-

الهنوف .. وراه ما تعجّلين ؟
- اصبر اصبر .. قاعدة ألبّس روان ..
- ساعة تلبسين روان ؟! .. ترانا بنجلس عندهم بس نص ساعة ، وحنّا مسافرين .. يعني ما له داعي الرسميات !
- لا والله ؟! .. وش تبي يقولون عنّا " الناس " !! ؛

- يمّه .. وش رايك أبشتري " كفّ " لجمانة ..
- ما شاء الله .. زين ، حلو والله يا بنيّتي .. الكفّ اللي بتشترينه " كم خاتم فيه " ؟!
- أكيد يمّه " خمس خواتم " .. أحلى .. وش رايك ؟
- إيه .. حلو .. بس يا بنيّتي .. خايفة من " الناس " .. !
- وش فيهم " الناس " ؟!
- أخاف يقولون : إيـــــــــه .. تحبّ بنته شارية ليه " كف " .. لا .. وكفّ أبو خمس خواتم ..
- ممممم .. صح يمّه ... طيب وش رايك إذا سألنا أحد نقوله أنه جاينا هدية ؟!
- هذي أشد ، وأشد يا بنتي.. بيقولون " الناس " : إيـــــــــــــه .. فيه " ناس " مهتمين فيهم ، ويهدونهم هدايا حلوة .
- والله النشبة يمّه .. طيب وش نسوي ؟!
- والله يا بنيّتي .. ما ادري .. ؛

- يبه .. يبه .. نبي نروح للسوق نشتري ملابس لزواج بنت عمّ زميلة بنت خالتي .
- يا بنيّتي .. ابشري بس هذولا بعيدين .. يعني فستان زواج بنت خالك ، يكفيك ..
- لألأ يبه .. الزواج هذا بتحضره سارة ، وسارة شايفتن الفستان علي ذاك اليوم بزواج بنت خالي ..
- يا بنيتي .. بس والله راتبي ما يكفي مصاريف البيت ، والشهر اللي راح شاريلك الفستان .. يعني جديد ..
- يبه .. يرضيك أن " الناس " يتكلمون عنّا ، يقولون " ما عندهم فلوس " ؟! ؛

تلك " عيّنة " من مواقف تحصل لنا جميعاً .. قد تختلف المسميّات .. قد يختلف " سيناريو " القصة .. لكن ، المضمون " واحد " ..

سؤال تبادر لذهني عند تفكيري بكتابة الموضوع :
من هم هؤلاء " الناس " ؟!
في الحقيقة .. هم أنا ، وأنت .. وأنتِ .. وهي ، والثاني والثالث والرابع .. نحنُ " الناس " .. ونحنُ المعنيين بهذا الكلام ..

هل ما سبق ذكره من أمثلة " واقع " ... أم .. مجرد " خيالات " .. و " مبالغات " ؟!
إذا كان واقعاً .. ملموساً .. برأيك :
هل " المشي " خلف كلام " الناس " .. صحيح ؟!
أم ..تطنيشهم .. هو الأصح ؟!
للامانه منقول وشكررررررررررررررن