actrim مين جربته ؟؟؟؟؟

اول مرة اسمع عنها
ان شاء الله يفيدوك البنات

والله ما حصلي الشرف و سمعت عنها ............. بس تدرين أنا أبد أبد أبد ما أأيد سالفة الحبوب لأن لها نتايج سلبيه على الشخص على المدى البعيد ......... وأنا كتبت موضوع عن أعشاب ساره للتنحيف أنا الصراحه أنصحك فيها لأني أنا جربتها ونحفت ونتايجها رووووووعه وإذا كنت ساكنه بالسعوديه تحديدا ( الخفجي ) قولي لي علشان أقول لك أسم العطار اللي شريت منه هالخلطه وصدقيني أنه طبيعيه 100% وما أثرت على الدوره الشهريه .......... وأي استفسار أنا حاااااضره...كم (مظلومه وايد )عندنا.....سلام

بس أنا ما أحب أجرب الأعشاب بالذات من صنع أحد الله يعلم شو فيها مشكورة حبيبتي ومب شرط نفعت معاج تنفع معاي
والحبوب هاي يقولون انها مكوناتها طبيعية كلها فواكه ودعاياتها في كل مكان في الجرايد وحتى في مبارايات كرة القدم

مافي ولا وحده سمعت عنها معقولة

أختي سمعت عنها لكن ما جربتها... احب اعتمد ع الرياضه و الرجيم اكثر لأني من النوع اللي اخاف من الحبوب... بالذات عقب ما استعملت الريدكتيل و صارتلي مضاعفات الله لا يبلي حد فيها... خليج على الطبيعي لا اعشاب ولا حبوب... تبين شي يحرق الدهون 100% بدون ما تبلعين حبوب؟ كلي اناناس... و امشي, سوي جري لين ما تعرقين من الخاطر... و هالكلام مب من عندي بس, انا سائله دكتور لما سألته عن حبوب الرجيم.. طبعاً ما بقولج المحاظره اللي حصلتها لكن هالدكتور انا اثق فيه وايد.. و احتشرت عليه و قلتله اني اعاني من احتباس الماي و عادي يكتبلي اي شي مؤقت و خلاص, عصب -زياده... قالي, انتي تمشين؟ -- جاوبته اني امشي 40 دقيقه في اليوم... قال كفايه, امشي 20 دقيقه و 20 وزعيهم عالجري او نط الحبل لين ما ترفعين نبض القلب 140 (طبعاً ماعرف كيف يعني بس اللي اعرفه انه تسوين بسرعه بس انج تقدرين ترمسين بدون ما تقطعين الكلام)... قال كل يوم و ما بتحتاجين حبوب ولا خرابيط, و عن الرجيم, كل شي تاكلينه, كلي نصه بس و نشي... بديت اتبع كلامه و الصراحه مرتاحه

اسمحيلي طولت عليج ^_^ حاولي تبعدين عن الحبوب اختي, صدقيني ما تعرفين شو مضارها.. مثلا, من خذت الريدكتيل, مع اني وقفته من زمااااااااان بس تأثيره موجود...

غريبة أمس كاتبة الرد واليوم مب موجود

أختي serenity صح كلامج أنا حاليا نظامي تخفيف مع الرياضة لكن بغيت شي يزود المفعول شويه وينزل الوزن أكثر

ياريت اللي جربتة ما تبخل علي بالنصيحة