💔😔

السلام عليكم ورحمه الله وبركاته هذا سلمكم الله ابوي من زمان منفصل عن امي وتعبت ودرست وانا في بيت اهل امي اهانات وتجريح من خالاتي والحمدلله نجحت توظفت براتب خمسه الاف واسوي ميكب للي يجون عندي الأن معد صرت اسوي مكياج لأني منشغله بالوظيفه واجي البيت وانا منهكه من التعب ابوي في السنه مره يسأل عني في العيد فقط ولا يصرف على ولا شي لو اموت متزوج وعنده بنت وحده من زوجته الثانيه اختي هذي متزوجه وانا على تواصل معاها تخيلو يا بنات ان ابوي يعطيها فلوس وهي مع زوجها وقبل لاتتزوج وداها سويسرا ولا قالي تعالي معنا كل سنه بدوله ابوي عنده خير وهو خريج جامعي ومحاضر في احدى الجامعات راتبه ضخم عنده عماره خمس ادوار في كل دور 6 شقق تخيلو كل مانزل راتبي يجي يتسلف مني فلوس يقول ابغى خمسه الاف طيب وانا واحتياجاتي اكل تبن يعني عطيته اول مره وامي هاوشتني وجا المره الثانيه يطلبني خمسه الاف رفضت قام يلعني ويشتمني ويدعي على كل هذي السنين وماتسأل عني والحين بكل وقاحه تجي تتسلف مني