مالي خلق اتفلسف
+ الامور هذي مافيها فلسفه فيها نصيب ~

وعليكم السلام ورحمة الله وبركاته ..
الله يوفقك حبيبتي ..
المرأة لازم تستشير وتاخذ بالأسباب
ورد في الحديث عنْ فَاطِمةَ بنْتِ قَيْسٍ رَضِيَ اللَّه عَنْها قَالَتْ: أَتيْتُ النبيَّ ﷺ، فقُلْتُ: إنَّ أَبَا الجَهْمِ ومُعاوِيةَ خَطباني؟ فَقَالَ رسُولُ اللَّهِ ﷺ: أمَّا مُعَاوِيةُ، فَصُعْلُوكٌ لاَ مالَ لَهُ، وأمَّا أَبُو الجَهْمِ فَلاَ يضَعُ العَصا عنْ عاتِقِهِ.
ثم قال لها: انكحي أسامة.. أشار عليها بأسامة بن زيد وكان ممن خطبها أيضا فأجابت وتزوجت أسامة وجعل الله لها في ذلك خيرا

والمعدد البعض لاتقبله خوفًا من عدم تحمل الغيرة
وبالعادة يكون انشغاله أكثر ..

صراحه بالنسبه لي قبل اتزوج حتى المطلق او الارمل ماكنت اوافق عليهم وايش اللي حادني ...ابغى واحد جديد من العلبه 😅😅😅😅

انا انصحك تاخذين اللي مريحك و بس تحسي انك مرتاحه معاه و اخلاق و طيب و محترم + وضعه كويس + بيعدل بينكم و ضروري بيتك لحالك خلاص خذيه و اهم حاجه راحة بالك و ضميرك و كل وحده لها حرية الاختيار .. تقبلي مروري 🙂♥️

المشكله مو انك تقبلين اولا..

المشكله كثير شفتهم تتزوج معدد وهي صغيره وبعد الزواج تتغير نظرتها للموضوع وتندم..

وتبدأ تحسد فلانه وعلانه لأنهم وحيدات ازواجهم وتعيش جو الضراير وتنقهر من ضرتها وتقارن نفسها فيها وتصير حياتها كلها مشاكل..



حتى المطلقه او اللي عندها ظروف المفروض ماترضا بالمعدد الا اللي عارفه انها تقدر تتحكم في غيرتها وعارفه انه هالزواج يبغاله صبر وطولة بال اكثر من اي زواج ثاني..



المسأله مو مسألة ارتحت، المسأله هل بتقدرين على هالحياه وتعيشين بسلام ويكون زوجك مرتبه ثانيه في حياتك بدون مراقبه وغيره ؟

او داخله بتصورات انه ممكن يميل معاك وتكونين المفضله وبفكرة "ماتزوج فيها الا فيها نقص" وبعدين تنصدمين انه يحبها ويحب أولاده ووراه مسؤوليات ومو فاضي اغلب وقته؟ ..

او انك متوازنه عاطفيا وفاهمه هالزواج وتبعاته وممكن تتحكمين في غيرتك ومشغوله بحياتك او وظيفتك وداخله وانت عارفه انك بتلاقين نص اهتمام ونص وقت..



في بنات ظروفهم صعبه وكبيره في عمرها بس اساسي عندها انها ماتتزوج معدد لأنها عارفه نفسيتها وتقبلها للموضوع، وفي غيرها بنت طعش وتأخذ معدد..



هذي أرزاق، بس برضو الخيار في يدك وعقلك في رأسك واللي بتتزوج معدد لازم تعرف هي وش مقبله عليه بالضبط وتكون ضابطه مشاعرها علشان لاتظلم نفسها وغيرها..