اول شي صلوا على النبي

بصراحه فعلا الواحد صار يفكر مليون مره قبل لايشارك معاكم :(

انا من زمان كنت ابي اشارك بس اسلوبكم يطفش احيانا (وعذرا على الكلمه)

الموضوع خذا اكبر من حجمه الطبيعي (بعض البنات خلوا من الحبه قبه)

ثانيا : للبنات اللي قالوا انه فيه بنات حاولوا يجاملون ام حصه ويستعرون من عاداتهم والخ

انا لااعرف ام حصه وماتابعت لها مشاركات لها الا من كم اسبوع فقط بس للأمانه لفت نظري طريقتها في الحوار (تتمتع بالحجه المنطقيه) وان كان اسلوبها احيانا يتميز بالحده !

ثانيا من ناحيه استعر من العادات ((( استعر ونص ))) مب عيب اني استعر من شيء (سلبي) ومافي احد كامل ورحم الله امرىء اهدى الي عيوبي

عشان اقرب الصوره (المثال يوضح المقال) اذا انا وحده كذابه تعتقدون بفتخر بالشي هذا ولا استعر؟! اكيييييد بكره الصفه هذي واستعر منها ... اذا كنت حنونه بيصير العكس بفتخر
وعلى فكره الشي هذا نسبي يعني في ناس يشوفون الكذب شي عادي ومايهمهم ولا يستعرون ولا شي (الناس اجناس)

مو ضروري الانسان يكون ملاك حتى ينتقد ومن كان منكم بلا خطيئه فليرمها بحجر!
يعني مايهمني لا تدينها او اذا كانت تغتاب او ترتشي الخ

هي طرحت نقطه حسيت انها فعلا شىء سلبي ومايعجبني في المجتمع هل عيب اني استعر من شىء انا اعتبره غلط ( رأي شخصي وكل حر بآراءه)

ام حصه طرحت موضوع (جاد) للحوار
حطت نقاط
دعمتها بحجج
توقعت تكون الردود مبنيه على العناصر اعلاه
بس بدال ماتجاوبونها وربما تقنعونها بوجهة نظركم ... لقت هجوم او خلنا نقول تهجم من بعض من اساء الفهم ( مااعرف شنو الفرق بينهم بس حابه اتفلسف خخخخخ)

يعني حتى ابسط الصوره (ويعلم الله اني مو قصدي اثير جدل او اكبر السالفه فقط عشان تعرفون ان الموضوع فيه سوء فهم وتطور الى جدال افلاطوني مامنه فايده)

ارجع اقول المثال يوضح المقال( عاجبتني الجمله خخخخخخخخخ)

يعني مثلا مثلا موضوع العبايه
لو قالت لكم ليش يابنات قطر تلبسون عبايه سوده وهذا تخلف ومن هالكلام والاسلام ماقال انه لونها لازم يكون اسود والخ

اقدر ارد عليها واقول انه العبايه السوده من عاداتنا وتعطينا هويتنا والخ
بس هي ردت وقالت حلو ان احنا نشوف الوان مب سواد في سواااااااد
اقدر اقول اللون الاسود في اعتقادنا استر للمرأه وغير ملفت كالملابس الملونه
وعدم لفت الانظار اهم عناصر اللباس الشرعي في الاسلام
غير تشزي :) العبايه السوده من العرف الاجتماعي وكما هو معروف العرف من مصادر التشريع !
يعني مفروض نجيب حجج منطقيه بأن العاده محموده وليس التهجم على طارح الموضوع!
المفروض مانكتفي بالقول بأن العاده عاجبتنا وكفى ... هي كانت تبي شرح يجوز احد فيكم يوصل لنقطه مع الحوار والنقاش البناء (هو مفروض يكون بناء بس صار العكس)
اتمنى وصلت النقطه

