+][+
على طاري الجـروح إللـي تفـزِّزْ بالحنيـن اجـروح
و ( دمع ٍ ) هَيَّضَهْ ( دمع ٍ ) و ( هَم ٍ ) ما انوجدْ زَيَّـه
رجفْ قلب المِسا – لحظةْ - خَنَقْ كَفْ المُواجع ( روح )
و ذاب امن الحزن ( فجر ٍ ) فَزَعْ مـن فَـزَّة ( بنيَّـه )
على ( انقاض ) الفرح فاقت.. لِقَتْ (طِفل الحلم) مذبوح
يلـوِّنْ دَمَّـه الطاهِـر جنـون ( الواقـع ) وْ غَـيَّـه
جَرَت ْ.. تجمع شتات الحلم وُ تَحْضِنه ابعشق مفضـوح
لقت وجه ( الصُّبح ) دامي يصيح امن الألـم ( ضيَّـه )
بكَتْ .. تِسترحِمْ الواقـع يـداوي صُبحهـا المجـروح
خَذَلها .. و زَوَّد اجروح الصباح - ابقسوتهْ - .. كَيَّـه
ألا يا ( حِزنها ) كافي .. تترجم و الشقـى مشـروح !!
تِأجِّـجْ جمـرة اشـواق ٍ بوسـط اضلوعهـا حَـيَّـه
شِكيتْ او ما شِكيتْ .. او ( هي ) شِكتْ آلامها بوضوح
: ( إذا مات الشجر مَحْـدٍ يـدَوِّرْ فـي العَـزى فَيَّـه )
قصيدي .. يا قصيدي .. لا تِحاول .. مـا يفيـد البـوح
تفاصيـل الحـزن أكبـر مـن اللـي تكتـب ايْـدَيَّـه
و لكنِّي على طـاري الجـروح إللـي تِقِـض اجـروح
بكيت .. و خَطَّت ادموعي ( حروفـي المُبْهَمَـه ذِيَّـه )
عاشقة الشعر
26
2K
يلزم عليك تسجيل الدخول أولًا لكتابة تعليق.
![+][ شتات ][+](https://cdn.hawaaworld.com/images/user_avatar.png){kind=avatar}
قصيدة اكثر من رااائعة وفيها من الجمال الكثير..
ويكفي ان قائلها شاعره كبيرة اضافت للشعر أجمله.. كعاشقة الشعر..
بارك الله فيكِ وفيها..
ننتظر جديدك غاليتي..
ويكفي ان قائلها شاعره كبيرة اضافت للشعر أجمله.. كعاشقة الشعر..
بارك الله فيكِ وفيها..
ننتظر جديدك غاليتي..
الصفحة الأخيرة
واكثر من كذا
يسلمووووا حبيبتي شتات