مجفف جبسون يمدحونها بس اناماقدجربتها وان شاء الله ناويه اشتريها

بنات خذوني على قد عقلي
هل فيه غساله تكوي الملابس؟؟
واذا فيه
ايش اسمها؟؟
ـ((ــــــــــــــــــــ ناويه تسرح الشغاله

الله يعطيكم عالموضوع روعه
يارب تتسهل واجيب مجفف دعواتكم لي

ملاحظة مهمة احب اقولها انه ليس شرطا ان كانت غسالة من ماركة معينة ممتازة فهذا يعني انه نشافة من نفس الماركة ستكون بنفس الجودة قد يكون كذلك وقد لا يكون لانه الماركات احيانا تلقين ماركه ممتازين مثلا في الخلاطات وغير ممتازين في المكانس الكهربائية

الملاحظة الاخرى
اكبر خطأ ممكن نسويه هو شراء غسالة بنشافة مع بعض غير منفصلين بمعنى نفس الغسالة تنشف حتى لو مكتوب انها تنشف 100% لانه من تجربتي الشخصية ومن تجربة ناس اعرفهم كانوا جايبين هالنوع ومن ماركات مختلفة لكن رجعنا جبنا نشافه منفصله لانه للاسف ما تطلع لثياب مكوية ومرتبه مثل النشافه المنفصلة ومرات تطلع رطبه شوي
وكان لي تجربه بهالشيء مع غسالة اريستون مع تنشيف مائه بالمائه بس مثل ما قلت ما كانت ناجحة ابدا وكرهت الغسيل والتنشيف معها


تجاربي الناجحة

ببيت اهلي كان عندنا نوعين
جينرال الكتريك
ونوع اخر مو معروف لكن كان رهيب جدا اسمه دورا او شيء مثل كذا ما عدت اتذكر الاسم تماما لكن كانت قمه في التنشيف
وكلهم كانوا ثمانيه او سبعه كيلو بس رهيبين سواء الجينرال الكتريك او الثانيه


اما الان عندي فلدي نشافة ميتاج خط 220
طبعا امريكيه و 10 كيلو
وهي من النوع اللي تجفف بالهواء من خلال فتحة الهواوء اللي فيها من الخلف
وممتازه ممتازة ممتازة
تطلع لثياب قمة في الروعة واخذتها بعد ما قرأت تجارب العديد معها ومدحهم لها
والحمد لله ما تندمت
بس حرصت اني اختار النوع اللي ينفع على خط 220 مباشرة
لانه في انواع من ميتاج تحتاج لكهرب اقوى يعني يشبكون خطين يصير مثل خط المكيف قوي جدا لكن هالنوع منها كان على طول على 220
واغلب الامريكي يحتاج للتسليك الكهربائي القوي
بس بصراحه رائعة بكل المقاييس ويطلع فيها الغسيل كانه مكوي بغالب الاقمشة خاصة القطنيات وثياب بناتي والبجايم القطنية الخاصة بي
وما اخذتها الا بعد ما تريثت وسالت وقرأت العديد من التجارب
عيبها الوحيد العيب المعروف بكل النشافات من هالنوع الوبر اللي يطلع من الغساله لو ما كان لها تسليك للهواء بالخارج


اختي عندها في الامارات نشافة سيمنس
لكن اللي ما يطلع منها هواء حار يعني يتجمع الماء في درج وعلبة خاصة وتكبين الماء كل ما امتلى او بعد كل تنشيف
هي مريحه من هالناحية انه ما تطلع وبر ولا رطوبه
وتنشيفها 100%
لكن حسيتها تطول اكثر من النشافات اللي تعتمد على الهواء
وايضا ما يطلع مكوي ومرتب مثل النشافات الاخرى
ما اعجبتني ولا عجبت امي كثير من هالناحية لكن اللي مالهم حل بالنسبة للتسليك عشان الهواء ممكن ياخذوا هالنوع ويريحوا نفسهم

=======


نصائح عند شراء النشافات:

1) لا تشتري ابدا الغسالة مع النشافة اللي تجي بفتحة واحده مع بعض حتى لو قالوا ميه بالميه التنشيف (فاشلة بتجربة اغلب من شروها من ماركات مختلفة)

2) لا تشتري الغسالة مع النشافة اللي متصلين مع بعض واحدة فوق وواحدة تحت صح انهم منفصلين والنشافه تكون ممتازه لكن لو خربت الغسالة او النشافه بيضطروا ياخذوهم سوا لانهم متصلين وبكذا تتورطين لحين تصليح اللي خربت منهم

3) اشتري النشافه الكبيرة حجم 10 كيلو افضل لك وللزمن وتطلع الملابس شبه مكوية بشكل افضل وتاخذ عدد ملابس اكثر وبكذا توفرين عدد مرات تشغيل النشافه عشان الكهرباء مع العلم انه اللي عندي 10 كيلو وحتى لو عندي قطعه واحده انشفها عليها وارتاح

4) عموما المجففات او النشافات الامريكية مثل الويربول والميتاج والجنرال الكتريك اللي تعتمد على التجفيف بنفس الطريقة اللي ذكرتها وليس التي تستخدم درج للماء تعتبر الافضل يعني اللي يكون تجفيفها من خلال الهواء الحار اللي يطلع من جهة الخلف اتوقع هي الافضل لانه ميتاج تشابه جدا لصورة الويربول اللي حطوها الاخوات بالصور بالاعلى.

وان شاء الله نفيد ونستفيد من الاراء

عزيزتي
لا يوجد غساله او نشافه تكوي الملابس
ولكن النشافات القوية مثل اللي ذكرناها كنشافه منفصلة عن الغساله يعني جهاز النشافه نفسه
بعض انواعه يطلع بعض انواع الملابس والاقمشة شبه مكوية
بمعنى مثلا النشافه اللي عندي اغلب ملابس بناتي الاطفال ما احتاج اكويها نهائي
بس شرط تطلعي الملابس فورا اول ما تجف من النشاف او المجفف الكهربائي وتطبقيها وترصي عليها وانت تطبقيها وتطلع مثل المكوية
وكذلك ملابس الرجال القطنية الداخليه اغلبها تطلع شبه مكوية ما يحتاج كويها
وكذلك بعض عباياتي السودا (لكن يعتمد على نوع القماش) بعض العبايات ما احتاج اكويها وبعضها احتاج اكويسها بشكل بسيط جدا ع السريع

بس اهم شيء مجرد ما تخلص دورة التجفيف تطلعيها عشان ما تتعفط اذا بقيت فترة بالمجفف

لكن في ملابس تحتاج المكوى مهما كان وبعضها لا