💄

حيهم ياربهم 🤚🤚🤚🤚🤚🤚🤚🤚🤚🤚🤚 مافيه خدادي مصافحه🤝 نافداكم وين العرب ليه نايمين يعني ادخل المنتدى بجركل مويه بارد عشان تصحصحون سرعه مين دورها المطبخ وين القهوه وين الحلى وين االبخور وضعيه امك انا هنا خلاص سرعه ابغا جو طيران وشبه نار ابي جو قحاطين قومو بصوت سلوى المطيري خلوني انزل نظارات الشياكه والبس النظارات حقت المثقفين فيه موضوع ابيكم فيه دقيقه👓 ابي تفسير للي قاعد يصير في انفي ريحه وحم من الي حاصل في حياتي طبعا هشي في مجتمع النساء فقط ياخي الرجال ياخذون العقل يوم يجتمعون حتى لاول مره البساط احمدي ويسولف معك كنه يعرفك عشر سنين في المجتمع النسائي تروحين انا ماتكلم عن كبار السن لا اتكلم الي في سني وسنك بعض البنات تلقيناها بمناسبه تحفه اثريه بجنب امها ولا الي جات معها مبرطمه من يوم تجين لين تروحين يعني خلاص عرفنا انك ثقيله بس اقلها ابتسامه ورينا ضروسك ياخي قابلين ولو انها مسوسه اهم شي نحس ان محد غاصبك على الجيه ولا الي تحط رجل على رجل الله يجعلها بعطب الا نعم كنها وزيره الخارجيه وظهرها كنه عمود كهرب ودي اروح عندها اشوف هي تتنفس ولا قدهي فارقت الحياه يابنت الحلال تشيكتي وتمعطتي ذا شعرتين معك بلسراميك لين يبس وارتشيتي بعلبه عطر وتكلفتي سولفي فلي حجاجك تعرفي شعللي المكان الي انتي فيه تقعدين ساكته كنك بس اكلوعشاه صدق الي تروح عند الخلق وتقعد ساكته وش تبغين وش جايبك يوم انك تجين بعقدك النفسيه عند العرب ليه ماتقعدين تحت بطانيتك لا ولا الي تكلمينها ايوه والله بدا الحر ودك تندمجين في السوالاف معها وترد عليك الله يعين ثم تلتفت في الي جنبها هنا تمتلي عيونك دموع وانا ياخي ياخي مشاعري ياخي الله يسلط علعدو ياخي سولفي ياخي دخيل والديك محد بيقول اسم الله عليك من بنت اذا قعدتي كنك صنم قريش الا في ذمتي ان يقولون احسن الله عزا اهلها هي غير تسولف في البيت اهم شي وبعض البنات ودك تروحين لامها وتقولين احسن الله عزاك بلمرحومه الي جنبك الزبده تروحين مكان ها اقولك سولفي بشبشي خليك بشوشه انفضي سيقانك صبي قهوه وحتى لو مو بيتك ولا خلاص اعرستي تلزقين بلكنب وها تحطين رجل علا رجل هنا اقلب عليك هنا احش رجولك حش خليك سنافيه راعيه صولات وجولات ياخي خلاص اتمنى من هذي الفئه لاتسيرين وتمرضين العرب بخشتك النفسيه خلاص عند الناس من الهموم مالله به عليم وسلامتكم 👊👊👊👊👊👊👊👊👊👊👊👊👊👊👊👋👋👋👋👋