حرم البدر الف مبروووووك
طفلي اكشنك واااااو

يوووووووووووووووووه ابهاوية موقف مرعب للغايه كل شي الا الضنى
الحمد لله على سلامته
الله لايورينا في عيالنا مكرووووه قادر ياكريم

لوفلي يالله تعب والله

ولدي من اليوم صاير عنييييييد الله يستر من بعدين


ضايق صدري سمعت ان التبخر بالكمون وقشر البصل يشيل الهواء بس تآكدي

ولدت ومحد فقدني:icon36:


المهم أنا
دخلت ابشركم جبت احلى .. كادي..
لي اكثر من اسبوع والده بس من الالم والتعب توي افتح مادري كيف الحريم يولدون اربع وخمس مرات انا يوم ولدت شوي واحلف انه اول واخر واحد :crap::unhappy:

مع ان الولادة ماكانت متعسره الحمدلله بس يكفي ألمها الله لايضيع اجرنا يااارب

اكشن الولادة ( رعب الولاده ينطبق اكثر):icon8:
اعطتني موعد عادي للكشف وتخطيط لاني ولا مره سويت كشف ورحت وانا مافيني شي الاام حمل عاديه كشفت علي وقالت فاتح1 سم بس ومعاك طلق بس مو منتظم
تبين تتنويم لين يزيد ولا تطلعين وتجين الفجر لان ولادتك قريبه ! قلت بطلع وبرجع الفجر واقول لزوجي خلاص نروح ونرجع وانا اصلا ناويه انحاش مالي نيه ارجع :biggrin:
لاني مثل ماسمعت احيان يضل مفتوح الرحم اسبوع عادي وذي 1 سم وتبي تولدني مسويه اني افهم من الدكتوره,, وانحاش بس مازلت متروعه يوم سمعت طاري الولادة وحاطه ببالي مافيه ولاده قبل يومين لانه توه 1 سم
واطلع اتمشى بالسوق ساعة ثم نروح للبيت ويجيب عشاء ويسألني وش تبين وانا خايفه مره وجوعانه بس مالي نفس واتدلع واقول مابي شي ابيه يحلف علي ابد قال على راحتك :biggrin:
ماحرصت كثير عالاكل لاني كنت ناويه ماصوم تعبانه شوي واخليه يغديني برا <<رواقه ماصارت ولا استوت هههههههه
المهم صلينا الفجر وقالي تبين اوديك المستشفى طبعا قالها تبرئه ذمه لان عيونه كلها نوم قلت لا مابي ماحس باي شي ليه اروح يلعبون فيني
نمت عادي مافيه اي شعور بالألم صحيت على مويه تنزل واقوم وتنزل اكثر خفت وكملت نومي شوي الا تنزل ثانيه كانت الساعه 6 يعني توي نايمه مادري وش صار فجأه
تنزل بدون الم بدون اي شعور ودي احس بطلق عشان اروح بس مافيه بس مويه صحيت زوجي وانا ابكي وخايفه
يقولي يلا البسي اوديك وارفض من الخوف ويحاول فيني بس ماطعت ويرجع يكمل نومه يقول لي بغيتي اوديك صحيني
واكلم اختي اشرحلها وانا خايفه اروح ولا لا (ياشين الي اول مره ماعرف شي) قالت روحي احسن لك لاتنقص عليه المويه
وصلت للطوارئ الالم مره خفيف وصار مفتوح 2 وشوي فجأه بدا الطلق يزيد بدون انتظام كانت الساعه 9
وانا ابكي وابكي مادريت اني ببدايته وان الطلق الحقيقي ماجاني حطوني بجناحي الي بولد فيه مع جهاز التخطيط ومغذي ساعات اتحمل ساعات لا
على الساعه 11 بدا يزيد بشكل فضييييييع يجي اصاارخ ويروح واسكت حالتي صعبه شي مره يخوف مادري وش يصير
وتجي دكتوره تكشف علي يدها ثقيله وانا بالاساس اتألم وتمسكني بأقوى ماعندها انا ماتحملت ابعدها وتمسك دفيتها برجلي كانت بتطيح عصبت علي وزعلت وطلعت خخخ
ربع ساعه زاد الالم وابكي واقولهم ولدوني ولا اعطوني ابره الظهر تقول لسى مو الحين الابره تحملت شوي على اساس فيه ابره الظهر يعني بتنفرج بس مسأله وقت
تعذيب صراحه ابي امسك نفسي عشان مايروح جهدي بالصراخ واتعب بس ماقدرت وزوجي يحاول يهديني ويعلمني كيف اتنفس بس ماني لم احد
لما صارت الساعه 1 ونص كشفت علي وقالت يلا نوديك غرفه الولادة جابولي كرسي بس الطلق مره يوجع ومستمر اذا جاني اصارخ ماقدر امسك نفسي ولا ودي اصارخ وانا بأسياب المستشفى جلست عالكرسي واقولها بسرعه وديني للغرفه قبل يرجع الطلق
وصلت الغرفه وكاني على فراش الموت بقوم من الكرسي ماقدر مره كنت واصله وصار مفتوح 7 اقولها يلا اعطيني ابره وترفض تقول ماينفع خلاص ولاده لازم قبل ساعه
كنت بنهبل جتني حاله هستيريه واصارخ وابكي انتي قايله لي فوق بعطيك خلاص اعطيني قالت بعطيك بنج يخفف قلت لا ابي ابره
وتقول ماينفع انتي واصله في وقتها جاني طلق قوي وانا اصلا منقهره منها ليه تكذب علي ماتحملت رميت اغراضهم الي علي ورجفتهم ماخليتهم يسون شي
اصارخ بشكل مزعج هبلت فيهم اقولهم بتعطوني ولا طلعت قالت اطلعي يلا قلت والله اطلع ترا وانا نصابه مافيني حيل اتحرك
قال زوجي خلاص بيعطونك الحين وهو يسلك لي وتحط لي بنج وخدرت شوي واخربط عليهم بالكلام مدري وش قلت لهم اعطيتهم جوهم 10 دقايق ثم رجعت لي الحاله
واطلبهم يعطوني ابره بنج ثاني رحمت نفسي وانا اطلبهم مره اكسر الخاطر اقولها تكفين بس وحده وهي تقول والله مايصلح بيضرك وارجع اقولها بليز عشاني بس وحده طيب نص وحده (مدري من انا عشان يصير لي خاطر عندها خخخخ) بس بأختصار انرحم
وطلبهم زوجي يعطوني شوي واعطتني هم يلعبون فيني بس مدري وش يسوون قالت يلا ولاده وتحمسوا واطرد زوجي قال مو انتي قلتي ابيك عندي :biggrin: قلت لا اطلع يكفي
الالام مرره تمووت وشي فضيع بس هم حبوبات متحمليني ويداروني من الصبح طبعا عشان بفلوسي مو حب فيني :wink:ويشجعوني يلا طلع ادفعي وانا دايخه من المخدر ومن الالم كنت بنام
يصحوني شوي ويقلون لي يلا اشوفه ادفعي ماعاد اتحمل قلت خليني ارتاح مره وحده وادفع باقوى ماعندي واخيرا طلعت
بعدها لاتسألوني وش صار نمت ماصحيت الا 4 العصر اكثر شي خايفه منه الخياطه وماحسيت فيها من قوه التعب
بعد الولاده جتني الدكتوره تتطمن علي تناظرني بنص عين قالت انتي الي هبلتي فينا ولا البيبي قلت لا البيبي :biggrin:


كل الي صار بأقل من نص يوم الولاده كانت فجأة بدون الام قبل وتنبيهات بس انا الدلوعه ماتحمل فوق ماهو يوجع اخااف
الحمدلله على سلامتي وسلامتكم الحين البنوته جمبي وللحين مو مستوعبه انها لي واني صرت ام ياكثرما انساها :pinklove:

لوليتي

الف الف مبرووووووووووووووووووووك
اكشن ولادتك جمييييل

هههههههههه
الحمدلله اللي تيسسسرت
والله يخليلك البنوووته