السلام عليكم ورحمة الله وبركاته
بما انه هالايام الاغلبية تصوم قلت انزل هالحلا كنا نسويه برمضان وعدلنا فيه بعض المقادير وطلع الطعم رووووووووووووووعة بشهادة الجميع خفيف حلاه معتدل. موجودة طريقتها بالمنتديات بس احنا غيرناا فيها علشان يخف الدسم والحلا.
حــــــــــــــــلا الــــــبيبسي ( Pepsi )
المقادير:
الطبقة الاولى:
- كيك سادة ( جاهز او تسوينه بالبيت)
الطبقة الثانية:
- ظرف دريم ويب
- كوب حليب طازج
- كوب كريمة الخفق
- 8 حبات جبن كيري
- قشطة المراعي قليلة الدسم علبة وحدة
الطبقة الثالثة
- 1 بيبسي
- ظرف كريم كراميل، وممكن تستخدمين العسل اللي يجي معاها وتقدرين تستغنين عنه.
الطريقة:
نصف الكيك بالصينية، وهنا السر الكيك كل ما كان اسفنجي وهش كل ما طلع الطعم روووووووووعة، انا استخدمت الجاهز.
تخلطين جميع مقادير الطبقة الثانية بالخلاط
ونصبها على الكيك
نحط مقادير الطبقة الثالثة على النار تخلينها لحد ما تغلي شوي وترفعينها وتصبينها فوق الطبقة الثانية
وتحطينه بالثلاجة لمدة 6 ساعات قبل التقديم ولو يوم كامل الطعم يطلع احلى
هذا شكلها بعد ما جهزت، الطبقو الثالثة تصبينها بملعقة غزيرة وتشكلين فيها الخطوط وفي بالصورة دوائر هذي تصبين فيها علشان تتشرب طبقة الكيك
وبالعااااااااااااااااافية عليكم
صورة الحاج وودي خذتها من موضوع الاخت فن تايم وكتبت عليها، الشكر لها
يـــــــتـــــــــــبــــــــــــع صور
دعوة صادقة منكن بهذا الوقت المبارك تكفيني بالتوفيق وكشف ضرنا.
أختكم/
= ( تكفيني أخلاقي) =
لا اله الا انت سبحانك اني كنت من الظالمين