السلام عليكم ورحمة الله وبركاته
حبيباتي انا من جده وحابة اكتبلكم تجربتي مع معهد بيرلتز
بصراحة في البداية كنت مترددة مررة وماني واثقة في فكرة اني ادخل معهد
كنت مفكرة اعلم نفسي بنفسي زي مايقولو البنات
بس واللــــــــه اني ندمت اني مادخلت المعهد من زمان
بجد يابنات تحسي نفسك شي واااااااااااااااو
انا اقللك ليش المعهد افضل من التعليم الذاتي
وليش معهد بيرلتز مررررة خطير
انتي لمن تدرسي بنفسك حتتعلمي تحفظي كلمات زيي بس ماحتعرفي كيف تستخدميها او كيف تكوني جملة مناسبة فيها
مثلا..
1-هل كنتي تعرفي انو لمن تطلبي شي من احد او لمن تبغي تعزمي احد لازم تبداي سؤالك ب would??
لان هذي الطيقة الاكثر تهذيبا او ال formal
وكيف تقبلي الدعوة او ترفضيها
2- تعرفي اش تقولي للمريض وكيف تقترحي عليه ادوية او علاجات ؟؟
3- تعرفي تفاصلي في السعر وتتعلمي تسوي صفقات؟؟
4- تعرفي تتكلمي في الاسهم والاستثمار بكل بساطة بالانجلش؟؟
5-حتعرفي كيف لمن تروحي مقابلة عمل تتكلمي
وهذي امثلة بسيطة للاشياء اللي ممكن تتعلميها في المعهد وبالاضافة للجرمر يابنات
والله مرررة مهمه
والاهم انو وانتي بتتكلمي التيتشر تصلحلك الجرمر ..
وتعطيكي مساحه تتكلمي وتعبري عن رايك
نصيحة روحو جربو مستوى واحد ولو ماحسيتو انكم سرتو خطيرات من اول مستوى تعالو عاتبوني
شاركي في النقاش
سجلي الدخول لإضافة تعليق.
التعليقات
29- ياريت تقولي بكم المستوى وموقعهم فين
- كيف اسعارهم ويعملوا اختبار تحديد مستوى وايش جنسية التيتشر
- اشكركم عالردود وسوري عالتاخيير
المستوى العادي سعره 3400 تقريبا وياخذ شهرين او شهر ونص
المستوى الصيفي 2800 تقريبا وياخذ 3 اسابيع
المدرسات كلهم اجانب
اللي درستني سويدية
اللي سوتلي المقابلة سعودية بس بيرفكت بالانجلش
وبعدين حولتني لوحده اجنبيه كملتلي المقابلة
اختبار تحديد المستوى عبارة عن محادثة بينك وبين التيتشر
موقعهم
وانتي نازلة من الكوبري المربع كانك رايحة عالتخصصي
ترجعي من اول اشارة ورابع لفه عاليمين تلاقيهم على يمينك - يعملوا المقابله محادثه طيب انا ما أعرف اتكلم لكن ممكن اختبر تحريري
ياريت توضحي - وين هذا المعهد لو سمحتي ممكن رقم المعهد
مواضيع مشابهة
تابعي تجارب أخرى من هذا القسم.