Back to shool supplies 2013 📚

السلام عليكم و رحمة الله و بركاته

انا ادري ان باقي تقريباً شهر على المدرسة لاكن ادري ان في وايد ناس اشتاقو حق المدرسة و بعضهم لا بلنسبة لي متحمسة انا احب المدرسة الصراحة و احلة وقت اذا اطلع اتشرى حق المدرسه :p المهم ................................
اكثر البنات يروحون المدرسه و شنطتها فيها بس الكتب و الدفاتر و الاقلام بس لاكل انا حبيت انصحكم انكم تاخذون معاكم اشياء اكثر و بتستفيدين منها اكيد ..




اول شي حقيبة المدرسه : ما انصح انج تشترين الي على صوب ( على الكتف ) لا تقولين لااا انا كبررت و لازم اكششخ ، صج كشخه لاكن تعب انج تشيلين كل الكتب على كتف واحد ف احسن شي الي عل الظهر عمليه اكثر و اريح .

و في الشنطه طبعاً كتب و دفاتر ،،،،،،، الاقلام البنسل اهم شي حق الريض و الحبر ملونه احب اكتب بألوان و الماركرز ( اقلام تحديد ) ممسحه و مبراة
- شي مهم بلنسبه لي هو البلايندر : الدفتر الي يكون فيه تواريخ و الشهور كلها هاي يساعدني اني اتذكر مواعيد الاختبارات و تقديم البروجكت و البحوث وااايد واااايد يساعدني
- احب اشتري الفايل الي يكون فيه فولدرز عشان اقسمه كل فولدر حق مادة و هل شي زيين الان يحفظ الاوراق الي يطونج اياهم في المدرسة الان في الشنطة بتنشق ( بتتمزق ) .
- احب اخلي في الشنطه دفتر حق ملاحظات ما يكون كبير وايد وله صغيير وايد يعني متوسط الان اكييد بتمرون بمواقف ان وحده تبي ورقة او انج تسجلين رقم وحدة او اي شي .... :)



ننتقل حق الاشاء الثاانيه (( النظافة و الاناقة ))

- اول شي احب احد ديودرنت ( مزيل عرق ) في الشنطة الان يكون عندي حصة رياضة . :)
- معقم يد اكيييد مستحييل اروح المدرسة بدون معقم يد انا اككره شي عندي ان يدي تكون مو نظيفه .
- لوشن : وايد مريت بمواقف ان لما اصل المدرسه و اروح في الشمس الاقي مناطق ما حطيت فيها كريم ف اطلع اللوشن من الشنطة و احط لي ههههه
- مرطب للفم
- بودره مثل لون البشرة للتصفيه بس
- مو حلو انج تحطين كحل في المدرسه ، حاولي تخلين شكلج يكون طبيعي ف المسكرة اوك بس مو واااايييد
- مشط
- مناديل مرطبه ( ديتول ، جونسن ) عل حسب الي تحبينه .



..................………………...............................................................


بلنسبة للملابس : كلنه نلبس زي موحد و في الصيف ما نقدر نلبس اشيه فووق ف اشتري قمييص يكون فيه لوون شوي لااكن في اللشته ( الشتاء ) احلله شي انج تلبسين الجاكيت الابيض الي يكون بدون كبس و فيه ازره ليي تحت و تقدرين تضيفين سكاارف اذا تبين و اذاااا مدرستكم ترضه هههه
و الحذااء افضل يكون ابيض او بيج او اسود اللوان هادئة لاكن الالوان الفلااش لااا كللش مو حلوه حق المدرسة. و انا احس ان الالوان الغامجة و الفلاش تبين انها رخيضة لاكن الالوان الراقيه و الهادئة تبين الانها غالية و كشخة . :)
و بلنسبة للجوراب احب اللبس الي ما يطلع برع كأنه مو لابسة هههه



.............................................
و بس هاي الي عندي و اي وحدة حابة تضيف شي ( شنو تحط في شنطتها مالت المدرسة )



Ps : هاي اول موضوع اكتبه :)) للعلم فقط :dozey:






و ****لله عقب شوي او باجر بكتب موضوع ثاني عن المدرسة
اتمنى انكم تتفاعلون ويااي :icon35: