انا تحليلي لسبب ان الكل مايتحمل الثاني هي معادله:كثرة الضغوط النفسيه(متمثله بضغوط الاطفال,ضغوط الزوج.ضغوط المشاغل الي ماتخلص وكل واحد عنده لسته يبي يحققها)+قلة الايمان(وخصوصا رداءة الصلاه تخلي الواحد كاره نفسه شلون غيره+ضغط الدوام الي مايعادله ضغط +عدم تقدير ظروف الغير يعني المفروض الواحد يظن في الشخص الخير ويدور له المبررات وهذا اهم شي يقوم عليه الدين الحين العكس اول شي يدور الاخطاء ويظن فيه السوء+الواحد الحين مجرد مايسوي شي بسيط لغيره كأنه سوا الهوايل ويقعد يقول الي مافيه خير نسى كذا وكذا طيب اعرف ظروفه اول وسو خير وقط بحر مو يسوي الخير ويالله وين المقابل وهذا سبب سعاده اهلنا اول كانو يستميتون ويتسابقون لنفع غيرهم ولا ينتظرون مقابل

ماقول الا الله يكفينا شر هالزمن الي لونه قلب وماعاد له طعم والواحد صار يقول يالله السلامه.

توتا الله يكثر من النوع الثالث ...ويهدي النوع الاول (مايجون الا بالعين الحمرا)...وياحليل النوع الثاني المفروض يفهمونها .....تدرين اول ماروح لاحد الا لازم اكون ماكله عشان ماطيح في الضيافه....وهذا شي مهم لاني اذا رحت جوعانه الصحون تسير بيضا(الحسها)طبعا هذا عند القرايب اما البعايد(موزونه)اكل نتفه نتفه وعصافير بطني تموت (ياشين الي يسوي روحه شبعان وهو هالك من الجوع.

يا رب شكثر اعاني

معاج حق..مشاغل الدنيا ما تخلص .. والناس صايره تنطر الكلمه.. ولا يحسبون الواحد ما عنده الا هم ومتفرغ لهم 24 ساعه محد يراعي ظروف الثاني
وفي ناس وايد تسوي من الحبه قبه على مواضيع وايد تافهه..
والصراحه..انا مرات ادخل المنتدى وما اشارك والسبب هالموضوع
اشارك في اقسام ثانيه وادخل هالموضوع اقرا واطلع بس ما ارد
لأن الموضوع صار وايد فيه حساسيات وكأن كل وحده عدوة الثانيه
ومن آخر مشكله صارت لي مع عضوه صرت الصراحه اتضايق من الموضوع واحس البنات صايرين احزاب
هي افهمت الموضوع على كيفها وفسرت كلامي على كيفها وفالاخير هي اللي زعلت وسوت سالفه من ولا شي.. وفي كلمه انا مادري هي شفهمتها..وكتب لي رد ومن ضمنه انها بتتواجد في مكان ثاني او مب داخله هني مره ثانيه ..شي جذي.. انا رديت عليها ان هالموضوع شي راجع لج وبكيفج..وقصدت فيها انها سواء تبي تدخل المنتدى ولا ماتبي انا مالي خص..يعني اذا بتدخل ولا لا ما بستأذن مني ومالي كلمه عليها..بس شكلها فسرتها بشي ثاني..على العموم كل واحد حر في نفسه

والصراحه اللي يخليني ادخل واشارك ان الموضوع مثل مافيه بنات جذي فيه بنات وايد حبوبات وطيبات ويستاهلون كل خير
امثالج انتي وباستا وروزاليندا وام حمد وغيركم وايد ومابي اذكر اسماء عشان ما انسى اي وحده وتزعل

اي والله يا رب شكثر اعاني .. الله يكثر من النوع الثالث

والحمدلله هالايام اغلبيتهم صايرين من النوع الثالث
والباقي من الاول
والله يهدي النوع الثاني وما يحنون

يوووووه ياتوتا فديتك .....انسي كل الي صار احنا فتحنا صفحه جديده ....وارضاء الناس غايه لاتدرك بس على الاقل نبتعد عن الحساسيات ونخلي المنتدى مثل الزهره ناخذ ريحقها ونتجنب شوكها وصدقيني كل البنات فيهم الخير وقلوبهم طيبه بس تعرفين الحريم عليهم ضغوط كبيره شي الدوره شي الحمل شي متهاوشه مع زوجها وهذا بفسر تغير اسلوب كل وحده من فتره للثانيه واحسن شي ان الواحد على قولتك يطنش والاحس يبرر ويتغاضى عشان المركب يسير ولا كلن بيقط عمره ومابيظل فيه حد.