♥

جزاك الله خير

الله يهدي الجميع والاب اللي ينزعج سلامات يعني بس هو اللي انزعج ترى حتى الام زيه منزعجه واكثر لانها بتقوم تشوف الطفل ويمكن ترضعه او تغيرله رغم التعب الا انها تتحمل لانه ضناها والاب وش عنده مايتحمل اذا بكى الطفل مره او مرتين
موكفايه الام تحملت حمل ووحام وثقل وولاده وجات على كم صيحه مو قادر يتحمل حضرة جنابه
خليهم يتحملون شي من المسؤليه ويحسون

فعلا انا يا اخلي طفلي جنبي او اطلع معاه برا
لكن اني اخليه لحاله ابدا
الين يبدا يدخل الروضة وعند اخوانه الكبار عشان اعوده على وقت النوم ويصحى معهم ويعيش الجو معهم
لكن قبل معاي وين ما انام
واذا شيخ البيت تملل منهم في السنة الاولى والله اجلس انا واياهم في الصالة
مو عشان شي لكنه يداوم واكيد يحتاج ينام ويرتاح

كله كوم واللي تطلع ولدها عشان السي السيد لاينزعج
كوم ثاني

ما اظن ابدا انّ هذا عدم احساس
اولا هذي اختيارات شخصية يتخذها الابوين ماتقدري تحكمي وحده منها صح مطلق او خطأ مطلق لانها محكومة بظروفهم ومقدرتهم ..
الام مو لازم تصير مثاااالية بكل شي او تلزم نفسها فوق طاقتها ، عليها تشوف الاصلح لعائلتها كاملة ما تفضل شخص على شخص وبعدين تقرر
انا رأيي ان بالعكس مهم للطفل يكون لِـه نظام وطقوس يعتادها للنوم صح بالبداية صعبة لكن خلال اسبوع بسس بتكون العادة الجديدة هي الشي الطبيعي بالنسبة له


التوصيات العلمية الحديثة تقترح انه
تحدد ساعة لنومه وقبلها تسبحه وتعطيه حليب وتطفي النور وتحطه بمنامه بغرفته الهادئة وتمسح ؏ بطنه لين يهدأ ويغفى
واذا بكى تخليه شوي يعني دقيقة لكل سنة مِن عمره
واذا ماسكت ترجع تدخل له تمسح ؏ بطنه عشان يتطمن بوجودها جنبه بس بدون ماتشيله طالما متأكدة انه مو محتااج شي لا جوعان وولا موسخ او شي يألمه لين يرجع يهدأ وينام


وبكذا تعود الطفل انه يسلي نفسه بنفسه لين ينام بدون خوف وصريخ ماله داعي، والجسم والساعة البيولوجية الطبيعية تحتاج النظام


وخليه بغرفة قريبة لغرفتك وبابها مفتوح، استبعد انك ماتقدرين تسمعي صوته!
والعلم الحين تطور ، فيه اجهزة مو بس صوت إلاّ كاميرات تقدري تتحكمي بها وتغيري اتجاهها بجوالك واذا بكى الطفل تتصل عليك حتى!!


وبنفس الوقت حصلتي خصوصية لك انتي وزوجك
واضمن لكم انه طفلكم مايشوفكم او يسمع منكم شي ترا الطفل يتأثر مِن هالامور
والازواج بعد يتأثروو مِن البعد عن بعضهم البعض او انهم ماياخذو راحتهم


والله اعلم
انا لسه ماجربت الامومة ولا اعرف صعوباتها بس حبيت اشارك برأيي
بالنهاية اللَّـه الحااافظ وولا راد لقدره سبحانه إلاّ الدعاء، استودعي طفلك عند الجبار وتوكلي عليه