروف ضدك ما شاء الله عليك واش صار علمتها قالت الله يكون في عونك ..دخلت الحصه .. دخلت المشرفه والمعلمه .. ربي وفقني .. قالت المشرفه ممتازه وكذلك المعلمه قالت صراحه انتي معلمه بجد ماينقصك غير الختم ماشاء الله عليك .. سوينا حفله وقاتو وورد وانتهى اليوم الساعه 10 قالت المديره نعرف ظرفك خلص روحي البيت ماصدقت على الله رحت عشان ولدي .. نجحت في كل المواد الا ماده لاستاذه مصريه اسمها عليه رسبتني في الماده بقصد ربي يغفر لها لانها ماتت بالقلب .. مافيه بنت ماتدعي عليها .. والمشكله انها متخيله وحده بالها مو انا ولما جيتها اقله يا استاذه مو انا قالت امشي اطلعي برا .. وحطتني براسها .. تقول كلام انا ماقلته ولما بوضح لها انه يمكن شبه بيني وبينها تعصب وتطردني ولا انا متفوقه وما شلت الا مادتها بس .. حتى انها تغيبني على بالها وحده ثانيه .. تخيلوا وانا موجوده ولما اقلها لا ماغبت تقول ايه انتي حتعلميني شغلي .. الله يغفر لها ماقد سلف كرهتني في الكليه كره
وصلت لسنه ثالث .. رغم تعب البيت والبزوره والزوج والخوف من الخدامه وظروف ورى ظروف ..
حملت ... بعد دعا وبكا واستخاره وانابه انه يرزقني ببنت تونس وحدتي وافرح فيها قبل ماكبر ..
سويت تصوير طلعت بنت فرحنا فرحة العمر .. انا وزوجي وعيالي واهلي كلهم .. وكان نهاية ثالث كليه يبقى سنه بس .. وجت بداية الترم لسنه رابع وكان الترم كله تربيه عملي متواصل وهي لها كم اسبوع .. فين اخليها لا ام ولا ام زوج وخواتي مشغولات ببيتهم وعيالهم واحنا ماصدقنا على الله تجينا بنت والشغاله ماهي تمام خصوصا ان اخطاءها كثيره وكل يوم اخاصمها غصب عني فمستحيل اتركها عندها .. مارحت الكليه والبنات يحاولوا قالوا اخر سنه لك وتنتهين قلت اش اسوي طيب فين اودي بنتي ...وانا تعبت عليها مدري ليه مو زي عيالي
الى هنا كل شي تمام .. !
مرت سنه وثلاث اشهر يكلموني البنات قالوا احنا خلصنا شفتي لو كملتي .. بكيت من قهري وحرة قلبي على السنين اللي راحت .. وكل ماسمع الناس يقولون كملت المتوسط والثانوي والكليه وهي متزوجه رغم الظروف طبعا فيه اللي يقول ما شاء الله وفيه اللي مايقول .. كرهت نفسي والدراسه كان ودي اكمل ..
تاخرت الدوره احلل اطلع حامل بعد سنه وثلاث شهور عمر بنتي .. ما كان ودي بس اش تقولي ربك لا راد لقضاؤه ..
دعيت ربي يرزقني باخت لبنتي عشان ارتاح ومافكر في الحمل ربي لك الحمد ..
سويت تصوير قالوا بنت فرحه ماتوصف رغم اني مقهوره على الكليه اللي ما كملتها
جات البنت الثانيه وبدأت .. مشكلتي الطويله من هنا حسد ومرض .. ياربي لك الحمد والمنه على كل شي
بكمل لا تروحون بس تعبت يمكن اسوي شاي من شان انسى شوي
***
طبعا فرحنا فرحة العمر خلص بنتين وبوقف مابغى تعب .. جهزت الغرفه والحلى وكل شي .. يجوا الحريم يباركوا لي وانا ماني قادره اوصف فرحتي ولعلمكم كل مفرح مدري ليه اروح لملابس امي عندي اضمها واسلم عليها محتفظه فيها عندي هي وملابس ولدي اللي توفى حتى دفتر التطعيمات محتفظه فيه للحين .. ابكي لين يستقر قلبي وبعدين ارتاح ..
