السلام عليكم
][§][-~المتغـلية ~-][§][
نورت الدوحة :)
أختي بالنسبة لمحلات المكياج , يارب اشكثر اعاني ماقصرت وأضيف BHS في اللاندمارك , مستحضرات التجميل احيانا اتخلص في المحلات الكبيرة فاتحصلينها في BHS , وايضا محل دبنهامز في الستي سنتر , مع ان عادة تكون المستحضرات هناك مخلصة ..
بالنسبة للفلم اللي ذكرتيه , لا يفوتج :D .. وايد حلو , أنا شفته مرتين :30:
وحياج الله بين هلج وناسج
***
um hissa
الرسالة اللي طرشتيها لأوبرا كانت رائعة .. ما شاء الله عليج
***
Pasta
لا تفكرين وايد ولا تحاتين .. ان شاء الله كل شي بيكون بخير , الله يقومج بالسلامة
السلام عليكم
][§][-~المتغـلية ~-][§][
نورت الدوحة :)
أختي بالنسبة لمحلات المكياج ,...
أشكرك , وعسى توصلها بس .....
عنونة
تسلم عنونك !
Pasta
حصوصي كانت قيصري , و في قطر في مستشفى الولادة ..... نصائحي :
- توكلي على الله ترى العملية بسيطة ان شاء الله , بس بيفتحون بطنك و مصارينك بتطلع برا ... لووووووووووووووووول لا تخافين أمزح معاك يا خوافة !
- اطلبي بنج نصفي , البنج الكامل اثاره مع الوقت مب زينة , نصيحة , حطي الخوف على جنب , واطلبي نصفي , حتى أخطاره واجد أقل من الكامل ,,, نصيحة حبيبتي .
- لا تخلينهم يركبون " القسطرة حقة البول تكرمين " الا بعد ما يبنجونك عشان ما تتألمين ( أنا وحدة أعطتني هالنصيحة الله يجزاها خير و طبقتها ) .
- اذا ما تبين تباتين ذيك الليلة اتفقي مع الطبيب ان كل التحاليل و دكتور البنج يخلصون منك بدري , وقولي له باطلع مع وعد انك من النجمة عندهم ( أنا نمت زوجي رفض يبي الفكة مني ) :)
- قولي للطبيب لا يتكلم بصوت عالي عشان ما أسمع ايش يقولون , أنا قلت له و الحمدلله كان يتكلم بصوت واطي .
- طلبت ممرضة تمسك يدي طول الوقت , و كانت قمة في العطف .
- اقري قران طول الوقت , و فكري في اشياء ثانية غير العملية , وانتي بتلاحظين كيف ان هذا الشئ راح يخليك ريلاكس ان شاء الله .
الله يقومك بالسلامة امين .