]]]

السلام عليكم ورحمة الله و بركاته
أخواتي بنات حواء....( الأقربون اولى بالمعروف)
بأختصار..من يستحق الصدقة و التفطير؟؟؟ العامل الاسيوي اللي يشتغل و يقدر يوفر قوت يومه ؟
ولا المواطن الفقير العاطل عن العمل ولدية اطفال جياع وماعنده مايسد جوعهم؟؟

اكيد بتقولون حنا مانعرف ناس فقراء ولا نعرف اماكنهم..وان المسجد اقرب وهكذااا
بس صدقوني لو تسالون بتلاقونهم..بلدنا و الله مليانه فقراء وللأسف هذا الواقع
عشان كذا انا فتحت الموضوع اي وحده تعرف اماكن عوائل فقيرة في منطقتها تكتب هنا وتوصف اماكن تواجدهم عشان غيرها يقدر يوصل لهم الصدقة ونتعاون كلنا في الخير.
بالنسبة لي انا من الاحساء وراح اوصف لبنات الاحساء اماكن تواجد العوائل الفقيرة
فيه بالهفوف= في السوق ورا محطة العجاجي للبنزين( تغير اسمها صار بترول) حي كامل كله فقراء.
وفيه بالمحاسن= وانتي رايحة لمستشفى الحرس بيوت كلها صنادق وكئيبة مليانه اسر فقيرة.
هذا اللي اعرفه.....

ياريت اشوف تفاعل في هذا الموضوع..والدال على الخير كفاعله..
بنات الرياض و الدمام والخبر و كل مناطق المملكة ننتظر تعاونكم معنا في هذي الحملة

وجزاكم الله خيرا