😑

مرحبا ياحلواات كيفكم
خلوني ابداء بالموضوع وعطوني رايكم
اول شي انا ساكنه بمنطقة الجنوب وتعرفون كل صيفيه كثير ناس تصيف بها
واهل زوجي كل سنه يجون عندنا خصوصا ان بيتنا واسع وعادي عندي
بس المره ذي اهلي كانو بيجون
طبعا اهلي كانو ينتظرون اهل زوجي يجون ويروحون عشان يجوني مايبغون يتزاحمون
واهل زوجي كانو بيجون بس ام زوجي تاجل مره عندي الشغله الفلانيه مره الشغله الثانيه
امي دقت عليها عشان بتشوف اذا حولهم طلعه او لا لان بتاخذ اجازه من دوامها وصارت هي تسال امي لين قالت لها قالت ام زوجي نروح كلنا سوا وقالت امي ماينفع زحمه وحنا عوايل ومايشيلنا المكان قالت ام زوجي الا يشيل المكان ماعليك امي شافت الوضع كذا وتحججت وقالت ماعرف الوضع وماكانو بيجون لين عماني اطرو انهم مو جايين لان ولدهم عنده رخصه وبتطول قالو اهلي يمدي نروح ونرجع واخذت امي اجازتها
فجاه عماني قالو بنجي هم وزوج بنتهم
وفعلا جو واخذو كل الغرف مابقي غير غرفه بنتهم وزوجها بغرفه والعيال بغرفه وعمي وعمتي بغرفه المشكله اهلي عايله
وكانو بيهونون عن الجيه كلها لما درو ان اهل زوجي جايين لان امي مايمديها تكنسل اجازتها وترجع تاخذ،اجازه ثانيه
بس قالو بيستاجرون و حجزت لهم شقه والحين مشو وبنص الطريق صاحب الشقه رجع العربون وقال ماقدر اجركم بها مشكله
شلت هم قسم وكل الي لقيتهم غاليات مره
وهم ماديتهم ماش
تورطت ولا ابيهم يجون ينحشرون لان صارت قبل جوني وجو اهل زوجي وانحشرو اهلي عقبهم ماجوني لهم 6سنين ماجو عندي بيتي وهذي اول سنه يجوني والوضع الحين اصعب من جيتهم الاولى مالهم غير غرفه
قسم ورطانه خايفه ماعاد يجوني لصار الوضع كذا
قلت لاهل زوجي ان اهلي بطريق ووزعهم بغرف بس يصير حشر وامي وابوي نومهم صعب ماهم متعودين على الزحمه ودورات المياه وانتم بكرامه ماتكفي لانه وحده عند اخت زوجي وزوجها ووحده عند قسم العيال ووحده بغرفتي وامي من النوع الي تكش مره مستحيل تروح لهم ولاتجي لغرفتي عشان دورت المياه وش اسوي ورطت