😔💔

السلام عليكم ورحمة الله وبركاته
يا اخواتي ضايق صدري والله..
عندي مشكله متعبتني نفسياً.. ممكن تشوفونها تافه بس بنسبه لي معقدتني..


زوجي يا بنات له أكثر من سنه ونص تعبان جايته عين قويه وحسد حسبي الله ونعم الوكيل


زوجي قبل التعب مايعرف صداع الراس مايعرف المستشفيات والله ويشهد علي الله سبحان الله الي معطيه هالقوه حتى النوم مثل ضغطت زر وينام ويشبع بسرعه ونفسه مفتوحه للأكل ورايق ومرتاح نفسياً كان يسوي أشغال اكبر من عمره ربي معطيه قووه ما شاءالله ..


الحين يا بنات الصداع دايم معه وليته صداع بس يقول احس راسي مشوش مادري وين اروح ووش اسوي
مناعته كأنها مناعة طفل حديث ولاده
النوم عنده بصعوبه ينام ربع ساعه ويقوم وخلاص معد يجيه نوم نهائياً
ليت يوم ياخذ هالغفوه انه يرتاح
يكون فيه نوم بس ينسدح مايجيه وليته اذا نام ع الاقل ينام ٥ ساعات فقط لا دايم اذا نام ينام ٣ ساعات ويقوم وعليها لليوم الثاني..
والزكام معه دايم من زمان ما شفته بدون زكام ويضيق صدره كثير
والتفكير ذبحه معه قلق وخوف يفكر كثيير لدرجة الشيب طلع في شعره وعمره لسه ٢٦ سنه
حتى الكلام الكثير مايقدر عليه
ودايم صدره ضايق ونفسيته تعبانه
وهالشي يأثر علي وبقوه لاني أبغاه يكون مرتاح ومبسوط


رحنا لشيخ يقرأ عليه و استمرينا اكثر من شهر ونص ونفسه ماتغير
تعب واتعبني لدرجة افكر بالانفصال لانه يأثر علي وع نفسيتي.. ومستحيل اسويها لان بينا عيال وانا احبه ويحبني بس تعبت والله افقده كثير افقد روحه الحلوه قبل وكيف كان يسعدني ويحبني..


والله مدري وش اسوي له راح للمستشفى وسوا تحاليل كامله والنتيجه يوم الأحد بنشوفها..


انا قلت حسد وعين لان حصلت عليه مشكله وبعدها تعبب تعب..
ويحلم بأشخاص تتكلم فيه وتحسده
حسبي الله ونعم الوكيل...
زوجي ابداً ما كان كذا ابداً 💔


بنات الله يسعدكم والله ضايق صدري اذا ماعندك شي تقولينه ادعي ربي يشفيه ويعافيه واذا عندكم حل قولوه؟