😓😓

تخيلوا وصلت لمرحله قررت فيها ابوس راس ام زوجي بس عشان ارجع بيتي مو لاني مقتنعه ولا لانها على حق
لكن لاني جلست عند اهلي هاليومين وحسيت بالهم والمرض
بسبب تعامل ابوي عصبيته وطريقته الجارحه وكلامه اللي ماله داعي ابدا كل هذا كسرني
وانا اكتب لكم دموعي تنزل
ليه ابوي كذا ليه يعاملني بهالطريقه والله ما ضريته بشيء ولا ضايقته ولا نزلت راسه
يتعامل معي كاني غلطه او عاله عليه توه يقولي لي حتى بعد ماتزوجتي انتي لسى عبئ علي !
وش سويت له انا ودي افهم ودي اعرف !! تصدقون قمت افكر بيني وبين نفسي يمكن انا فعلاً مو بنتهم او يمكن حصلوني بأي مكان وربوني مهما حاولت افهم تصرفاته وابرر له إلا أني دايمًا حاسة إني غريبة كأني ما انتمي لهم، او كأنه مو شايفتي زي ما المفروض يكون😓😓😓😓
والصدمه اللي كسرتني اكثر امس اختي قالت لي انه بعد زواجي بشهر ابوي تسلف من زوجي ٢٠ الف ولا رجعها له للحين والادهى من كذا انه قبل اسبوع كلمه يطلب منه ٥ الاف زياده انا حرفيا مو قادره استوعب صحيح ظروف اهلي صعبه بس معقول ياخذ منه هالمبلغ ولا يفكر يرجعه وبعد يرجع يطلب منه زياده!!
وزوجي رغم كل هذا ولا جاب لي طاري الفلوس ولا لمح لها وهالشيء خلاني احس بالفشله بشيء مالي يد فيه!!!
من كثر القهر اللي حاسه فيه، ودي أدعي عليه بكل قوة لكن
ماقدرت لأن مهما صار هو ابوي مهما جرحتني تصرفاته، ومهما تسببت لي من الم
ماقدر اتخيل إني ارفع إيدي وادعي عليه حتى لو كان هو السبب في كل شي يخنقني لكن ماقدرررت اتحمل كلامه لي كل شوي يخطر ببالي ،، احس ابي ابرد قلبي بس شلوووون وبنفس الوقت ماني قادره اسامحه
لاحول ولاقوة الا بالله