ويسالني الحريم عن التجميل اقلهم روعه والله كنك بنت وزوجك يدللك ببالي الماس زيي يحبوا لبعض الخير
ويوم جاء لي 10 ايام واحس بصداع لو هو في جبل فجره كنت اخذ ثلاث بنادول مافي فايده .. كركديه .. نشوق للصفق .. كل شي اخته اخر شي جلست ابكي بكى حار ..واحس الدنيا تدور بي .. يومين وبعدين بدا لساني ينمل كنجه مبنج .. وجوني خواتي سهره عندي وشغلوا دق اسلامي ورقص ... الا تقول اختي فلانه وجهك غريب
كيف .. فعلا عيني ماتغمض اروح للمرايه وشافني زوجي .. وعلى طول لمستشفى احد كشف علي قال انتي فيك شلل الوجه " ابو وجيه " تروشتي .. لا .. خرجتي من مكان بارد لحار او العكس قلت زي كل عيالي وما جاني شي ..
قال لازم علاج طبيعي .. رحت البيت بكيت بكيت توي خارجه من تعب 9 شهور والم غرز وارجع للكهرباء والشفط .. انسدحت واخواتي تنكدوا وجلسنا في غرفه مظلمه شوي .. زوجي كلم صاحبه قال هذا ماله الا الكوي .. علمني قلت الا الكوي صعب ماتحمل وانا لسى جراح والم .. قلي خلص نروح ونشوف سلامه .. وكان يوم خميس وهو مايكشف ربوع وخميس وجمعه اجازه وانا مو متحمله دموع عيني ماتوقف من المرض والاكل ينكب من فمي وجهي يؤلمني حيل حيل ..واذني اموت من المه ..
رحنا الساعه 6 الصبح لوحده اسمها طلعت ام محمد في ابيار الماشي ..شافتني قالت لا حول ولاقوة الا بالله روحي لشيخ كنها شايفه شي .. قال زوجي والكوي قالت بكويها لكنها تروح شيخ احسن .. وهي يقولون معروفه بشغلها وتعرف كل شي ..
رحت معها في الهوا للمطبخ .. ودموعي تصب لو فيه كاسه مليت 10 كاسات وزوجي متنكد فرحه ماتمت .. ميلت راسي وانا ابكي من الالم والخوف الكوي صعب صعب كوتني 5 في راسي .. وقالت انتي ممنوعه من كل شي الا الشاي والخبز الناشف وحليب منزوع الدسم .. لاربعين يوم .. وصكي على نفسك في غرفه ظلام وروحي لشيخ يقرا عليك ... تخيلوا توي نفاس لا اكل ولا شرب حتى الادويه حقتي اللي مجهزتها في الدولاب مامداي استخدمها يدوب اللي لي 14 يوم والده .. رجعت البيت دخلت السجن حقي .. زوجي قفل الشبابيك بستاير غامقه خلى الغرفه سودا وعزلوني في غرفه لوحدي بنتي تبكي تبغاني ولا جات تبكي تقول اخاف بعه بعه عشان الظلام ..شديد .. جلست لوحدي بنتي اللي عندي ما شوفها ماغير اتحسس الين المسها اشيلها واضمها على صدري اسمع صوت عيالي وابوهم والشغاله ومقدر اخرج عشان الهوا والنور .. ظلام ظلام ظلام .. يحرق القلب تخيلو تجلسين في غرفه سودا وماتشوفين احد حتى بنتك ماتشوفيها شغلت القران عساه يونسني في وحدتي .. واكل مافي مت جوع وترفون نفاس وبعدين انسدت نفسي مره كرهت الخبز الناشف ... جاني شيخ قرا علي ثلاث ايام ومافيه تحسن .... رحت لشيخ بعد العشا ثلاث ايام استغرب قال كل اللي يجوني من اول يوم يطيبون مدري اش فيك ..بعد 11 يوم من الحرمان والجوع والالم والوحده وكل شي يهون الا بنتي تبكي تبغاني ولا شافت الظلام تخرج ...