اتوقع تذكرون من زمان قبل ماتسوق الحريم في البلد كيف الناس كانت تتكلم وتعتبر الشي عيب وانه لامن عاداتنا ولا من التقاليد (كانوا يعتبرونه غلط) اما الآن تغير الوضع

ومن ناحيه السعوديه ومافيها من سلبيااات بصراحه يتفوقون علينا بمليون مره (( بسلبياتهم) وتحقيرهم للمرأه ... السعوديه فيها اقاليم وعادات متنوعه وياكثر مايضطهدون المرأه وعلى كثر مااحب السعوديه واهلها على كثر مااحمد ربي اني انخلقت قطريه مب سعوديه ... ومتاكده انها ماتنكر انه عندهم اشياء كثير تحتاج اصلاح.. وهذا شي مب عيب ... العيب ان احنا نشوف الغلط ومانحاول اصلاحه!

اوكي احنا بعد عندنا اشياء بعد تحتاج للأصلاح والحمدلله ان عندنا وحده مثل الشيخه موزه الله يكثر من امثالها شايله نهضه البلد على اكتافها

يجوز في بنات يعتبرون العاده هذي طبيعيه ومافيها اي شي يمس المرأه .. بس مثل مافي بنات يعتبرونها طبيعيه في بنات يعتبرونها مش حلوه في حق المرأه , الناس وجهات نظر وتختلف آرائهم .. مثل ماالشي هذا عاجب آلاف بنفس الوقت هو يضايق آلاف مثلهم
(يعني بنقهر اذا الوالد ماحضر عشا الرياييل في عرسي :icon33: )



تغير بعض العادات في المجتمع يحتاج الى اجيال حتى يتغير .. يجوز احنا مانتقبل الفكره الحين لكن بعدين فعلا بنحس 180 درجه تغير في افكارنا ومعتقداتنا وهذا تطور طبيعي في اي مجتمع

من ناحيه العبايه السوده ياعزيزاتي وياحبايبي .. العبايه السوده من التقاليد الحلوه
لبس الغتره والعقال و.. و... الخ

لاتنسون ان العرف احد مصادر التشريع اذا ماكان يتعارض مع الدين .. اتمنى تركزون على النقطه الاخيره والاخت ام حصه جابت الفيصل في الموضوع (رأي الشرع) وليس لنا الحق بالاعتراض حتى لو ماعجبنا الموضوع!

اتمنى كلكم تكبروووووووون عقولكم (وانا اولكم) وتركزون في جوهر الموضوع من دون حساسيات واتمنى ان لا تأخذنا العزه بالاثم كلنا اذا كنا مخطئين

وبالنسبه للبنات اللي يقولون ان احنا كبار وامهات وعلينا عيال يعني مب صغار تعلمينا والخ

هل تعتقدين ان الاطفال فقط هم من يحتاج الي التعليم؟
ماسمعتي بالحديث اللي يقول اطلبوا العلم من المهد الى اللحد!

ولكم خالص تحياتي :)





الا على فكره وين البنات محد رد علي من ناحيه الفساتين
الا كم بنت

وين البااااااااااقي

روزاليندا ... مدري ليش دايما اتخيلج مثل اللي يطلعون في المسلسلات المدبلجه وحواجبج غليظه >>>>> يجوز تأثير الاسم خخخخخخخخخخ

تحياتي :)

ومدري ليه دايما اتخيل ام خلفوه عيوز وشوي سمره وببطوله خخخخخخخخخ

:)

عيوز!!عمري 23 بس اسم ولدي مكبرني
سمرا!لا بياضي عادي
بطوله!خخخخخخخخ يمكن اذا كبرت

وينكم انا لين الحين انتظر :icon33:
ابي فستااااااااان


اللي قالت عن عطيف مدري عطوف .. ماتعجبني فساتينهم مااحب الستايل اللبناني والمشرشر او المبهرج

انا ابي فستان يكون ناعم بس واااااااااااو اتمنى فاهمين قصدي