الحمد لله ربي يطمنك زي ماطمنتيني 😘

الله يعينك يارب وتفرحي باطفالك وتضميهم لصدرك بخير وسلامة
الله يطمنك عليهم

تويكس


ويسعدك يارب .. صح مو سهله العمليه لازم عندك احد يساعدك صعب عليك تقومين بكل شي مع انه العمليه تحتاج الحركه بس مو بذل مجهود بعد الام محتاجه صحتها .. اهم شي لاتخربطين بالاعشاب والادويه كثير تحوس البطن مو كل شي ينفع مع العمليه وكولي لحم ودجاج كثير يلم الجرح سبحان الله .. مع ان النفاس نفسها مسدوده دايماً 😐 ولاتشربين الحليب الا بعد اسبوع كذا عشان مايجيك غازات اهتمي بنفسك قبل يطلعون الحلوات بالسلامه الله يحفظهم لك وتضمينهم وانتي وياهم بسعاده 💗💗💗

بما اني في المستشفى
والاطفال بالعنايه الله يطلعهم بالسلامه ويفرحني بشوفتهم يارب واضمهم بحظني في القريب العاجل


انا مفروض اني احظر في الدوام يوم الاربعاء تاريخ
٨ / ٣ وسبحان الله قلت بروح يوم الثلاثاء عشان اخلص اوراقي واداوم يومين بما اني عندي موعد مراجعات يوم الخميس وبغيب عن الدوام
صحيت الثلاثاء وانا معي الم اسفل البطن يروح ويجي لكن محتمل
امي الله يعطيها طول العمر كانت موجوده عندي المهم افطر انا واياها على الساعه ٧ قالت بتروحين الدوام قلت لا بكره اليوم احس بتعب قالت لي مثل كل يوم😨😨 قلت هالمره احسه غير ادعي اني اولد الاسبوع الجاي اذا جاء زوجي لانه دوره ومو متواجد في المنطقه رفعت يدها للسماء قالت ان شاءالله تولدين الليل سبحان الله دعوتها انحفرت في قلبي وانا خلاص 😬😁


المهم الغداء احس مالي نفس فيه اكل شوي واوقف العصر اشتهيت شاورما ارسل السواق واكل حبتين وحده صاروخ وحده صغيره 😄


وانا لازلت احس ب الام وابي اروح الحمام كل ٥ دقايق
احس فيه شي مثل اليد يضغط علي من تحت
المهم على المغرب احس يزود واقول ل امي تقول روحي للمستوصف
مارحت جات الساعه ٨ ونص نامت امي ونومت بناتي وولدي وانا لازلت كل شوي وانا بدوره المياه
واحس بنغزات اقرى بالنت عن الالم الطلق كلها لازم ظهر وبطن مع مويات او دم
انا ولا شي من هذي سوا مغص يمسكني في اسفل البطن وحراره بالبول الله يكرمك ورغبه بدخول الحمام


المهم انام ربع ساعه فقط واصحى اروح الحمام مافيه شي كثير كل ربع ساعه بالضبط من ٩ الى ١ بالضبط تخيلوا الوضع
المهم جات الساعه ١ وشوي انا زوجي مو فيه والمستشفى اللي اولد فيه مدينه عسكريه يعني مقدر اروح مع السواق
ولاعندي اخواني ولا احد بما انهم في الرياض المهم اشوف جاراتي اخر ظهور لكل وحده شوي ولا وحده من زميلاتي ترسل على الواتس برودكاست قلت لها مها صاحيه وزوجك عرفت اني تعبانه وكلمتني قلت مقدر اتحمل جات هي وزوجها ما اخذت ملابس ولا شي
ماتوقعت ولاده ابداً المهم اوصل المستشفى على الساعه ٢ وشوي كشفت قالت الرحم مفتوح ٥ وانا اتجنن بدري مره قالت ولاده لازم تنويم وقع زوج جارتي الاوراق بالعافيه شوي بعد ١٠ دقايق مفتوح ٧ ونص وانا احس ب الم الدفع كل ١٠ دقايق اقولها الم تقول تنفسي لين نجهز الغرف حقت العمليات والحضانات عشان الضغار خوف اني اتعسر بالولاده المهم على الساعه ٣ وانا بين تعب مايعلم فيه الا ربي ادعي وقت التعب واتنفس مهم جداً تنفسي اذا فيه طلق لاتصيحين ابداً ابداً المهم جات ٣ وربع ودوني العمليات عشان اولد فيها وانا اقولهم ادفع قالت الدكتوره الرحم مفتوح ٩ ً والمثانه مليانه مره لازم افضيها حطو قصدره فضوا المثانه وراحت تفتح المويات شوي واقولها بدفع قالت يالله وحمدلله دفعتين وتطلع البنت اسمع الصوت ولا احس ب الم اقوى من البنت صارت المشيمه الله يعطينا الاجر

بعدها احس ب الم اقوى من اول بكثير وصاروا يعدون في الوضعيه حقت الجنين وكمان تخطيط وكذا اللي كانوا بالغرفه تقريباً ١١ شخص من ممرضات ودكاتره وحقين تخدير


المهم تقريباً ١٠ دقايق او اقل اقول بدفع حاولت ماطلع شي بعدها بشوي قلت بدفع قالت ياالله يالله وادفع ويطلع الولد ماسمعته يبكي الا بعد شويات المهم واتعب في نزول المشيمه الثانيه واحاول ادف شوي ولا تنفجر عليهم الله يكرمكم ً دم وكذا بعدها خاطت شي بسيط بحكم انهم ماشقوا وكمان وزنهم صغير
وحمدلله صحيح شفت الموت وكانت متعبه جداً الولاده لكن تيسرت من ربي وحمدلله رحت وانا في اخر لحظه
نصيحه من اخت الدعاء ثم الدعاء ثم الدعاء
وقت الطلق وكمان النفس يساعد صح كان ودي بقيصري لكن الخيره في ما اختاره الله وحمدلله جات طبيعي من ربي


امنيتي ودعواتي ان ربي يفرحني بشوفه صغاري وهم ب اتم الصحه والعافيه
اكتبوا لي خروج اليوم لكن فضلت اجلس لين بكره لان زوجي بيجي بكره الصبح ولازم هو يخلص الاوراق
وقالوا الحين ماتعطينهم حليب بعد اسبوع احسن مدري ليش


نصحيه حاولوا لاتستهينون ب اي الم غريب ابدا ابداً الطلق اشكال من كل حرمه يختلف


انا لو مارحت اتوقع ولدت بالبيت لكن حمدلله قدرت ربي فوق كل شي