,,,

مسهم بلخير ياربهم كيف انتو قولو ياالله ان الله يتقبل منا ومنكم والله اكلمكم وانا شاده راسي بشيله ادعولي تكفين حظي عيا يقوم جيتكم امس قلت لزوجي اعزم اخوياك لان قبل كم يوم افطر عند واحد من اخوياه واقبل على براطمه تنافض يقول ماشفتي الزين ماشفتي التقديم ماشفتي النفس المهم فجر قلبي من كثر مامدح قلت والله وانا بنت ابوي غير اسوي فطور يسولفون فيه سنه يابنت قلت ازهلني والله اجيك امس اشخط قوقل واللنستقرام واقلب في الأطباق قلت يابنت ابي شي غريب ابي يطلعون من عندي في ذهول شوربه سمبوسه جلي انتهى عصرها ابي شي جديد وافكر افكر قلت اسافر فيهم لصين اخليهم ياكلون كنهم في الصين واطلع ياطويلات العمر وصفه نودلز وتطيح عيني علا شوربه فطر قلت والله الا تخرفنو الرجال علا سفرتي اااااااه اه وادخل المطبخ واقوم والف السمبوسه وماقصرت اشوا واسوي لقيمات واشوا واسوي سلطه واشوا لين وصلت عند النودلز والشوربه في ذمتي لو اني معاقه ياالله اني في وجهك سوادها مدري من صلصه الصويا مدري انفقعت ليمونه سودا فيها المهم شي يسد النفس ويجي زوجي قال شيليها من السفره ماتصلح والشوربه بيضا تجيب الكوبه معاد يمدي اسوي شي والله واجيكم اتصل علا جاراتي تكفون ياجارتي سويتو شي افزعولي ماقصرو جابو الي يقدرون عليه ورقعنا السفره ترقيع بعد مامر الوقت وتأخر الفطور الثاني ماجا لين صارو الرياجيل شعار من الجوع مايستفاد من القصه انك لاتغامرين معا اي صنف لضيف لين تجربينه مره ومرتين وثلاث