وانتوا مصدقينه الله يهديكم هذا نصاب بياخذ فلوسكم عالفاضي

كل وحدة فيكم تقول الحمدلله على الصورة اللي هي فيها .. اهم شي يكون الانسان راضي

السلام عليكم
مشكوره الغاليه

بس هذا اكبر نصاب
ما أصدقه مهما يقول (طبعا من تجربه)
مو من كلام

الحمد لله على العافية أهم شيء إنا متعافين وطيبين ونمشي على رجولنا
وماتدرين هذا الطول إلي بتزيدينه وشي تاليته يمكن يسبب إنحنى في الظهر ولا أي شيء لاقدر الله
انا مابأخوفك لكن أهم شي إنك تكونين مقتنعه بطولك وحامدة ربك
قال تعالى (لقد خلقنا الإنسان في أحسن تقويم)

السلام عليكم :)

بصراحة أنا ما أحبذ اتروحينله ...

في البداية هو مش دكتور متخصص في الأشيا هذي أنا اللي أعرفه أنه باحث يبحث عن المعرفة مثله مثلنا سوا من الطب الشعبي أو الطب النبوي أو أي دراسات ثانية

وسنة 1997 أنا وأختي رحنا له لتخفيف الوزن عطانا نظام تخفيف يستخدمه للمرضعات خف وزني في حدود 13 كيلو خلاله .. بدون أدوية فقط عطانا فيتامينات وحلول (ملين أو مسهل)

وقال لنا نفس الكلام انه الواحد ممكن يطول واشيا كثيرة أنا طولي 155 حسب قياس المستشفى لما خذا طولي عنده كتب 154 وقال لي بعد 3 أيام إذا شديتي جسمج وعدلت جلستج ودخلتي البطن راح ازيد طولج لما رديتله بعد 3 أيام قال شفتي طولج وصل 157 مع العلم أنه معظم اللي يعرفوني ينتقدون جلستي لأني أنا من الأساس كنت دايم اشد ظهري عند الجلوس أو المشي أو الوقوف وادخل بطني ... ولا زال طولي لما ينأخذ فالمستشفى 155 ...

وحالياً معظم اللي راحوله يعطيهم ادوية تنحيف حسب كلامه .. على أساس انه خلطاته وبأسعار ما تستاهل مع العلم أنها معظمها دويات شعبية معروفة عندنا مثل الشمر والزنجبيل والمرامية والحلول وغيرها ...

يعني ما انصحج اتروحينله والله سبحانه خلق كل انسان بافضل صورة له ... وقولي الحمدلله