<<<<< كانت تشوف المناقشه ودها تشارك

بالنسبه حق الاب انه مايحضر المعروف انه عادات وتقاليد والمجتمع القطري صغير يعني اللي اخالف شي منها الله يعينه ومافي ابو يرضى هالشي لنفسه وصعب تغيرين هالعاده فيهم ... ام حصه جبتي لنا الحكم من الشرع وجزاج الله الف خير ...بس بعد صعب تغيرين..وبقولج انتي اتكلمين عن عاده موجوده بقطر بس بعد تحاولين ان تكون ردود البنات ماتعلق بالسعوديه باي كلمه عشان نكون قد الحوار بس بقولج على ان هذي العاده موجودة بالسعوديه ...كنت بزياره للسعوديه وابو البنت حضر العرس بس هل المعرس استغربوا شلون احضر ابوا العروس ,'وطلع الكلام ترى اللي عندنا عندكم ومجتمعكم كبير وتختلف فيه بعض الشغلات بعكسنا احنا تقاليدنا واضحه ومعروفه ولو تبيني اعطيج قبيلة الريال اللي حضر العرس عشان تصدقين كلامي ، وانتي يوم خذيتي معلومه من رفيجتج ان ابو العروس يسافر يوم العرس ماتعني هالمعلومه انها تعني المجتمع القطري كله بالعكس بالنسبه حق هلي وقرايبي الابو ينطر في بيته المعرس والعروس ليلة العرس وفي بعض الابهات يستحون يحضرون القاعه شي عادي ، مثل ماقلت لج في عادات بهل قطر الاصيلين من سنين تربوا عليها ولو شنو مايغيرونها كذللك انتو عندكم عادات صعب تغيرونها مثل الحجر لازال عندكم بس عادت الاب مايحضر العرس ماتحقر من المرأه قد مايحقر من المرأه حجرها وكانها سلعة تنباع ....وعلى العموم لازم اكون في تقبل للأراء من الطرفين

I_Luv_Sweets

انا معاج فالكلام اللي قلتيه..بس يا ليت لو تقولين هالكلام حق ام حصه لأن احنا ما فرضنا عليها عاداتنا ولا نبي حد يغير عاداتنا ويملي علينا شنسوي وشلون نحتفل بأعراسنا
وبليييييييييييييييييييييييييييييييييييييييييييييييييييييييييييييييييييييييييييز يا ام حصه لا تتناقشين في عاداتنا وتقاليدنا لأن احنا اللي تربينا عليها واحنا ابخص فيها
واذا حابه تتناقشين يبي مواضيع ما تمس اسلوب حياتنا ولاعاداتنا وتقاليدنا يكون افضل

وياليت مايبقى شعر ...ياليت يكون فعل....انا رديت للجزء الاول وحزنت لان هالشي موليه ماكان موجود وكل وحده تفدى بالثانيه ...ونقدر نرجع مثل اول واحسن بس همتكم



وندش----نبض الحروف----ام صلوح------ام ياسمينا------هماين


الجازيوياليت اذا ماعليك امر ابي اسم الي عليه رسمة عين لاني ماعرفه.


ام حصه فديتك حشا موقصدي احدد شتكتبين ...لكني مابيك تطفشين لان وجودك هو الاهم .

نبض الحروف من عيوني رقم ام عمر ...تحري الخاص وهلا بك .

مرحباااااااااااااااااا...

بنات بما اني بحرينية.. ومدري انتو ايش كنتو تتكلمون عنه.. فانا سألت زوجي عن الموضوع..

وكل وحده من حقها تتكلم وتقول رايها صح؟؟ بس مثل ماقلت من قبل من غير اي تجريح..

لأن اعتقد ان هذي عين ماصلت على النبي..

انا من رايي ان الفئه اللي الريال مايحضر عرس بنته.. مو بس عادات وتقاليد وخلاص.. احنا لو شفناها من ناحية ثانية.. شلون بنشوفها؟؟

احنا لا عزمنا احد.. لازم نضيفهم صح؟؟ واحنا ما ناكل معاهم.. نقعد نعطي توجيهات للخدم.. وبس.. يعني مو كل عزيمه.. لا على حسب الضيوف.. واهني الريال.. لا ماحظر عرس بنته.. يتخيل لي عادي.. دام البنت راضية وماعندها اي مشكله.. والشي الثاني اعتقد ان عرس الرياييل مو نفس عرس الحريم صح؟؟ يعني هذا عرس زوج بنته.. مو عرس بنته.. لأن عرس بنته بين الحريم.. واهي لا بتقول شي ولاشي اذا اهو مادخل يبارك لها بين الحريم..
وبعدين الشغلات هذي شكلية.. وكل ناس لهم طبعهم.. احنا في البحرين الصغيره كلش فيها 160 الف طبع وعاده.. عادات اهل امي تختلف عن عادات اهل ابوي.. واحنا لابغينا نغير شي.. ممكن شي صغير يتغير.. شي شخصي بيتغير.. لكن شي على مستوى دوله.. وعايلات.. باعتقادي مو بالكلام يتغير..
لأن الشيبان مستحيل يرضون بالتغيير.. واللي رابي على شغلة مستحيل يشوفها خطأ.. وهم مستحيل يتقبل اي احد يقول له انت خطأ..
واذا اهل البلد كلهم او اغلبهم جذي.. يعني محد يسأل ليش ابو العروس مايه؟؟ اكيد يعرفون.. فما اعتقد فيها شي..

وهم اعيد واكرر.. ماكو داعي للتجريح.. لأن كلمه "الجاهلية" انا ضايقتني.. يعني مو حلوة احد يقول لي انتي تتصرفين كأنج من ايام الجاهلية.. وهالشي ما يمسني انا وبس.. يمس امي وابوي واهلي.. يعني ياليت مانتكلم في العادات والتقاليد اذا بنجرح بعض..

يارب اشكثر اعاني..

ها تغديتي؟