رجعتلكم بموضوع جديد الي هو bb كريم بس قبل ما ابدأ ابغى منكم طلب او حاجة او شئ >>> انا ماادري اش هو المهم انا اكتب هذة الموضيع عشان انتو تستفيدو منه و يمكن بعض الزائرات راح يستفيدو بعد >>> محسوبتكم كانت زائرة لمدة سنتين يعني عارفة اش يحصل خلف الشاشة:S_45: ههههه
المهم انا جاتني فكرة ان كل وحدة تقولي اش تبغاني اكتب ( يعني عن الارواج _ الحواجب _ الكحل و غير ذلك ) ليش عشان انا ماادري انتو اش تبو فكذا تكوني ريحتوني اكثر والاستفادة اكثرواسرع طبعا انا راح اشوف الردود و ان شاء الله راح اكتب الموضوع وبس
يلا نرجع للbbكريم اش هو هذا الكريم ؟؟؟؟ هو كريم اخف من كريم الاساس يقوم بأخفاء العيوب و يحمي من الشمس عشان هو فيه واقي شمس و اكتشفت مع الاستمرار راح يوحد لون وجهك ويمكن يزيل الكلف من الوجة و الله يعلم
طيب اش فوائدة؟؟؟؟ اول شئ يغطي المسام وحبوب الوجة مثل البرايمر (البيس)
2-بشرتك راح تكون صافية مثل بشرة الاطفال >>> انا ماعرف اشرح بس هذا الي وصلت له هههه
3- يستخدم كريم اساس يعني مو محتاجة كريم اساس و هو اخف من كريم الاساس
هذا الي انا اعرفة اظن له فوائد ثانية بس انا ما اعرفها >>> اي انا موخبيرة انا مجربة
هذة المنتجات الي انا استخدمها و احسها رائعة مرة
يلا بسم الله
اول شئ كريم من غارنيير (garnier)هو على شكل انبوب بالمقلوب لما تحطية على يدك او وجهك في البداية راح تحسي انه ثقيل بس لما تبدئ في التوزيع لحالة راح يتحول لكريم خفيف ختى ما راح تحسي فيه ماراح يبقع على بشرتك ولا شي راح يوحدلك لون بشرتك و يغطي العيوب ويحمي من الشمس عشان فيه واقي شمس
هذا الكريم لحد الان انا جالسة استخدمة وكل ما يخلص اروح واشتري واحد ثاني وهو للاستخدام اليومي انصحكم فيه
هذا الكريم من بودي شوب (the body shop) هذا الكريم اشتريتة كذا لقافة مني يوم رحت لي بودي شوب هذا الكريم في البداية راح يكون شفاف و بعدين راح يتحول لي لون البشرة بس هذا الكريم ما نفع معايا ليش ؟؟؟ لان هذا الكريم للبشرة الجافة و انا بشرتي دهنية بس هو رائع للبشرة الجافة هو خفيف و راح يغطي العيوب يعني انصح البنات الي بشرتهم جافة انهم يجربو هذا الكريم بس الي بشرتها دهنية زي تبتعد عنه
هذا الكريم من ماك (mac) هذا الكريم بعد اشتريته لقافة بس اش اكتشفت ان هذا الكريم ممتاز و رائع اول شئ لما تحطي الكريم راح يمتصة الجلد بسرعة و يغطي العيوب في نفس الوقت و يوحد اللون و يحمي من الشمس في احسن من كذا و تقدري تستخدمية كأساس و هو مناشب للكل يعني لجميع انواع البشرة
هذا الكريم اسمة ( clinique) هذا الكريم امي اشترته عشان مكتوب يحارب تقدم السن و العام اذكر كريمي خلص انا استخدم كريم غارنيير لحد الان المهم الكريم خلص و كنت رايحة عشان عندي محاضرة المهم امي شافت انزعاجي فقالت استخدمي كريم >>> ذلحين تعرفو ليش قلت هذة القصة المهم استخدمت الكريم و رحت المحاضرة و جيت و الكريم هذا لساته ثابت في وجهي ووجهي مافيه لمعة ( معروف البشرة الدهنية مرات تطلع الزيوت) المهم اكتشف ان هذا الكريم يمتص زيوت الوجة ويغطي البقع الحمرا و يحمي من الشمس هذا الكريم طبيعي و رائع و انصحكم تستخدموه حتى لو كنتي صغيرة في السن
اخر كريم هو لوريال اكيد الشركة هذة معروفة الكريم هذا رائع لجميع انواع البشرة و خفيف يغطي العيوب يحمي من الشمس ويرطب البشرة انصحكم فية و هذا الكريم حصلتة في الصيدلية
على فكرة كل الكريمات هذه راح تحصليها في الصيدلية مثل النهدي
طريقة وضعة
اول شئ تغسلي وجهك بالصابون و ترطبية بأي كريم انتي تستخدمية
حطي الكريم على ظهر يدك >>> ما عرف اشرح ترى او حطي نقط على جميع انحاء وجهك
ووزعي الكريم بيدك هو الكريم اصلا سهل مو زي الاساس ثقيل يعني مو محتاج اسفنجة او فرشة توزيع
ملاحظة: 1-اذا تبغي تستخدمي الكريم لحالة مافي مشكلة
2-اذا تبغي تحطي مكياج كمان مافي مشكلة بعد الكريم حطي بودرة وزعيها على وجهك ( للبشرة الدهنية بودرة سائبة ) و ( البشرة الجافة بودرة مضغوطة ) وكملي مكياجك عادي
3-اذا حاسة ان عندك تجاعيد كثيرة او قليلة و عيوب واضحة يعني من ناحية عدم توحد في اللون المهم تجاعيد زي علامات الضحك و كذا اشتري كريم bb تغطية تكون كبيرة او قوية عشان تخف التجاعيد او امزجي الاساس مع الكريم وبشرتك راح تكون روعة
وهذة المعلومات الي عندي و المنتجات الي انا جربتها معليش الموضوع طويل شوي بس هذا كريم ويوضع في الوجة و الوجة معروف منطقة تتحسس من اي شئ مو مناسب لها عشان كذا كتبت كل كريم مع الشرح عشان ابرئ ذمتي و ما تجي وحدة تدعي علي اذا الكريم ما نفع معها هههههه
وهذة المنتجات انا استخدمتها شخصيا و في منتجات ثانية و علامات تجارية ثانية بس انا ما استخدمت الا الي انا كتبتهم
اي وحدة من العضوات عندها معلومات اضافية او منتج هي استخدمته و نفع معها ياريت تكتب عنة في الردود و اي وحدة عندها سؤال انا حاضرة
يلا مع السلامة قرقرت كثير :icon35:
اختكم في الله:26::26:
استفدت كثيررررررررر
:26::26::26: