Aml al7ob :

جزاج الله خير الاميره دودي علي التذكير انا لاني مش ضعيفه ماعانيت من التشققات الا قليل وخفيف بس بحملي الثاني عانيت من تشقق حلمات الصدر والموووت وقت الرضاعه وقلت لازم ارطبها خصوصا الشهور الاخيره من الحمل كانت الرضاعه متعبه وبنتي كانت دفشه فالرضاعه وانا قيصري ماينزل الحليب على طول وتغذيتي مش اوكي وقتها بنات حد منكم بدل حمالات الصدر انا هالحمل حسيت بدري بدلتهم للنوع اللي بدون واير وبالعاده استخدم الحمالات العاديه لاخر الحمل تقريبا بس هالحمل شكله صدري تغير من البدايه مادري هل لانه الحمل الثالث ولا كيف اما لبس الحمل اخذت لي بناطيل حمل من اتش اند ام وايد احبهم جنزات ومريحات حتي لبعد الحمل استخدمهم لين يرجع وزني واخذت قمصان حمل وفصلت جلابيات للحمل وبعده وممكن اضبطهم بعد الولاده واضوقهم واشتريت كلوتات من ماركس اند سبنسر اللي تغطي البطن مريحات وقطن صح بنات انتبهوا من لبس الاحذيه العاليه وقت الحمل وعلى فكره انا في حملي مع الحركه مرات تتورم رجلي واضطر اخذ احذيه مريحه خصوصا للشوبينغ او السفر الحوامل بعد فتره تصير نومتهم مش مريحه في مخده حلوه في محلات الاطفال وفي مذركير وغيره للحامل مريحه اذا ماتاخذيها حطي مخده بين رجولك ومخده خلف ظهرك انا كنت اسوي هالحركه وقت الحمل وكل ماتقدم الحمل تتعبين ما تقدرين تنامي الا على جنب فالافضل المخذات تريحك وتخفف الضغط على البطن والظهر هذا اللي اتذكره للحين

جزاج الله خير الاميره دودي علي التذكير انا لاني مش ضعيفه ماعانيت من التشققات الا قليل وخفيف...