مساءالخير اخبار الجميع ****لله بخير .. اول مره اشارك في قسمكم ابقولكم وش سوا زوجي لي بسبب اخته بس الحمدلله انا طبعي غير اول شي بقولك نصيحه اي رقم ماتعرفينه لا تردين عليه اعطيه زوجك يرد واذا الصوت صوت حرمه يعطيكيه ( انا لي 3 شهور متزوجه خواتي اللي اكبر مني بعد زواجي يحبو يسالوني وش صار وش ماصار تعرفون لقافت خوات هههه كانو بس يرسلون رسايل وارد عليهم. بعداسبوع نادتني خالتي للقهوه طبعا انا ساكنه فوقهم دور لوحدي نزلت تقهويت مع خالتي واخت زوجي بالكليه اصغر منه جتني رساله من اختي فقريتها وانا ابتسم ونا من طبعي اقرا وامسح ماحب جوالي يكون فيه شي لا رسايل صادره ولا مرسله وشوي يدق زوجي يقول وينك قلت عندامك جالسين نتقهوه وشوي وجانا تقهوا معنا وجتني رساله ثانيه من اختي الثانيه وفتحتها وابتسمت .لمحت اخت زوجي تدقه توني بجي امسح الرساله وخليتها قلت لايشك فيك يابنت لما خلصنا قهوه وطلعنا فوق سالني من يرسلك وتضحكين قلت خواتي منو يعني بيرسلي قال اكيد المشكله الرساله فيها كلام مابيه يشوفه ونا مابيه يشك فيني عطيته الرساله وقراها وضحك وقال الله يقطع ابليس اختك.. بعد اسبوع كان برا طالع بعد العصر جاتني مكالمه من رقم غريب طنشت مارديت وكل عشر دقايق يدق نفس الرقم ولا ارد لاني ماحب ارد ع رقم مااعرفه وشوي يدق هو ويسالني شو تسوين وو من هالكلام قال قابليني عند امي بجيب معي بقلاوه خلينا نتقهوه معاها قلت طيب جهزت القهوه ونزلت
واحنا نتقهوا جاتني رساله غرام من نفس الرقم اللي يدق (انا احبك ليه ماتردين علي وانا احبك من مان بس انتي ماتهتمين ومن هالكلام .....)
اعطيته الجوال وقلت له قدام امه واخته شوف الرقم هذا تعرفه كان يدق علي والحين يرسل شوف مكالماته والا دق عليه شوف وش يبي كان بنت او رجال اخذ الجوال واحس ان شكله مبسوووط مره ويوم جاء بالليل جاني واعترف لي انه هو اللي كان يدق يرسل رسايل يقول الشيطان وسوسله وخلاه يشك فيني قلت هذا وانا اعطيتك الجوال تشوف الرساله وتاكدت انها اختي الله يسامحك بس ( انتبهو ليكون يسونها فيكم رجاجيلكم )
البرنسيسه 11 @albrnsysh_11_1
عضوة جديدة
يلزم عليك تسجيل الدخول أولًا لكتابة تعليق.
ما شاء الله عليكي ونعم التربية والاخلاق كفوووووووووو والله
المفروض الوحدة ما ترد على اي رقم غريب
المفروض الوحدة ما ترد على اي رقم غريب
ما شاء الله عليكي ونعم التربية والاخلاق كفوووووووووو والله المفروض الوحدة ما ترد على اي رقم غريبما شاء الله عليكي ونعم التربية والاخلاق كفوووووووووو والله المفروض الوحدة ما ترد على اي رقم...
الصفحة الأخيرة
بدري عالشكـ لساعكم عرسان