"What is a man if his chief good and market of his time be but to sleep and feed?
A beast, no more"
Shakespeare
في ما معناه: إيش نقدر نقول على الإنسان الي ما يسوي شي في حياته غير النوم والأكل؟ حيوان، لا أكثر
من منطلق إن كل مرا في وقت الاختبارات النهائية أقول: "إذا جت الإجازة إن شاء الله باسوي كذا وباسوي هذاك" وتجي الإجازة وتروح بدون ما أسوي شي يُذكر
،خططت بخطة و الحين ماشيه عليها وأعتبرها خطة ناجحة وحبيت أشارككم فيها .
الفكرة شكلها زي الـ planner = حق تخطيط لبكره
بس مضمونها زي الـ diary = كتابة يوميات بس بشكل غير
كود:
:: طريقة العمل ::
-1-
أول شي نحدد أهدافنا الي نبغى نسويها في الإجازة بشكل عام،
مثلاً: "أبغى أطوّر لغتي الإنجليزية، أتعلم الـ"كانا"، أنوّع في هواياتي، أعتني بجمالي.
-2-
خلاص حددت أهدافي الحين، بس باقي الطرق الي بأحقق فيها أهدافي،
- أقرا روايات بالإنجلش وأترجم مع جروب ترانجرو.
- أطبع أوراق عمل للـ"كانا" وأتدرب عليها.
- كثيرة هواياتي وأبغى استمتع بالاجازة قد ما أقدر فـلازم التنويع عشان نكسر الروتين ( أنيمي - مانجا - فوتوشوب - سوني فيجاس - فيديو جيمز - أشغال يدوية - طبخ - تصوير الخ )
- العناية بالجمال من بشرة و شعر وأظافر و لياقة بدنية مهم للبنات، والإجازة أحسن فرصة لهذا الشي.
-3-
الحين كل شي واضح، إيش أنا أبغى وإيش خياراتي، وإيش طرقي لتحقيق كل هدف،
باقي بس أطبع ورقة تفتح النفس فيها أهدافي وأيام الاسبوع على شكل جدول وأعلقها في أي مكان أحبه.
*مميزاتها:
- نعرف إحنا إيش سوينا طول الإجازة، هل الإجازة عدّت واحنا بس ناكل وننام؟ ولا أنجزنا ولو شي بسيط؟
- نحاسب نفسنا على أوقات الفراغ الي تضيع بدون شي.
- تشجيع لعمل إنجازات في حياتنا، حتى لو كانت بسيطة، فمشوار المية ميل يبدا بخطوة
- تبعدك من الروتين الي كل أيامك زي بعض ولا فيها طعم ولا لون وبكذا نفرّق بين الأيام
- في آخر الإجازة، نجمع كل الأوراق حقة الاسابيع الي راحت ونقيّم نفسنا، ونعرف إيش الي أنجزناه ونفرح فيه وايش الي ما أنجزناه عشان نركز عليها في الأيام الجايه
ومن منطلق آخر، في وقت الاختبارات الفصلية والنهائية استخدمت خطة ثانية،
عملت لي كالندر=تقويم حق الشهر الي مليان اختبارات، ولوّنت أيام الأوف بلون والباقي بلون ثاني وتركت مساحة للكتابة، مثل كذا:
وهنا كالندر لشهر اوجست :
كود:
*مميزاتها:
- تنظيم وتوزيع الوقت بالتساوي على المهام الي لازم نسويها.
- تخفيف من الشعور بالضغوطات وكثرة المواعيد النهائية للتسليم وللاختبارات.
- الشعور الرائع لما نخلص من اختبار أو موعد تسليم، نشطبه
وفيه عندي خطة ثالثة استخدمها على طول الفصل الدراسي اسمها to do list
تذكّرني بأشياء أسويها حتى لو بسيطة مثلاً: أكتب عند يوم السبت dictionary يعني أذكّر نفسي إني لازم أحطه في شنطتي لأن عندي كلاس ترجمة الأحد.
وميزتها إنها مو مربوطة بتاريخ، بس أيام الاسبوع ، فـ عشان كذا، أنا غلّفتها بتجليدة شفافة وحطيتها على باب دولابي ، عشان تصير في وجهي كل ما أجي أروح الجامعة وأكتب بقلم سبورة وأمسحها وأرجع أكتب مكانها.
للأسف أنا رميتها يوم خلص الترم، والتصوير هذا من نفس ملف الوورد:
*اضغط على الصورة لرؤيتها بجودة أفضل:
كود:
*مميزاتها:
- أكتب وامسح لأنها مو مقيدة بتاريخ معين .
- تذكّرني بأشياء بسيطة بس ناسيتها.
خِـتـامـاً
- ترى الملفات الي بالوورد قابله للتعديل طبعاً، حمّلوها وعدّلوا لين تناسب ذوقكم وأهدافكم.
- كنت أفكّر أسوي جدول للأطفال بس ماجتني أفكار حلوة، وكمان جدول لرمضان بس برضو ماعندي فكرة حلوة، اتقبل مقترحاتكم
1- كيف كانت طريقتكم في تنظيم الوقت؟ سواء خلال الإجازة أو الدراسة
2- لو سئلتكم، ايش سويت أمس وقبل أمس؟ بتعرفون تجاوبون؟
3- إيش العقبات الي تواجهكم في تنظيم الوقت؟
4- استفدت من موضوعي؟ نظراً لأنه أول موضوع لي في الأسرة والمفروض أخلصه في كم ساعة ، بس أخذ مني وقت أطول بسبب إنه أول موضوع لي هنا .
أتمنى لكم إجازة ممتعة، ودراسة سهلة ( حقين الصيفي )، و وقت خالي من أوقات الطفش
وقت الفراغ نعمة، أحسنوا استغلاله
م/ن