Breast pumps

حياك الله بيننا اختي زهرة الاسلام..
لماذا تريدين استخدامها اختي..هل انت امراة عاملة او ان هناك مشاكل في رضاعة طفلك من صدرك مباشرة؟
على اي الاحوال..
هناك اسباب لاستخدامها..لكن اهمها هي انها تستخدم غالبا للامهات العاملات ..لتامين كمية من حليب الام الطبيعي للطفل اثناء غياب الام في عملها..وايضا ان كانت هناك مشاكل لدى الام "كغياب الحلمة او التهابها ونحوها..." فلا تستطيع ارضاع الطفل مباشرة من الثدي..
هناك نوع يدوي منها..ارخص ثمنا لكنه متعب وياخذ وقتا طويلا لانجاز الكمية التي تودينها من الحليب..وهناك نوع كهربائي وهو اسرع طبعا..
اما متى تشترينها..فان كانت ضرورية لك ..فالان طبعا وقت مناسب..
وبالسلامة اختي..ونورتي المنتدى..:26:

السلام عليكم....:)
بالنسبة لي....كنت أرضع طبيعي أول ما ولدت...و الموضوع ماشي معي..الين بعد أسبوع شفت الولد بدأ يصارخ و يتشنج و ما يبي صدري بأي طريقة..يرضع 20 دقيقة و يبكي...أقول يمكن خلص الحليب و أبدله للصدر الثاني..نفس الشي..الين ما اكتشفت أنه ما عندي حليب يكفيه و يا حياتي و بعد قلبي كان يبكي من الجوع:(:( فنصحتني الميدوايف أعطيه الرضاعة(حليب البودرة) لأنه كان نحيف بالنسبة لعمره و يحتاج يشرب أكثر و أعطيته اياه و أنا أبكي و أنقهر...كان نفسي أرضعه طبيعي على طول (والله أنقهر من اللي عندها حليب و ما ترضع لأسباب تافهة!!) و سمعت نصيحة انه استخدام المضخة حقت الحليب تساعد في ادرار الحليب لأنه تفرغ الثدي من الحليب فيرسل للدماغ عشان ينتج حليب أكثر...و استخدمته...و كنت أرضع ابني من اللي يطلع من صدري عن طريق الرضاعة...أحسن من البودرة...لكن الطامة الكبرى...ابني تعود على الرضاعة و ما يبي من صدري:( صرت لاااازم أطلع الحليب بالمضخة و أعطيه اياه...والله المستعان....:( قاعدة أحاول أرجعه لصدري بس يتعبني مرررررة :( دعواتكم لي...

المهم خرجت من الموضوع....
عن تجربة شخصية ...عجبني AVENT ما أدري هو متوفر بالدول العربية ولا لا... لكن اللي عندي يدوي..وهو فعلا شوي متعب...لكن كنت أضخ 100 ملل في 20 دقيقة.. اللي سمعته انه أحسن من اللي بالبطارية لأنه مزعج و ما تتحكمي فيه على كيفك...والله أعلم..
شغلة ثانية أزعجتني هي..أنه قبل كل استخدام لازم تعقميه اما تغليه 5-10 دقايق أو تحطيه في المعقم (جهاز خاص يعقم أدوات اطعام الطفل)...
و ان شاء الله نفعناكم..:)

السلام عليكم يا احلا بنات :27: :27:

حبيت اسئل الي عندها خبرة مع Breast pumps ... هل صحيح ألي اسمعه انه يبهدل شكل الصدر ؟؟

اختكم روضة :27: :26: :27: :26:

اهلين Rose of ISLAM وحياك الله بيننا,,

ابني بهذلني اول ثلاث ايام مو راضي يمسك صدري
فشريت اللي ببطاريه..من بايجون.. كانت حلوه بس بطيئه شوي

كنت مبسوطه عليها بس ماما ما كانت راضيه..تقول خليه يرضع من صدرك أحسن..

بس فيه وحده تمدح نوع ينباع بـtoy's r us
تقول انها تشفط من كل الصدرين مره وحده..وسريعه..أظنها قالت لي انها تنشبك بالكهربا

انا بعد شريت من بيجون بالبطاريه بس بستخدمها انشالله قريبا بس ضيقت خلقي ريما تقول بطيئه
بس قبل جربت اليدويه
وشريتها عشان اذا رديت الوظيفه اشفط للطفل رضعه عالاقل :06:

او اذا كنت تعبانه وبنام اشفطله رضعه واخليه عند الخدامه الصبح في فترة النفاس

مااعتقد انها تخرب الصدر لان اصلا الاجهزة اللي تكبر الصدر كلها تعتمد على فكره الشفط بس حاولي تقللين من استخدامها الا للضروره

تولدين بالسلامه انشالله ... تحياتي :04: