😤😤

بنااات يلااا ادخلو الموضووع مرا حماااس 👏☺️☺️
كل وحده فيكم تقول لنا شو طريقتها المفضله في إزاله الشعر و شو الي نفع معاها و الي هي تريحت عليه اكككثرر 🤓🤓😏
ادري اني متطفله شوي ، بس الي خلاني اكتب هالموضوع اني انا جلدي مرررره حساس و لما اشيل بالحلاوه يظل جلدي احمر اربع ايام 😱😱😱 و المشكله الي مثلا يشوف يدي و الاثار و ال" كدمات "الي فيها ، يقول ذي زوجها يطقها 😰😨 مثل اثار الضرب البنفسجيه ي بنااات ، عجزت ألاقي حل !!!
ففكرت في ماكنه براون قلت ابجربها لعل و عسى ارتاااااح 😩 بس المشكله مو هنا ، استشرت قريبتي قالت لي ما توجع ابدا ، الا و ان صديقتي جايه تقول ذي وجع مووووت اياااك ثم ايااك تجربينها و........،.،،😦😤😤انقسمت الاّراء😧😧😥 و انا الحين مو عارفه مين اصدق و وش اجيب لانيً بصرراحه تعبت تعبت و تااايههه
فيا اخوات كل وحده فيكم الها طريقتها في إزاله شعر جسمها ☺️ ف بعد اذنكم كل وحده تجي تسدح طريقتها هنا خلينا نفيد و نستفيد و برضه بنات ايش هي تعليقاتكم ع ماكنه براون ومين استخدمتها و هل تؤلم ،، ما بي جلدي يتعوور 😩😩
و الله يكتب الخير لمن ترد😻😻😻