بنات عن تجارب الجنس

لا تتعلقون فيها وايد

انا احب ادخل واقرا فالمواقع الاجنبيه في محادثاتهم واستفساراتهم
واشوف معتقداتهم وهم يقولون شو ضبط وشو ماضبط في طرق وايد اثبتوا علميا انها مب صح

وانا عن تجربه
حملت ببنوتين فديتهم ربي يحفظهم

كل حمل غير عن الثاني
الحمل الاول البيبي كانت تحت فالبطن مارتفعت كله على المثانه
حملي الثاني بنتي فوووووق عند ضلوعي حتى يوم اركب السياره ماتفرق عندي مطبات او شي عكس حملي الاول

بطني مابان بالاولى الا على السابع بدا شوي يبين
بطني بالثانيه ناط مثل الكوره فوق

وحامي اختلف بس في امور مشتركه ما احب الدجاج لين اربي
الحمل الاول استفراغ
بدا الوحم متآخر على الثالث بدا وخلص نص الرابع اتوقع
حملي الثاني استفراغي بسيط
ما كنت اتحمل معجون الاسنان وعادي استفرغ بسببه
حملي الاول ما اكل وزني ينزل مايزيد واللي زدته سته كيلو
حملي الثاني اكلي اهون وزدت بس ما اعرف كم
صدري مايكبر بسرعه اتم البس نفس المقاس بس اخر الشهور ابدل للحمالات مال الرضاعه اريح

صح نجي للاحلام
بنتي الاولى حلمت جدتي تقولي بعطيج سلسله الذهب الصغيره هي نوع تقليدي عندنا فالامارات فيه احجار
ببنتي الثانيه حلمت انه حاكمنا يلاحقني وكان معجب فيني وكنت ابدل فساتين بس طول حملي اشوفه

حملي هذا
وحامي يختلف لوعه بس ماشي استفراغ
احس ببروده مادري عشان شتاء ولا كيف
فتره الوحام نزل وزني لاني ماكنت اقدر اكل
وحامي كله جوع ولو جعت تجي اللوعه
احب اكل اللحم والحلويات
بعد ماخلص الوحم عادي اكل الدجاج ما كرهته مثل حملاتي الاولى
احب اكل البيض والاجبان
كرهت قهوتنا الاماراتيه ماتحمل ريحتها

اما عن البطن البيبي تحت الحركه حسيتها من الثالث حركه خفيفه


اللي ابى اوصله انه لاتعتمدون وحام معين او شكل معين او احلام
ولا تتعلقون بجنس معين
حلو انه تحطون في بالكم كل الاحتمالات ويوم تشوفون السونار وتتاكدون استمتعوا بالمشتريات للبيبي والله انها متعه حلوه
وكلموا البيبي في بطنكم خلو عيالكم يكلمونه عشان يرتبطون فيه

وفي حركه انا سويتها لبتني يوم ولدت كنت مشتريه لها هديه على اساس يوم تجي المستشفى نعطيها الهديه انها من عند البيبي
منها تزيد المحبه بين الاطفال ومايغار منه

وربي يتمم حملنا ويرزقنا الذريه السليمه المعافاه يارب
وربي يرزق كل منتظره يارب

هلا امل الحب
الحمدالله مب متعلقين فيها بس نجرب ونتسلى

انا وحده احب اطالع عشان استفيد فالمستقبل وافيد اذا حد احتاج


تصدقون بنات توه ترمسني ربيعتي اختها فالشهر التاسع ثاني حمل عندها بنت قبل
وقالولها بنت مرتين
والحبيبه اشترت وماخلت شي وجهزت نفسها والبيبي ع اساس بنت
تقولي راحت امس سوت ٤دي قالولها ولد تقول للممرضه تاكدي تقولها امبلا ولد الحرمه انصعقت ومن الزيغه ماخبرت ريلها ولا امها داقه لاختها تقولها شسوي اختف اقولهم ولد واتيي بنت بسكت احسن لي تقولها بحاول اقول لريلي ناقصنا اغراض وبتروح تاخذ لبس ابيض للبيبي
والله حتى السونار اللي مايغلط الا نادر مشكله
بس احس يقولون بنت وايي ولد اهون من يقولون ولد واتي بنت لان الكل يستانس والريال واهله وعقب تعالي تعليقات قصو عليج والا انتي خايفه نحسدج ووو تعليقات ماتخلص الله يعينا


Sent from my iPhone using منتدى عالم حواء

انا طلع لي ولد
والسونار بنت

بنتي البكر حملت في شهر 5 يعني فردي وبنتي الثانيه حملت في شهر 9 وبرضو فردي وهادا الحمل حملت في شهر 2 يعني زوجي وان شاءالله بأذن الله يطلع ولد ولكل من تتمني دعواتكم
ودخلت الموقع طلع لي بنت والله اعلم والحمدلله



اللهم اجعل مافي رحمي ذكر صالح تام الخلقه والخلق واجعله بارا بي وبوالده اللهم امين 👬

اللهم اني استودعتك السعودية وأهلها، أمنها وأمانها، ليلها ونهارها، أرضها وسماءها، واسلامها و بيت الله الحرام ومسجد خير اﻻنام ....فأحفظها ربي من الطغاة وكل من يريد بها سوء .... ومن تعدا عليك وعلى رسولك ....اللهم إنا نستودعك رجال السعودية ونساءها وشبابها وأطفالها واموالها يا من لا تضيع عنده الودائع" 
ياودود ياودود ياذى العرش المجيد يارب 

انا لله وانا اليه راجعون