😥

بنات زوجي عنده شغف كبير بالسيارات وكل يوم بعد دوامه يجلس يهندس سيارته وحتى سيارات أخوياه يجيبها للحوش ويشتغل عليها لانه خبره فيها المهم مع الوقت، بديت اراقبه وهو يصلح السيارات يمكن تنصدمون لكن حبيت الموضوع وصرت أشاركه فيه وأتعلم منه وصرت أهندس معاه شوي شوي مرات اركب له قطع بسيطه او اغير الفلاتر
يعني أشياء بسيطة ما فيها تعب أو خطورة بس حسيتها تقربنا من بعض اكثر وتخليني أشاركه شغفه وهذي كانت غايتي
لكن المصيبه
😓 قبل كم يوم غامرت شوي وتلقفت على شغلة ما كنت اعرف فيها ، وقلت أجرب أسويها لحالي
ركبت السيارة وهو في دوامه، وحاولت أضبط حاجة بسيطة من اللي شفته يسويها قبل بس مدري وش صار فجأة ولعت لمبات في الطبلون! حسيت قلبي بيطيح من الخوف لأن السيارة مو له سيّارة خويه اللي مأمنها عنده وللحين مايدري
فمحتارة أقول له وأعترف قبل مايعرف او أسكت؟ خايفه يابنات اكون عطبت حساس مهم في السيار والله اني ما كنت ناوية أخرب أو أسبب أي مشكلة لكن للاسف إني تدخلت في شيء ما كنت فاهمة فيه
والحين حاسه بحيرة كبيرة وخايفة من ردة فعله لو عرف
اعلمه ولا اسكت؟ المشكلة اكثر من مره طفيت السياره وشغلتها وباقي مولعه لمبات الطبلون وهو لحد الحين مايدري لانه مشغول هاليومين
وش رايكم😓 والله مدري وش جاني يوم اتلقف