BINTalnoor سؤال؟؟؟؟

هلا وغلا ام ساره انا حبيبتي اسكن بمسقط في عمان وبيتي في العذيبه الجديده وعبارة عن توين فيلا واحد بناجره والثاني بنسكن فيه بس فيلتنا كبيره والفلا ثانيه صغيره عشان بناجرها بيتي اول ما تدخلين من الباب تشوفين صاله عودة مفتوحه على صالة الطعام احب الشيء واسع وعلى ايدش اليسار مجلس رجال بس ابي اقولك شغله نحن جدا متاثرين بالنظام الاوروبي لاننا عشنا هناك فترة طويله واستفدنا اشياء وايده في البناء لان هناك عندهم برامج وايده تتكلم عن البناء وعن الاشياء اللي واجب تعملينها واللي المفروض ما تسويينها طيب الحين نجي لبيتنا بما اننا اسرة مكونه من خمس اشخاص ثلاث صبيان وانا وريلي والشغاله صرنا سته اوكي ما فكرنا نبني بيتنا عشان يخدمنا الحين بس فكرنا ببكرة وبعيالنا (بتحكي قصة حياتها ما عليه تحمليني للاخر) اوكي الحين بعد الصاله والمجلس تشوفي قدامش الدرجه دايريه وتحت جنبها المطبخ اولا انا ما احب المطابخ الخارجيه لان اعتقد المطبخ شيء خاص فيني والمكان الحميم اللي كل الاسره طول النهار داخله خارجه عليه اللي يبي ياكل واللي يبي شيء يسويه ومن هالقبيل فاثثته شغل عدل بس مو غالي لان بصراحه ما احب البذخ عشان الناس احب اسوي الشيء العملي والحلو واللي يريحني داخل مطبخي فيه مخزن صغير وفيه طاوله متصله بالمطبخ بكراسيها نطلع من المطبخ نطلع فوق ما في جدار تشوفين مقابلش كله المنيوم الدرج يوصلش لين فوق يعني الصاله مفتوحه وفيه اربع غرف نوم بحماماتها تكرمين بعدين بالملحق فوق فيه غرفتين بحماماتهن وحده مكتب والثانيه حج الشغاله ومخزن كبير ولاوندري روم وصاله مفتوحه امكن احط فيها بعض ادوات رياضيه هذا بيتي بالمختصر ايه صج نسيت اقولش في الصاله العلويه فيه قبه عودة حيل حيل وايد عاطيه منظر جميل ومزينينها بزجاج مكتوب بطلريقه فنيه الله نور السموات والارض وايد تحفه طالعه هذا بيتي بالمختصر كل الغرف متوسطه بس غرفتي كبيره شوي وكلهم بهم درسنج انزين لو تلاحظين كل الغرف مستغله ما في شيء بيضل مسكر او شيء ما منه فايده كل ركن بالبيت استفدنا منه بطريقه او اخرى وكل البيت مسوين له مكيفات سبلت يونت ما انصحش بمكيفات الدرايش تعطيش لوك رخيص وغير الازعاج والشكل وغير يحفروون بجدار بيتش عندي بعد افكار وايده ان شاءالله بسويها اول ما انتقل اذا فيه اي سؤال انا حاضرة واتمنى اكون وصلتلش اللي تبينه وشكرا حبيبتي

نسيت اقولش في الطابق الثاني في بانتري صغيروحبيت بعد اشرحلك لمن قلتلك نحن فكرنا بعيالنا وبكرة وكذي اهم شيء الحمامات تكون بغرفهم صدقيني اول ما يكبرون يحبون الاستقلاليه والفيلا الثانيه اللي بناجرها الحين بكرة ان شاءالله تكون للاولاد على الاقل مبدائيا تدرين الظروف كل مدى تصعب والعقار يغلى حبينا نامن لهم شيء بس هذا كل شيء اسفه طولت عليك لان لو ما شرحتلك فكرتنا ما راح تفهمين لان الكل انتقدنا عشان انا سوينا توين فيلا وعشان ما سوينا مطبخ او مجلس خارجي وكثرة الحمامات صدقيني معظم المجالس مسكرة طول السنه بس للغبره تتجمع فيها والمطابخ الكبيره بالله عليكي انتي كل يوم راح تعزمين امة محمد ما تقدرين صعب والشغاله لو راحت عنكي صعب عليكي رايح برع وراده المهم كل ونظرته للامور ونا احب بيتي يكون تحت عيوني واشرف على كل شيء فيه لان بيتي مملكتي مش مملكة الغير

السلام عليكم بنت النور

شكرا عزيزتي على ردج الوافي واعذريني بعد عندي كم سؤال
على فكرة انا بحرينية بس انا درست في جامعة السلطان قابوس ...........وحشتني عمان

المهم


انا نفسج ابي بيتي يكون مريح وعملي
انا اللي في بالي نفس تخطيط بيتج
بس ودي اقسم البيت جزئين
يعني جزء صالة عائلية ومطبخ وكونتر وجزء صالتين للضيوف وغرفة طعام

بس اخاف البيت يكون صغير ومو شرح
بس جذي احس افضل على الاقل قسم الضيوف يبقى نظيف ومرتب طول الوقت
تدرين اليهال وسوالفهم
ما سوتي صالة فوق؟؟؟ ولا حجرة اضافية تحت؟؟؟وكم خليتي مساحة من الباب الرئيسي الى مدخل البيت؟؟وكم مساحة مجلس الرجال والصالة؟؟؟؟

اهلا اختى قبل ما تبنين البيت شاورى ناس بنو وسكنوا البيت صدقينى بعد البنا بتندمين وايد بعطيج بعض الاقتراحات لاني بنيت من سنه مخلص البيت واجرته علي بريطانين باقى 6شهور وبنتقل الملاحظه الاولي لا تنسين مثل ما نسينا في بيتنا تكرمين حمام حق الصاله مخزن اتحطين اغراص انتى ما تبغينها لكن يمكن تحتاجينها في الايام اليايه غرفه حق الغسيل + غرفه حق الكوي وانج اتوزعين السوكيت في الجدران الاربعه في كل ممرات البيت نحنا مانسينا فكره السوكيت لان صديق زوجي عنده افكار شرف على البيت ولا تنسين السوكيت خارج الفله سور البيت وايضا نقاط توزيع الماء في الجدران الاربعه وبجانب الكراج سوكيت ضد الماء و توصيل ماء لأنج بتحتاجين هذا الاشياء اختى ندمانه الانها ماعندهم هذى المواصفات السوكيت فدائما يحطون الاشياء في نفس المكان مندون التغير

شكرا يا بنت القصاب على النصيحة المهمة جد1 جدا جدا
بي ليش نحط سوكيت بره السور ؟؟؟

اشلون تخطيط بيتكم؟؟؟؟