السلام عليكم ورحمة الله

هلا حبيباتي إن شاء الله بخير وصحة .. هالأيام أحوس عن أي شيء يفتح لي مفاصل الأصابع
وركبي والأكواع ووجهي حول الفم والرقبة والهالات ..

بشرتي متوسطة لكن حريصة تكون ناعمة ونظيفة فقلت أكمل العناية وأخليها موحدة والمشكلة استخدمت كل شيء مافاد معي عدا الصابون المغربي السائل فتحهم لي شيء بسيط وكنت أدهنهم بزيت جلسرين ..
والنتيجة مو مرة مرضية وبطيئة وماحب الزيوت على البشرة خصوصاً إن الجلسرين يلزق ويدبل التسبد :icon33:

سويت خلطة من مخي مادري كيف طلعت لكن فادتني بشكل ماأتصوره .. تحتاجين فقط \

فازلين - كركم بشرة

هذا الكركم اللي عند العطارة للجسم


أنا أستخدم المطحون والجاهز .. وهذا حبيبنا الفازلين ولايخفى القمر :pinklove:



اخلطيهم كل ملعقتين فازلين ملعقة كركم ..

حطيهم بالليل على رجولك ويدينك ووجهك ورقبتك لحد ماتمتصهم البشرهم ثم نامي إلى الصباح
اغسلي وجهك فقط والباقي خليه لأن ماراح يكون فيه أثر أصلاً لكن اغسلي الوجه علشان مانسمر :35:
ولأن وجيهنا الحلوة ماتمتص الفازلين زي ماتمتصه بشرة الرجل واليد .. يعني بتقومين والوجه مدهن ويبيله غسل
إما بصابونة دوف أو غسول ورطبي بعدها بكريم عادي ..

بدون مبالغة يابنات ..خمسة أيام اختفت المفاصل تمـــــــــــــاماً يعني ولا أثر أحس إني أحلم
عاد طخطخت بالمناكير الفاتحة :42:
الهالات اختفت والركب العنيدة صارت فاتحة جداً يبيلي مداومة لحد ماتختفي وان شاء الله :S_45:

دعواتكم إن الله ييسر أموري على خير ويوفقني ويجملني في عيون من يشوفني .. محتاجة لدعواتكم يابنات ..
لا تنسون تشكرون السكنية يعني سكون خخخخخ :tongue3: أو ترفعون الموضوع بدعوة حلوة ويارب يعطيكم أضعاف خيرها ..


بالتوفيق حبيباتي ..