وصار الكل يتفنن فيها ..
ولكن ماكو احلى من البساطه والعوده للنكهه الاصليه ...
اول شي ..
اساس باي التفاح و اي باي .. هو العجينه ..
نحضر اي عجينه .. تضبط معانا ..
ونضيف لمقادير العجينه 3 ملاعق سكر اضافيه ..
عجينتي اللي معتمدتها ..
3 كاسات طحين ابيض
2 م ك خميره فوريه
كاس ماي
رشة ملح
3 م ك حليب بودره
استكانه - بياله - زيت
2 م ك سكر
اعجنها في خلاط العجين .. واتركها ساعه الى ساعتين تتخمر في مكان دافي
وهالعجينه انا استخدمها لكل شي .. من حلويات وبيتزا و فطاير
وهنا اضافه لملعقتين السكر .. اضفت 3 ملاعق اضافيه عشان تصير حاليه شوي
يعني المجموع عندي 5 م ك سكر ..
ملاحظه .. كمية العجين كبيره جدا .. انا استخدم ربعها او اقل للفطيره ..
اترك العجين على جنب يتخمر .. واحضر خلالها حشوة التفاح ..
~~* ممكن استخدام اي نوع فاكهه اخرى بنفس الطريقه بالضبط .. خصوصا الفراوله يطلع حلو *~~
استخدم 3 انواع من التفاح .. عشان يعطيني تنوع في النكهه ..
تفاح احمر سكري و تفاح اخضر حامض .. و تفاح اصفر ايراني
اقشر التفاح .. و اشيل البذور .. واقطعها مكعبات صغيره ..
ارش على التفاح 6 م ك سكر عادي .. و 2 م ك سكر بني ..
و 1 م ص فانيلا و 2 م ص دارسين .. قرفه مطحونه
و عصرة ليمونه .. اخلط الجميع جيدا .. واتركه على جنب
احضر الصوص اللي يقدم مع الفطيره ..
هو عباره عن ظرف دريم ويب و كاس كريمة خفق بارده من الثلاجه و 2 م ك قشطه
اخلطهم زين في الخلاط لحد ماتتكون لي كريمه ثقيله ومتماسكه .. و احطه في الثلاجه
الان بعد ما تكون تخمرت العجينه ..
ندهن صينية الفطائر الدائريه .. ويفضل ان تكون من النوع اللي تنفك من الاطراف ..بالزبده
نبطن القالب بالعجين ونضغط عليه .. على اطراف القالب عشان ماينفك اثناء الطبخ
نثقب قاع العجين .. بالشوكه .. عشان ماتتنفخ وايد اثناء الخبز ..
و عقب ..في قدر صغير على النار .. نحط شوي زبده .. لحد ماتذوب
ونضيف لها 2 م ك سكر بني .. او سكر ابيض مايفرق ..
بس السكر البني لونه احلى
نحرك السكر مع الزبده .. لحد مايذوب ويصير لونه مثل الكرميل ..
هنا نضيف له التفاح ..
التفاح بيكون طلعت السوائل اللي فيه بسبب السكر
فنضيف التفاح بالسائل حقه كله
ونحرك .. لحد مايلين التفاح .. و هنا نضيف له 2 م ص نشاء مذوبه في 3 م ك ماء بارد
نسكر النار عن التفاح .. وفيه ناس في هالمرحله تضيف بعض المكسرات مثل الجوز ..
لكن احنا مانحطه ..
ونضع حشوة التفاح في قالب العجين ..
نضع قطعه اخرى من العجين .. او نشكل العجين بشكل شرائط متقاطعه .. او نزينها بالطريقه اللي نحبها ..
نخبز الفطيره في فرن مسخن مسبقا على درجة حرارة 160 درجه
و رح تحتاج حوالي 20 - 30 دقيقه ..
و نتركها لتبرد شوي ونقدمها مع الكريمه البيضا
وبالعافيه على الجميع
الله يعطيك العافية ..