رحت للعلاج الطبيعي ...كهربا على الوجه تؤلم حتى الغرز ما التامت عشان ما تغذيت زين .. ويحطون نور واشعه قويه على وجهك ويربطون عيونك لك من شدة قوتها ..اروح ولا رجعت امر اخذ بنتي من عند اختي واروح للسجن حقي واقفل حتى بنتي الصغيره خليتها عند اختي وادويتي في الحمام الثاني وانا بعيده عنه ..كرهت كل شي صرت اهمل نفسي وماشطف الا بالمويا بس .. كلمتني وحده تقول ترى بنتك ماتكبر وتجلس زي ماهي اذا ماعرضتيها للضوء والهوا .. والله كنها حطت سكين بقلبي كيف اطلعها للنور وانا ما اثق في الشغاله ..؟
وزوجي مايعرف لها وانا اخاف عليها فعلا ..زاد المي الم وبكيت لين تجرح وجهي لكني مابين لاحد واقول اكيد هذا انتقام من ربي انا مسويه شي بدنيتي واطلب من ربي العفو والمغفره وانه يصفح عني ويتوب علي .. تشتتنا ؟
بنتي عندي اختي وزمان ماشفتها عيالي في نفس البيت وما شوفهم وزوجي كمان حتى النونو ماشوفها الا لما او ديها لاختي الصبح ..
تعبت تعبت تعبت يالغوالي .. اكمل لكم بعدين لان القصه طويله وفيها اشياء عسى ربي يكتبها لي والله اني ماقصد اتجزع او شي لا انما عشان تاخذون عبره من غيركم يا بخت من تعبر بغيره ولا احد تعبر به
بكمل بعدين ...
انا راح اعدل وبرضوا اكمل للي حابه تقرا اللي في اخر الصفحات او تشوفي التعديل الجديد
إضافه ..
طبعا الممنوعات .. هي : النور والناس والجوال والنت والتلفزيون والدسم .. ولازم تكونين مرتاحه وتضحكين كيف يصير هالشي في هالوضع مدري .... كنت مسويه جمعيه ورافعتها قلت بعد مولد بسوي لوك جديد وبعزم زوجي على عشا في فندق ونام ليله على حسابي وبشتري كريمات وعطورات و................الخ ..
لكن بالاخير قررت صرفها على علاجي مع ان زوجي ماقصر معي .. فاروح للعلاج الطبيعي وابحث عن علاج .. رحت لواحد سوى لي فصد دم .. ب250 ريال ومافيش فايده .. سويت حجامه بذيك الحسبه بعدين من كثر ماخرج بنتي عند باب الغرفه عشان النور وبعدين ارجعها عندي في الغرفه حر وبرد مرضت في صدرها وصارت تكح وتون ونات تبكي وديتها الزهراء زحمه واروح للاهلي وعلاجات وخرابيط ب500 ريال ولا اديتها ولا نقطه قلت بس بوديها الولاده وفعلا وديتها .. نسيت اقلكم لو شفتوها اول مانولدت اللي مايذكر ربه لا يطل حلوه ماشاء الله ومربره ونظيفه .. المهم دخلنا وكان عمرها شهر 19 يوم وعلى الطواريء عدل ومن الساعه 11 مساء الى 7 الصبح وانا جالسه وابوها راح البيت تعبت من جد 8 ساعات جلوس ومقدر اتركها لو حدها لو لحظه واكسجين كمامات قال الدكتور ناخذ عينه من النخاع قلت لا ما تاخذون وشكلهم ماهمهم كلامي المهم طلعنا فوق ودوها العنايه وانا الغطاء حقي صار تقولين مغسلته من كثر البكا جات دكتوره صباح سعوديه ربي يذكرها بالخير قالت صدقيني بنتك بس ماخذه برد صفقه يعني مافيها شي وتطمني وتثبت قلبي
ربي يسعدها وانا ابكي واطل فيها فين كانت وكيف صارت نزلوا ملابسها وحطوا لزقات على بطنها وصدرها وفي يدها ورجولها وفي حلقها وابكي ابكي ولوحدي قالت الدكتوره روحي ارتاحي قلت مقدر معني تعبانه مره ولي كم يوم لا نمت ولا اكلت تنفسها تعدل لكن ماتشوفينها من الاسلاك والاجهزه جلست اقرا عليها قران لين بعد العصر شوفو كم ساعه وانا جالسه وابكي وادعي وبعدين قلت ابغى غرفه في المستشفى ادوني غرفه وجلست يومين .. اجيها اربع مرات اقرا قران وابكي واجي عندها اقلها انا ماما انا عندك ماراح اترك شارت علي الدكتوره اروح البيت واجيها كذا مره وبالفعل رحت وانا اقدم خطوه وارجعها خطوتين كنك تسحبين شي من روحي وارجع البيت واتفرج في ملابسها وابكي وتصدقت ولله الحمد وبعد 5 ايام طلعوها فوق وبعد 6 ايام فوق يعني 11 يوم خرجنا من المستشفى وكانت اختي تجي الصبح عندها وانا اروح للعلاج حقي .. الحمد لله تجمعنا مره ثانيه بس كنت الف مسفع واتلفع ماحب اجلس كذا واذني وعيني ما تقفل وتدمع على النور بشكل مو طبيعي واذني يوجعني مره وبدت صحتها ترجع لها ربي لك الحمد ...ومرت الايام ورحت لوحده في القصيم وانا في المدينه المنوره اسمها ام ناصر في الذيبيه يقولون انها شاطره لكني خفت تكون دجاله او مشكوك فيها وسالت وقالوا لا كويسه والان اسال أي قصيميه عنها اذا قرت موضوعي هي كويسه ولا من المخربطات لان كل شي يدور حولها يخوف .. رحنا وصلنا الساعه 5 العصر .. شروطها لازم تكون عند الباب الساعه 12 في الليل والساعه 4 تكشف واذا اذن تقفل ومافي كشف طيب كيف مع السرعه .. كان هذا وانا لي 7 شهور ومافي تحسن الا بسيط وكل اللي معايا في العلاج الطبيعي طابوا وجو غيرهم وغيرهم وانا شي بسيط .. عيني ماتقفل غير احط لزقه عليها قبل ما نام وبدا الاكل والشرب ما يسيل من فمي فكيت الحميه حقتهم بس بعد ايش بعد ما تدهور جسمي داخليا والحليب بدا يرجع بس خفيف وقليل .. جيتها وقلت يارب ان كانت دجاله لا تكتب لي عندها شفاء لو واحد في الميه كل امورها غريبه واخوها اغرب والغرفه صغيره مررررره والنار للسقف وكتمه ومقدر اتكلم دخان وحر .. وبس تخاصم .. اخذت العلاج ومشيت جيت البيت وبصراحه ماقدرت استخدم علاجها يعني تعب عالفاضي كله اعشاب في اعشاب يمكن 10 علب .. قلت الحين اعاني من شي بكره من اشياء وزوجي قال ارميه بس سبحان الله ماسخر لي ...
207
36K
يلزم عليك تسجيل الدخول أولًا لكتابة تعليق.
الله يعطيك العافية ويعينك ..وعادي يالغالية خذي الوقت اللي تبي شو ورانا ننتظر:27: اهم شيء الاستفادة تقبلي مروري...:26:الله يعطيك العافية ويعينك ..وعادي يالغالية خذي الوقت اللي تبي شو ورانا ننتظر:27: اهم شيء...
طيب ننتظرك عزيزتي
بس ياليت بدون الحركات اللي عالحروف لانها تخلي الكلام مو واضح وصعب القراءه
وجزاك الله خيييييييييير :)
بس ياليت بدون الحركات اللي عالحروف لانها تخلي الكلام مو واضح وصعب القراءه
وجزاك الله خيييييييييير :)
الصفحة الأخيرة
اهم شيء الاستفادة
تقبلي مروري...:26: